ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਦਾ 92 ਸਾਲ ਦੀ ਉਮਰ ਵਿੱਚ ਏਮਜ਼ ਦੇ ਹਸਪਤਾਲ 'ਚ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੀ ਸਿਹਤ ਵਿਗੜਨ ਤੋਂ ਬਾਅਦ ਉਨ੍ਹਾਂ ਨੂੰ ਪਹਿਲਾ ਗੰਭੀਰ ਹਾਲਤ 'ਚ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਸੀ। ਏਮਜ਼ ਤੋਂ ਜਾਰੀ ਬਿਆਨ ਅਨੁਸਾਰ ਮਨਮੋਹਨ ਸਿੰਘ ਨੂੰ ਰਾਤ 8:06 ਵਜੇ ਏਮਜ਼ ਨਵੀਂ ਦਿੱਲੀ ਦੀ ਮੈਡੀਕਲ ਐਮਰਜੈਂਸੀ ਵਿੱਚ ਲਿਆਂਦਾ ਗਿਆ ਸੀ। ਕਈ ਕੋਸ਼ਿਸ਼ਾਂ ਦੇ ਬਾਵਜੂਦ ਉਨ੍ਹਾਂ ਨੂੰ ਬਚਾਇਆ ਨਹੀਂ ਜਾ ਸਕਿਆ ਅਤੇ ਰਾਤ 9:51 'ਤੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।
ਦਿੱਲੀ ਏਮਜ਼ ਦੇ ਮੀਡੀਆ ਸੈੱਲ ਦੀ ਪ੍ਰੋਫ਼ੈਸਰ-ਇੰਚਾਰਜ ਡਾ: ਰੀਮਾ ਦਾਦਾ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਅਸੀਂ ਡੂੰਘੇ ਦੁੱਖ ਨਾਲ ਭਾਰਤ ਦੇ ਸਾਬਕਾ ਪ੍ਰਧਾਨ ਮੰਤਰੀ ਡਾ: ਮਨਮੋਹਨ ਸਿੰਘ ਦੇ 92 ਸਾਲ ਦੀ ਉਮਰ ਵਿੱਚ ਦੇਹਾਂਤ ਦਾ ਐਲਾਨ ਕਰਦੇ ਹਾਂ। ਬਿਆਨ ਦੇ ਅਨੁਸਾਰ, ਸਾਬਕਾ ਪ੍ਰਧਾਨ ਮੰਤਰੀ ਦਾ ਉਮਰ ਸੰਬੰਧੀ ਡਾਕਟਰੀ ਸਥਿਤੀਆਂ ਲਈ ਇਲਾਜ ਕੀਤਾ ਜਾ ਰਿਹਾ ਸੀ ਅਤੇ 26 ਦਸੰਬਰ 2024 ਨੂੰ ਉਹ ਅਚਾਨਕ ਘਰ ਵਿੱਚ ਬੇਹੋਸ਼ ਹੋ ਗਏ ਸਨ। ਘਰ ਵਿੱਚ ਤੁਰੰਤ ਮੁੜ ਸੁਰਜੀਤ ਕਰਨ ਦੇ ਉਪਾਅ ਸ਼ੁਰੂ ਕੀਤੇ ਗਏ ਸਨ।-ਦਿੱਲੀ ਏਮਜ਼ ਦੇ ਮੀਡੀਆ ਸੈੱਲ ਦੀ ਪ੍ਰੋਫ਼ੈਸਰ-ਇੰਚਾਰਜ ਡਾ: ਰੀਮਾ ਦਾਦਾ
ਡਾਕਟਰਾਂ ਅਨੁਸਾਰ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਕਿਹੜੀ ਬਿਮਾਰੀ ਤੋਂ ਪੀੜਤ ਸੀ?
ਡਾਕਟਰਾਂ ਨੇ ਇਹ ਵੀ ਦੱਸਿਆ ਕਿ ਮਨਮੋਹਨ ਸਿੰਘ ਅਚਾਨਕ ਬੇਹੋਸ਼ ਹੋ ਗਏ ਸਨ। ਡਾਕਟਰਾਂ ਮੁਤਾਬਕ ਮਨਮੋਹਨ ਸਿੰਘ ਸਾਹ ਦੀ ਬਿਮਾਰੀ ਯਾਨੀ ਸਾਹ ਲੈਣ ਵਿੱਚ ਤਕਲੀਫ਼ ਤੋਂ ਪੀੜਤ ਸਨ। ਤੁਹਾਨੂੰ ਦੱਸ ਦੇਈਏ ਕਿ ਜਦੋਂ ਕਿਸੇ ਵੀ ਵਿਅਕਤੀ ਨੂੰ ਸਾਹ ਦੀ ਸਮੱਸਿਆ ਹੁੰਦੀ ਹੈ ਤਾਂ ਉਸ ਨੂੰ ਸਾਹ ਲੈਣ 'ਚ ਕਾਫੀ ਦਿੱਕਤ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
Respiratory Disease ਸਾਹ ਪ੍ਰਣਾਲੀ ਨੂੰ ਪ੍ਰਭਾਵਿਤ ਕਰਨ ਵਾਲੀਆਂ ਬਿਮਾਰੀ ਹੈ। ਇਹ ਬਿਮਾਰੀਆਂ ਸਾਹ ਦੀ ਨਾਲੀ, ਜਿਵੇਂ ਕਿ ਐਲਵੀਓਲੀ, ਬ੍ਰੌਨਚੀ, ਟ੍ਰੈਚੀਆ, ਬ੍ਰੌਨਚਿਓਲਜ਼, ਸਾਹ ਦੀਆਂ ਨਸਾਂ ਅਤੇ ਮਾਸਪੇਸ਼ੀਆਂ ਵਿੱਚ ਰੋਗ ਸੰਬੰਧੀ ਸਥਿਤੀਆਂ ਕਾਰਨ ਹੁੰਦੀਆਂ ਹਨ। ਸਾਹ ਦੀਆਂ ਬਿਮਾਰੀਆਂ ਦੇ ਕੁਝ ਮੁੱਖ ਕਾਰਨ ਇਨਫੈਕਸ਼ਨ, ਸੋਜ, ਐਲਰਜੀ, ਸਿਗਰਟਨੋਸ਼ੀ, ਧੂੜ, ਵਾਤਾਵਰਣ ਦੀਆਂ ਸਥਿਤੀਆਂ ਹਨ। ਇਹ ਇੱਕ ਗੈਰ-ਸੰਚਾਰੀ ਬਿਮਾਰੀ ਹੈ। ਅੱਜ ਕੱਲ੍ਹ ਇਹ ਬਿਮਾਰੀ ਹਰ ਉਮਰ ਦੇ ਲੋਕਾਂ ਵਿੱਚ ਵੱਖ-ਵੱਖ ਕਾਰਨਾਂ ਕਰਕੇ ਹੋ ਰਹੀ ਹੈ। ਇਸ ਬਿਮਾਰੀ ਤੋਂ ਪੀੜਤ ਲੋਕਾਂ ਦੀ ਗਿਣਤੀ ਦਿਨੋ-ਦਿਨ ਵੱਧ ਰਹੀ ਹੈ।
Respiratory Disease ਦੀਆਂ ਕਿਸਮਾਂ
- ਫੇਫੜੇ ਦਾ ਕੈਂਸਰ
- ਦਮਾ
- ਟੀ.ਬੀ
- ਕ੍ਰੋਨਿਕ ਅਬਸਟਰਕਟਿਵ ਪਲਮਨਰੀ ਡਿਜ਼ੀਜ਼ (ਸੀਓਪੀਡੀ)
- ਐਮਫੀਸੀਮਾ
- ਬ੍ਰੌਨਕਾਈਟਸ
- ਪਲਮਨਰੀ ਫਾਈਬਰੋਸਿਸ
- Sarcoidosis
Respiratory Disease ਦੇ ਲੱਛਣ ਕੀ ਹਨ?
ਸਾਹ ਦੀ ਬਿਮਾਰੀ ਦੇ ਲੱਛਣ ਖਾਸ ਕਰਕੇ ਸ਼ੁਰੂਆਤੀ ਪੜਾਵਾਂ ਵਿੱਚ ਪਰਿਵਰਤਨਸ਼ੀਲ ਅਤੇ ਗੈਰ-ਵਿਸ਼ੇਸ਼ ਹੁੰਦੇ ਹਨ। ਇਸ ਲਈ ਇਨ੍ਹਾਂ ਸ਼ਿਕਾਇਤਾਂ ਵਾਲੇ ਲੋਕਾਂ ਦਾ ਮੁਲਾਂਕਣ ਕਰਨ ਲਈ ਛਾਤੀ ਦੀ ਸਰੀਰਕ ਅਤੇ ਰੇਡੀਓਗ੍ਰਾਫਿਕ ਜਾਂਚ ਜ਼ਰੂਰੀ ਹੈ।
ਲੱਛਣ
- ਘੱਟ ਸਾਹ
- ਘਰਘਰਾਹਟ
- ਲਗਾਤਾਰ ਖੰਘ
- ਛਾਤੀ 'ਚ ਭੀੜ
- ਉਂਗਲਾਂ ਵਿੱਚ ਸੋਜ
- ਦਰਦ ਅਤੇ ਸੋਜ ਦੇ ਕਾਰਨ ਗਲ਼ੇ ਵਿੱਚ ਖਰਾਸ਼
- ਖੂਨ ਵਾਲੀ ਖੰਘ
- ਆਵਾਜ਼ ਵਿੱਚ ਤਬਦੀਲੀ
- ਸਰੀਰ 'ਚ ਦਰਦ
- ਥਕਾਵਟ
Respiratory Disease ਦਾ ਮੁੱਖ ਕਾਰਨ ਕੀ ਹੈ?
ਜਦੋਂ ਕਿਸੇ ਵਿਅਕਤੀ ਨੂੰ ਸਾਹ ਦੀ ਬਿਮਾਰੀ ਹੁੰਦੀ ਹੈ, ਤਾਂ ਉਸ ਦੇ ਫੇਫੜੇ ਸਭ ਤੋਂ ਵੱਧ ਪ੍ਰਭਾਵਿਤ ਹੁੰਦੇ ਹਨ। ਜੇਕਰ ਫੇਫੜੇ ਪ੍ਰਭਾਵਿਤ ਹੁੰਦੇ ਹਨ ਤਾਂ ਸਾਹ ਲੈਣਾ ਔਖਾ ਹੋ ਜਾਂਦਾ ਹੈ। ਇਸ ਬਿਮਾਰੀ ਦੇ ਕਈ ਕਾਰਨ ਹੋ ਸਕਦੇ ਹਨ। ਉਦਾਹਰਨ ਲਈ ਫੇਫੜਿਆਂ ਦੀ ਲਾਗ, ਸਿਗਰਟਨੋਸ਼ੀ, ਹਵਾ ਪ੍ਰਦੂਸ਼ਣ, ਪੈਸਿਵ ਸਮੋਕਿੰਗ ਕਾਰਨ ਸਾਹ ਲੈਣ ਵਿੱਚ ਸਮੱਸਿਆ ਹੋ ਸਕਦੀ ਹੈ।
Respiratory Disease ਦੀ ਸਥਿਤੀ ਵਿੱਚ ਕੀ ਖਾਣਾ ਚਾਹੀਦਾ ਹੈ?
- ਵਿਟਾਮਿਨ ਡੀ ਨਾਲ ਭਰਪੂਰ ਚੀਜ਼ਾਂ ਦਾ ਸੇਵਨ ਕਰੋ।
- ਤਾਜ਼ੇ ਫਲਾਂ ਅਤੇ ਸਬਜ਼ੀਆਂ ਦੇ ਨਾਲ ਸੰਤੁਲਿਤ ਭੋਜਨ ਖਾਓ।
- ਆਪਣੀ ਖੁਰਾਕ ਵਿੱਚ ਮੈਗਨੀਸ਼ੀਅਮ ਨਾਲ ਭਰਪੂਰ ਭੋਜਨ ਸ਼ਾਮਲ ਕਰੋ।
- ਸਾਬਤ ਅਨਾਜ ਦਾ ਸੇਵਨ ਕਰੋ।
ਇਹ ਵੀ ਪੜ੍ਹੋ:-
- ਡਾ. ਮਨਮੋਹਨ ਸਿੰਘ ਦਾ LPG ਮਾਡਲ ਕੀ ਸੀ ? ਜਿਸਨੇ ਬਦਲ ਦਿੱਤੀ ਸੀ ਦੇਸ਼ ਦੀ ਤਸਵੀਰ, ਗੰਭੀਰ ਸੰਕਟ 'ਚੋ ਭਾਰਤ ਨੂੰ ਕੱਢਿਆ ਸੀ ਬਾਹਰ
- ਆਖਿਰ ਡਾ. ਮਨਮੋਹਨ ਸਿੰਘ ਕਿਉਂ ਬੰਨ੍ਹਦੇ ਸੀ ਨੀਲੀ ਪੱਗ? ਖੁਦ ਦੱਸੀ ਸੀ ਇਹ ਵੱਡੀ ਵਜ੍ਹਾ
- 'ਤੂੰ ਮੇਰਾ ਸ਼ੌਕ ਦੇਖ, ਮੇਰਾ ਇੰਤਜ਼ਾਰ ਦੇਖ', ਉਰਦੂ ਸ਼ਾਇਰੀ ਦੇ ਸ਼ੌਕਿਨ ਸਨ ਡਾ. ਮਨਮੋਹਨ ਸਿੰਘ, ਸੰਸਦ 'ਚ ਸੁਸ਼ਮਾ ਸਵਰਾਜ ਨਾਲ ਹੋਈ 'ਸ਼ਾਇਰਾਨਾ' ਨੋਕਝੋਕ
