ਅੱਜ ਕੱਲ੍ਹ ਬਹੁਤ ਸਾਰੇ ਲੋਕ ਹੋਟਲਾਂ ਅਤੇ ਰੈਸਟੋਰੈਂਟਾਂ ਤੋਂ ਆਰਡਰ ਕੀਤਾ ਭੋਜਨ ਖਾਂਦੇ ਹਨ, ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਅਜਿਹੇ ਭੋਜਨ ਪਦਾਰਥ ਤੁਹਾਡੀ ਸਿਹਤ ਲਈ ਹਾਨੀਕਾਰਕ ਹੁੰਦੇ ਹਨ, ਕਿਉਂਕਿ ਇਹ ਭੋਜਨ ਪਲਾਸਟਿਕ ਦੇ ਡੱਬਿਆ ਵਿੱਚ ਪੈਕ ਕੀਤੇ ਹੁੰਦੇ ਹਨ। ਪਲਾਸਟਿਕ ਦੇ ਡੱਬੇ ਤੁਹਾਡੀ ਜ਼ਿੰਦਗੀ ਵਿੱਚ ਮੁਸੀਬਤ ਲਿਆ ਸਕਦੇ ਹਨ।
ਪਲਾਸਟਿਕ ਦੇ ਡੱਬਿਆ ਦੀ ਵਰਤੋ ਕਾਰਨ ਕੈਂਸਰ ਦਾ ਖਤਰਾ
ਜੀ ਹਾਂ... ਹਾਲ ਹੀ ਦੇ ਅਧਿਐਨ ਵਿੱਚ ਇੱਕ ਡਰਾਉਣਾ ਤੱਥ ਸਾਹਮਣੇ ਆਇਆ ਹੈ। ਅਧਿਐਨ ਵਿੱਚ ਪਾਇਆ ਗਿਆ ਹੈ ਕਿ ਛਾਤੀ ਦੇ ਕੈਂਸਰ ਲਈ ਜ਼ਿੰਮੇਵਾਰ ਲਗਭਗ 200 ਰਸਾਇਣਾਂ ਦੀ ਵਰਤੋਂ ਭੋਜਨ ਪੈਕੇਜਿੰਗ ਬਕਸੇ ਅਤੇ ਵੱਖ-ਵੱਖ ਪਲਾਸਟਿਕ ਦੇ ਡੱਬਿਆਂ ਦੇ ਨਿਰਮਾਣ ਵਿੱਚ ਕੀਤੀ ਜਾਂਦੀ ਹੈ।
ਅਧਿਐਨ ਦੇ ਸਹਿ-ਲੇਖਕ ਜੇਨ ਮੂਨ ਨੇ ਕਿਹਾ ਕਿ ਰੋਜ਼ਾਨਾ ਜੀਵਨ ਵਿੱਚ ਖਤਰਨਾਕ ਰਸਾਇਣਾਂ ਦੀ ਮਾਤਰਾ ਨੂੰ ਘਟਾ ਕੇ ਕੈਂਸਰ ਨੂੰ ਰੋਕਣ ਲਈ ਵਧੇਰੇ ਧਿਆਨ ਦੇਣ ਦੀ ਲੋੜ ਹੈ। ਇਹ ਅਧਿਐਨ ਸਾਬਤ ਕਰਦਾ ਹੈ ਕਿ ਛਾਤੀ ਦੇ ਕੈਂਸਰ ਦਾ ਕਾਰਨ ਬਣਨ ਵਾਲੇ ਰਸਾਇਣਾਂ ਦੇ ਸੰਪਰਕ ਨੂੰ ਰੋਕਣ ਦਾ ਇੱਕ ਵੱਡਾ ਮੌਕਾ ਪਲਾਸਟਿਕ ਦੇ ਡੱਬਿਆ ਦੀ ਵਰਤੋ ਨੂੰ ਬੰਦ ਕਰਨਾ ਹੈ।-ਅਧਿਐਨ ਦੇ ਸਹਿ-ਲੇਖਕ ਜੇਨ ਮੂਨ
ਛਾਤੀ ਦਾ ਕੈਂਸਰ ਖਤਰਨਾਕ
ਛਾਤੀ ਦਾ ਕੈਂਸਰ ਦੁਨੀਆ ਭਰ ਵਿੱਚ ਦੂਜਾ ਸਭ ਤੋਂ ਆਮ ਕੈਂਸਰ ਹੈ। ਵਿਸ਼ਵ ਸਿਹਤ ਸੰਗਠਨ (WHO) ਅਨੁਸਾਰ, 2022 ਤੱਕ ਦੁਨੀਆ ਭਰ ਵਿੱਚ 2.3 ਮਿਲੀਅਨ ਔਰਤਾਂ ਵਿੱਚ ਛਾਤੀ ਦੇ ਕੈਂਸਰ ਦਾ ਪਤਾ ਲਗਾਇਆ ਗਿਆ ਸੀ ਅਤੇ 670,000 ਔਰਤਾਂ ਦੀ ਮੌਤ ਹੋ ਗਈ ਸੀ। ਅਧਿਐਨ ਦੌਰਾਨ ਖੋਜਕਾਰਾਂ ਨੂੰ ਭੋਜਨ ਵਿੱਚ 189 ਸੰਭਾਵੀ ਛਾਤੀ ਦੇ ਕਾਰਸੀਨੋਜਨ ਮਿਲੇ, ਜਿਨ੍ਹਾਂ ਵਿੱਚ 143 ਪਲਾਸਟਿਕ ਦੇ ਬਕਸੇ ਵਿੱਚ ਅਤੇ 89 ਕਾਗਜ਼ ਜਾਂ ਬੋਰਡ ਬਕਸਿਆਂ ਵਿੱਚ ਸ਼ਾਮਲ ਹਨ।
ਇਸ ਤੋਂ ਇਲਾਵਾ, ਖੋਜਕਾਰਾਂ ਨੂੰ ਦੁਨੀਆ ਭਰ ਵਿੱਚ 76 ਕਿਸਮ ਦੇ ਸ਼ੱਕੀ ਛਾਤੀ ਦੇ ਕਾਰਸੀਨੋਜਨਾਂ ਦੇ ਸੰਪਰਕ ਦੇ ਸਬੂਤ ਵੀ ਮਿਲੇ, ਜਿਨ੍ਹਾਂ ਵਿੱਚੋਂ 61 ਪਲਾਸਟਿਕ ਨਾਲ ਜੁੜੇ ਹੋਏ ਸਨ। ਖੋਜਕਾਰਾਂ ਅਨੁਸਾਰ, ਅਜਿਹੀਆਂ ਸੰਭਾਵਿਤ ਸਿਹਤ ਸਮੱਸਿਆਵਾਂ ਤੋਂ ਬਚਣ ਲਈ ਸਾਵਧਾਨੀ ਵਰਤਣੀ ਬਹੁਤ ਜ਼ਰੂਰੀ ਹੈ।
ਇਹ ਖਬਰ ਇਸ ਵੈੱਬਸਾਈਟ ਤੋਂ ਲਈ ਗਈ ਹੈ।
ਇਹ ਵੀ ਪੜ੍ਹੋ:-
