ਹੈਦਰਾਬਾਦ: ਹਰ ਸਾਲ 2 ਸਤੰਬਰ ਨੂੰ ਪੂਰੀ ਦੁਨੀਆ 'ਚ ਵਿਸ਼ਵ ਨਾਰੀਅਲ ਦਿਵਸ ਮਨਾਇਆ ਜਾਂਦਾ ਹੈ। ਨਾਰੀਅਲ ਦਾ ਇਸਤੇਮਾਲ ਖਾਣ-ਪੀਣ ਅਤੇ ਸਜਾਵਟ ਲਈ ਕੀਤਾ ਜਾਂਦਾ ਹੈ। ਭਾਰਤੀ ਅਤੇ ਵਿਦੇਸ਼ੀ ਪਕਵਾਨਾਂ 'ਚ ਵੀ ਨਾਰੀਅਲ ਦਾ ਇਸਤੇਮਾਲ ਹੁੰਦਾ ਹੈ। ਨਾਰੀਅਲ ਉਤਪਾਦਕ ਦੇਸ਼ ਹਰ ਸਾਲ 2 ਸਤੰਬਰ ਨੂੰ ਵਿਸ਼ਵ ਨਾਰੀਅਲ ਦਿਵਸ ਮਨਾਉਂਦੇ ਹਨ, ਜਿਸ ਦਿਨ ਅੰਤਰਰਾਸ਼ਟਰੀ ਨਾਰੀਅਲ ਕਮਿਊਨਿਟੀ (ਆਈਸੀਸੀ) ਦੀ ਸਥਾਪਨਾ ਕੀਤੀ ਗਈ ਸੀ। ਇਹ ਦਿਨ ਨਾਰੀਅਲ ਦੇ ਸਿਹਤ ਲਾਭ ਹੀ ਨਹੀਂ ਸਗੋ ਇਸਦੇ ਮਹੱਤਵ ਨੂੰ ਸਮਝਾਉਣ ਲਈ ਵੀ ਮਨਾਇਆ ਜਾਂਦਾ ਹੈ।
ਵਿਸ਼ਵ ਨਾਰੀਅਲ ਦਿਵਸ ਦਾ ਉਦੇਸ਼: ਵਿਸ਼ਵ ਨਾਰੀਅਲ ਦਿਵਸ ਮਨਾਉਣ ਦਾ ਉਦੇਸ਼ ਨਾਰੀਅਲ ਪ੍ਰਤੀ ਜਾਗਰੂਕਤਾ ਵਧਾਉਣਾ ਅਤੇ ਇਸ ਫਸਲ ਵੱਲ ਧਿਆਨ ਕੇਂਦਰਿਤ ਕਰਨਾ ਹੈ। ਸਾਲਾਂ ਤੋਂ ਇਸ ਦਿਨ ਨੂੰ ਨਾਰੀਅਲ ਦੇ ਲਾਭਾਂ ਅਤੇ ਇਸਤੇਮਾਲ ਨੂੰ ਵਧਾਉਣ ਲਈ ਮਨਾਇਆ ਜਾ ਰਿਹਾ ਹੈ।
- ਬਿਨ੍ਹਾਂ ਕਿਸੇ ਖਰਚ ਦੇ ਇਸ ਤਰ੍ਹਾਂ ਘੱਟ ਕਰ ਸਕਦੇ ਹੋ ਤੁਸੀਂ ਆਪਣਾ ਭਾਰ, ਮਸ਼ਹੂਰ ਹਸਤੀਆਂ ਵੀ ਕਰਦੀਆਂ ਨੇ ਇਸ ਤਰੀਕੇ ਨੂੰ ਫਾਲੋ - Intermittent Fasting Benefits
- ਬੁਖਾਰ ਅਤੇ ਖੰਘ ਦੌਰਾਨ ਇਹ ਦਵਾਈ ਖਾਣਾ ਹੋ ਸਕਦੈ ਖਤਰਨਾਕ, ਜਾਣੋ ਡਾਕਟਰ ਦਾ ਕੀ ਕਹਿਣਾ ਹੈ - Avoid Antibiotics For Flu
- ਢਿੱਡ ਦੀ ਚਰਬੀ ਵਧਣ ਦਾ ਕਾਰਨ ਜ਼ਿਆਦਾ ਭੋਜਨ ਖਾਣਾ ਨਹੀਂ, ਸਗੋਂ ਤੁਹਾਡੇ ਵੱਲੋ ਕੀਤੀਆਂ ਇਹ ਛੋਟੀਆਂ-ਛੋਟੀਆਂ ਗਲਤੀਆਂ ਨੇ ਜ਼ਿੰਮੇਵਾਰ - Reasons For Increasing Belly Fat
ਵਿਸ਼ਵ ਨਾਰੀਅਲ ਦਿਵਸ ਦਾ ਇਤਿਹਾਸ: ਵਿਸ਼ਵ ਨਾਰੀਅਲ ਦਿਵਸ ਪਹਿਲੀ ਵਾਰ ਸਾਲ 2009 'ਚ ਮਨਾਇਆ ਗਿਆ ਸੀ। ਇਸ ਦਿਨ ਨੂੰ ਏਸ਼ੀਅਨ ਅਤੇ ਪੈਸੀਫਿਕ ਨਾਰੀਅਲ ਭਾਈਚਾਰਿਆਂ ਵੱਲੋਂ ਬੜੇ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ। ਇਸ ਨੂੰ ਮਨਾਉਣ ਦਾ ਮੁੱਖ ਉਦੇਸ਼ ਦੁਨੀਆ ਭਰ ਦੇ ਲੋਕਾਂ ਨੂੰ ਨਾਰੀਅਲ ਦੀ ਖੇਤੀ ਬਾਰੇ ਜਾਗਰੂਕ ਕਰਨਾ ਹੈ। ਇਸ ਨਾਲ ਨਾਰੀਅਲ ਉਦਯੋਗ ਨੂੰ ਉਤਸ਼ਾਹਿਤ ਕੀਤਾ ਜਾ ਸਕਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਸਮੇਂ 18 ਦੇਸ਼ਾਂ ਦੇ ਮੈਂਬਰ ਅੰਤਰ-ਸਰਕਾਰੀ ਸੰਗਠਨ ਵਜੋਂ ਕੰਮ ਕਰ ਰਹੇ ਹਨ, ਜਿਸ ਵਿੱਚ ਭਾਰਤ ਵੀ ਸ਼ਾਮਲ ਹੈ। ਏਸ਼ੀਆ ਪੈਸੀਫਿਕ ਵਿੱਚ ਨਾਰੀਅਲ ਭਾਈਚਾਰੇ ਦਾ ਮੁੱਖ ਦਫ਼ਤਰ ਜਕਾਰਤਾ ਇੰਡੋਨੇਸ਼ੀਆ ਵਿੱਚ ਹੈ। ਇੰਡੋਨੇਸ਼ੀਆ ਦੁਨੀਆ ਵਿੱਚ ਨਾਰੀਅਲ ਦਾ ਸਭ ਤੋਂ ਵੱਡਾ ਉਤਪਾਦਕ ਹੈ।
