ਨਵੀਂ ਦਿੱਲੀ: ਭਾਰਤ ਦੇ ਨੌਜਵਾਨ ਵਿਕਟਕੀਪਰ ਬੱਲੇਬਾਜ਼ ਈਸ਼ਾਨ ਕਿਸ਼ਨ ਨੇ ਇਕ ਵਾਰ ਫਿਰ ਆਪਣੀ ਬੱਲੇਬਾਜ਼ੀ ਦਾ ਜਲਵਾ ਦਿਖਾਇਆ ਹੈ। ਇਸ ਖੱਬੇ ਹੱਥ ਦੇ ਬੱਲੇਬਾਜ਼ ਨੇ ਦਲੀਪ ਟਰਾਫੀ 'ਚ ਹਮਲਾਵਰ ਸੈਂਕੜਾ ਲਗਾਇਆ ਹੈ। ਇੰਡੀਆ ਸੀ ਲਈ ਖੇਡਦੇ ਹੋਏ ਈਸ਼ਾਨ ਕਿਸ਼ਨ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ ਅਤੇ ਇੰਡੀਆ ਬੀ ਖਿਲਾਫ ਸੈਂਕੜਾ ਲਗਾਇਆ।
ਇਸ ਮੈਚ ਵਿੱਚ ਇੰਡੀਆ ਸੀ ਟੀਮ ਦੇ ਕਪਤਾਨ ਰੁਤੁਰਾਜ ਗਾਇਕਵਾੜ ਸੱਟ ਕਾਰਨ ਰਿਟਾਇਰ ਗਰਟ ਹੋ ਗਏ। ਪਰ ਇਸ ਤੋਂ ਬਾਅਦ ਈਸ਼ਾਨ ਕਿਸ਼ਨ ਨੇ ਆਪਣੇ ਹੀ ਅੰਦਾਜ਼ 'ਚ ਸੈਂਕੜਾ ਪੂਰਾ ਕੀਤਾ। ਈਸ਼ਾਨ ਕਿਸ਼ਨ ਨੇ ਇਹ ਸੈਂਕੜਾ ਕਰੀਬ 90 ਦੀ ਸਟ੍ਰਾਈਕ ਰੇਟ ਨਾਲ ਲਗਾਇਆ। ਪਹਿਲੀ ਸ਼੍ਰੇਣੀ ਕ੍ਰਿਕਟ 'ਚ ਇਹ ਉਨ੍ਹਾਂ ਦਾ 7ਵਾਂ ਸੈਂਕੜਾ ਹੈ। ਈਸ਼ਾਨ ਕਿਸ਼ਨ ਦਾ ਸੈਂਕੜਾ ਇਸ ਲਈ ਵੀ ਖਾਸ ਹੈ ਕਿਉਂਕਿ ਉਨ੍ਹਾਂ ਨੇ 2 ਸਾਲ ਬਾਅਦ ਪਹਿਲੀ ਸ਼੍ਰੇਣੀ ਕ੍ਰਿਕਟ 'ਚ ਸੈਂਕੜਾ ਲਗਾਇਆ ਹੈ।
ਪਹਿਲੇ ਮੈਚ 'ਚ ਨਹੀਂ ਖੇਡ ਸਕੇ ਸਨ ਈਸ਼ਾਨ
ਈਸ਼ਾਨ ਕਿਸ਼ਨ ਪਹਿਲੇ ਮੈਚ 'ਚ ਨਹੀਂ ਖੇਡ ਸਕੇ ਸਨ। ਇਹ ਖਿਡਾਰੀ ਸੱਟ ਕਾਰਨ ਪਹਿਲੇ ਮੈਚ ਤੋਂ ਬਾਹਰ ਹੋ ਗਿਆ ਸੀ। ਪਰ ਜਿਵੇਂ ਹੀ ਉਹ ਫਿੱਟ ਹੋਇਆ ਤਾਂ ਈਸ਼ਾਨ ਕਿਸ਼ਨ ਨੇ ਆਪਣੀ ਪ੍ਰਤਿਭਾ ਦਿਖਾ ਦਿੱਤੀ। ਈਸ਼ਾਨ ਨੇ ਇੰਡੀਆ ਬੀ ਦੇ ਗੇਂਦਬਾਜ਼ਾਂ ਨੂੰ ਬੁਰੀ ਤਰ੍ਹਾਂ ਨਾਲ ਧੋਇਆ। ਖਾਸ ਤੌਰ 'ਤੇ ਸਪਿਨਰ ਉਨ੍ਹਾਂ ਦੇ ਨਿਸ਼ਾਨੇ 'ਤੇ ਸਨ। ਉਨ੍ਹਾਂ ਨੇ ਵਾਸ਼ਿੰਗਟਨ ਸੁੰਦਰ ਦੇ ਖਿਲਾਫ ਸ਼ਾਨਦਾਰ ਸ਼ਾਟ ਲਗਾਏ ਅਤੇ ਮੌਕਾ ਮਿਲਣ 'ਤੇ ਕਮਜ਼ੋਰ ਗੇਂਦ ਨੂੰ ਵੀ ਨਹੀਂ ਜਾਣ ਦਿੱਤਾ। ਇਸ ਮੈਚ ਵਿੱਚ ਈਸ਼ਾਨ ਕਿਸ਼ਨ ਨੇ 111 ਦੌੜਾਂ ਬਣਾਈਆਂ।
ਦਲੀਪ ਟਰਾਫੀ ਈਸ਼ਾਨ ਲਈ ਮਹੱਤਵਪੂਰਨ
ਦਲੀਪ ਟਰਾਫੀ ਟੂਰਨਾਮੈਂਟ ਈਸ਼ਾਨ ਕਿਸ਼ਨ ਲਈ ਬਹੁਤ ਮਹੱਤਵਪੂਰਨ ਹੈ। ਉਹ ਲੰਬੇ ਸਮੇਂ ਤੋਂ ਭਾਰਤੀ ਟੀਮ ਤੋਂ ਬਾਹਰ ਹਨ ਅਤੇ ਜੇਕਰ ਉਹ ਇਸ ਟੂਰਨਾਮੈਂਟ 'ਚ ਚੰਗਾ ਪ੍ਰਦਰਸ਼ਨ ਕਰਦੇ ਹਨ ਤਾਂ ਭਾਰਤੀ ਚੋਣ ਕਮੇਟੀ ਉਨ੍ਹਾਂ ਦੇ ਨਾਂ 'ਤੇ ਵਿਚਾਰ ਕਰ ਸਕਦੀ ਹੈ। ਇਸ ਤੋਂ ਇਲਾਵਾ ਈਸ਼ਾਨ ਨੇ ਹਾਲ ਹੀ 'ਚ ਬੁਚੀ ਬਾਬੂ ਟੂਰਨਾਮੈਂਟ ਵੀ ਖੇਡਿਆ ਹੈ। ਉਨ੍ਹਾਂ ਨੇ ਸੈਂਕੜਾ ਵੀ ਲਗਾਇਆ। ਹੁਣ ਉਨ੍ਹਾਂ ਨੂੰ ਬੰਗਲਾਦੇਸ਼ ਖਿਲਾਫ ਟੈਸਟ ਸੀਰੀਜ਼ ਲਈ ਨਹੀਂ ਚੁਣਿਆ ਗਿਆ ਹੈ ਅਤੇ ਟੀ-20 ਸੀਰੀਜ਼ ਲਈ ਟੀਮ ਦੀ ਚੋਣ ਹੋਣੀ ਵੀ ਬਾਕੀ ਹੈ। ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਲਈ ਭਾਰਤੀ ਟੀਮ 'ਚ ਜਗ੍ਹਾ ਬਣਾਉਣਾ ਈਸ਼ਾਨ ਕਿਸ਼ਨ ਲਈ ਵੱਡਾ ਟੀਚਾ ਹੋਵੇਗਾ।
- ਲਖਨਊ ਦੇ ਏਕਾਨਾ ਸਟੇਡੀਅਮ 'ਚ ਹੋਵੇਗਾ ਇਰਾਨੀ ਕੱਪ ਟੂਰਨਾਮੈਂਟ, ਯੂ.ਪੀ.ਸੀ.ਏ. ਮੇਜ਼ਬਾਨੀ ਲਈ ਉਤਸੁਕ - EKANA STADIUM WIL HOST IRANI CUP
- ਪ੍ਰਧਾਨ ਮੰਤਰੀ ਮੋਦੀ ਨੇ ਪੈਰਾਲੰਪਿਕ ਮੈਡਲ ਜੇਤੂਆਂ ਨਾਲ ਕੀਤੀ ਮੁਲਾਕਾਤ, ਦਿੱਤੀਆਂ ਸ਼ੁੱਭਕਾਮਨਾਵਾਂ - PM Modi meets Para Athletes
- ਜੈ ਸ਼ਾਹ ਦੇ ICC ਚੇਅਰਮੈਨ ਬਣਦੇ ਹੀ ਪਾਕਿਸਤਾਨ ਨਾਲ ਖਤਮ ਹੋ ਜਾਵੇਗੀ ਦੁਸ਼ਮਣੀ, ਇਕ ਟੀਮ 'ਚ ਖੇਡਦੇ ਨਜ਼ਰ ਆਉਣਗੇ ਬਾਬਰ ਤੇ ਕੋਹਲੀ! - Virat Kohli With Babar Azam
