ਸਚਿਨ ਤੇਂਦੁਲਕਰ ਦੇ ਦੋਸਤ ਵਿਨੋਦ ਕਾਂਬਲੀ ਦੀ ਹਾਲਤ ਖਰਾਬ, ਚੱਲਣਾ ਤਾਂ ਦੂਰ ਖੜ੍ਹੇ ਹੋਣਾ ਵੀ ਮੁਸ਼ਕਿਲ - Vinod Kambli

Vinod Kambli : ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕ੍ਰਿਕਟਰ ਵਿਨੋਦ ਕਾਂਬਲੀ ਦਾ ਇੱਕ ਵੀਡੀਓ ਇੰਟਰਨੈੱਟ 'ਤੇ ਵਾਇਰਲ ਹੋ ਰਿਹਾ ਹੈ। ਜਿਸ ਤੋਂ ਬਾਅਦ ਕ੍ਰਿਕਟ ਪ੍ਰਸ਼ੰਸਕ ਇਸ ਵੀਡੀਓ 'ਤੇ ਕਾਫੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਪ੍ਰਸ਼ੰਸਕਾਂ ਨੇ ਸਚਿਨ ਤੇਂਦੁਲਕਰ ਤੋਂ ਵੀ ਮਦਦ ਮੰਗੀ। ਪੜ੍ਹੋ ਪੂਰੀ ਖਬਰ...

ਨਵੀਂ ਦਿੱਲੀ: ਭਾਰਤੀ ਟੀਮ ਦੇ ਸਾਬਕਾ ਕ੍ਰਿਕਟਰ ਵਿਨੋਦ ਕਾਂਬਲੀ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ ਜੋ ਪ੍ਰਸ਼ੰਸਕਾਂ ਨੂੰ ਕਾਫੀ ਪਰੇਸ਼ਾਨ ਕਰ ਰਿਹਾ ਹੈ। ਇੰਟਰਨੈੱਟ 'ਤੇ ਵਾਇਰਲ ਵੀਡੀਓ 'ਚ ਵਿਨੋਦ ਕਾਂਬਲੀ ਕਾਫੀ ਕਮਜ਼ੋਰ ਨਜ਼ਰ ਆ ਰਹੇ ਹਨ ਅਤੇ ਖੜ੍ਹੇ ਹੋਣ ਦੇ ਵੀ ਯੋਗ ਨਹੀਂ ਹਨ ਅਤੇ ਆਸ-ਪਾਸ ਦੇ ਲੋਕਾਂ ਤੋਂ ਖੜ੍ਹੇ ਹੋਣ ਲਈ ਮਦਦ ਮੰਗਦੇ ਨਜ਼ਰ ਆ ਰਹੇ ਹਨ।

If you grew up in the 90s, you likely remember Vinod Kambli for his aggressive batting and flamboyant style at the crease. A video has surfaced on social media showing him struggling to walk steadily, sparking concern, sympathy for his current health condition. #bcci #TeamIndia pic.twitter.com/Sarfjgpdbq

— Vinay Kulkarni (@Vinaykulkarni91) August 6, 2024

ਇਸ ਵੀਡੀਓ ਨੂੰ ਦੇਖ ਕੇ ਲੋਕ ਹੈਰਾਨ ਰਹਿ ਗਏ ਕਿਉਂਕਿ ਭਾਰਤੀ ਟੀਮ ਲਈ ਖੇਡ ਚੁੱਕੇ ਕਾਂਬਲੀ ਦੀ ਅਜਿਹੀ ਹਾਲਤ ਹੈ ਕਿ ਉਸ ਤੋਂ ਸੜਕ 'ਤੇ ਖੜ੍ਹਾ ਵੀ ਨਹੀਂ ਹੋਇਆ ਜਾ ਰਿਹਾ। ਇੰਨਾ ਹੀ ਨਹੀਂ, ਇਕ ਵਿਅਕਤੀ ਵਲੋਂ ਸਹਾਰਾ ਦੇਣ 'ਤੇ ਵੀ ਉਹ ਖੜ੍ਹਾ ਨਹੀਂ ਹੋ ਪਾਉਂਦੇ ਅਤੇ ਫਿਰ ਕੋਈ ਹੋਰ ਵਿਅਕਤੀ ਆ ਕੇ ਉਨ੍ਹਾਂ ਨੂੰ ਸਹਾਰਾ ਦਿੰਦਾ ਹੈ ਤਾਂ ਵੀ ਉਹ ਠੀਕ ਤਰ੍ਹਾਂ ਨਾਲ ਖੜ੍ਹਾ ਨਹੀਂ ਹੋ ਪਾਉਂਦੇ ਅਤੇ ਸਹਾਰਾ ਦੇ ਕੇ ਉਨ੍ਹਾਂ ਨੂੰ ਬੈਠਣ ਲਈ ਇਕ ਜਗ੍ਹਾ 'ਤੇ ਭੇਜ ਦਿੱਤਾ ਜਾਂਦਾ ਹੈ।

ਇਸ ਵੀਡੀਓ ਦੇ ਵਾਇਰਲ ਹੋਣ ਤੋਂ ਬਾਅਦ ਲੋਕ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੀ ਸਿਹਤ ਨੂੰ ਲੈ ਕੇ ਹਮਦਰਦੀ ਪ੍ਰਗਟ ਕਰ ਰਹੇ ਹਨ। ਕੁਝ ਪ੍ਰਸ਼ੰਸਕ ਸਚਿਨ ਤੇਂਦੁਲਕਰ ਤੋਂ ਮਦਦ ਲਈ ਵੀ ਬੇਨਤੀ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ ਕਿ ਤੁਹਾਡਾ ਦੋਸਤ ਵਿਨੋਦ ਕਾਂਬਲੀ ਬਹੁਤ ਬੀਮਾਰ ਹੈ। ਸਭ ਕੁਝ ਭੁੱਲ ਕੇ ਉਨ੍ਹਾਂ ਦੀ ਮਦਦ ਕਰੋ। ਕੋਈ ਵਿਕਲਪ ਨਹੀਂ ਹੈ ਜਾਂ ਸਿਰਫ਼ ਸ਼ੋਕ ਸੰਦੇਸ਼ ਭੇਜੋ।

It's extremely sad to learn that Graham Thorpe is no longer with us. His reputation as a naturally gifted, free-flowing batter who played fearlessly and with flair, always stood out. Sending my heartfelt condolences to his family and close ones. Rest in peace, Graham.

— Sachin Tendulkar (@sachin_rt) August 5, 2024

ਤੁਹਾਨੂੰ ਦੱਸ ਦਈਏ ਕਿ ਸਚਿਨ ਤੇਂਦੁਲਕਰ ਅਤੇ ਵਿਨੋਦ ਕਾਂਬਲੀ ਚੰਗੇ ਦੋਸਤ ਮੰਨੇ ਜਾਂਦੇ ਹਨ, ਉਨ੍ਹਾਂ ਦੀ ਦੋਸਤੀ ਜਗ ਜਾਹਿਰ ਹੈ। ਮਾਸਟਰ ਬਲਾਸਟਰ ਅਤੇ ਸਚਿਨ ਦੀ ਸਾਂਝੇਦਾਰੀ ਵੀ ਕਾਫੀ ਮਸ਼ਹੂਰ ਹੈ। ਸਚਿਨ ਅਤੇ ਕਾਂਬਲੀ ਨੇ ਮੁੰਬਈ ਦੇ ਆਜ਼ਾਦ ਮੈਦਾਨ 'ਚ ਸੇਂਟ ਜੂਨੀਅਰ ਹਾਈ ਸਕੂਲ ਦੇ ਖਿਲਾਫ 664 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਸੀ। ਉਸ ਸਮੇਂ ਇਹ ਕਿਸੇ ਵੀ ਉਮਰ ਵਰਗ ਦੀ ਸਭ ਤੋਂ ਵੱਡੀ ਪਾਰੀ ਸੀ। ਉਸ ਸਾਂਝੇਦਾਰੀ ਦੌਰਾਨ ਸਚਿਨ 326 ਦੌੜਾਂ ਬਣਾ ਕੇ ਨਾਬਾਦ ਰਹੇ ਅਤੇ ਵਿਨੋਦ ਕਾਂਬਲੀ 349 ਦੌੜਾਂ ਬਣਾ ਕੇ ਨਾਬਾਦ ਰਹੇ।

ਵਿਨੋਦ ਕਾਂਬਲੀ ਨੇ ਇੱਕ ਇੰਟਰਵਿਊ ਵਿੱਚ ਬੀਸੀਸੀਆਈ ਦਾ ਬਹੁਤ ਧੰਨਵਾਦ ਕੀਤਾ ਸੀ। ਉਨ੍ਹਾਂ ਨੇ ਦੱਸਿਆ ਸੀ ਕਿ ਉਨ੍ਹਾਂ ਦੇ ਖਰਚੇ ਬੀਸੀਸੀਆਈ ਵੱਲੋਂ ਦਿੱਤੀ ਜਾਂਦੀ ਪੈਨਸ਼ਨ ਨਾਲ ਹੀ ਪੂਰੇ ਹੁੰਦੇ ਹਨ। ਤੁਹਾਨੂੰ ਦੱਸ ਦਈਏ ਕਿ ਵਿਨੋਦ ਕਾਂਬਲੀ ਨੇ ਆਪਣੇ ਕ੍ਰਿਕਟ ਕਰੀਅਰ ਵਿੱਚ 17 ਟੈਸਟ ਅਤੇ 104 ਵਨਡੇ ਅੰਤਰਰਾਸ਼ਟਰੀ ਮੈਚ ਖੇਡੇ ਹਨ। ਇਸ ਦੇ ਨਾਲ ਹੀ ਵਨਡੇ ਅਤੇ ਟੈਸਟ 'ਚ ਉਨ੍ਹਾਂ ਦੇ ਨਾਂ 4 ਸੈਂਕੜੇ ਹਨ। ਉਸ ਨੇ 14 ਅਰਧ ਸੈਂਕੜਿਆਂ ਦੀ ਮਦਦ ਨਾਲ ਟੈਸਟ ਵਿੱਚ 1084 ਅਤੇ ਵਨਡੇ ਵਿੱਚ ਕੁੱਲ 2477 ਦੌੜਾਂ ਬਣਾਈਆਂ ਹਨ।