ਘਿਓ ਸਿਹਤ ਲਈ ਫਾਇਦੇਮੰਦ ਹੁੰਦਾ ਹੈ। ਪਹਿਲਾ ਘਿਓ ਨੂੰ ਸਬਜ਼ੀ 'ਚ ਮਿਲਾ ਕੇ ਖਾਣ ਦਾ ਰੁਝਾਨ ਸੀ ਪਰ ਅੱਜ ਕੱਲ ਲੋਕ ਇਸਨੂੰ ਚਾਹ 'ਚ ਮਿਲਾ ਕੇ ਵੀ ਪੀਣ ਲੱਗ ਗਏ। ਥਕਾਵਟ ਨੂੰ ਦੂਰ ਕਰਨ ਅਤੇ ਸਿਹਤਮੰਦ ਰਹਿਣ ਲਈ ਘਿਓ ਨੂੰ ਚਾਹ 'ਚ ਮਿਲਾ ਕੇ ਲੋਕ ਪੀਂਦੇ ਹਨ। ਪਰ ਕੀ ਤੁਹਾਨੂੰ ਪਤਾ ਹੈ ਅਜਿਹਾ ਕਰਨਾ ਫਾਇਦੇਮੰਦ ਹੈ ਜਾਂ ਨੁਕਸਾਨਦੇਹ? ਬਹੁਤ ਸਾਰੇ ਲੋਕਾਂ ਦੇ ਮਨਾਂ 'ਚ ਘਿਓ ਨੂੰ ਲੈ ਕੇ ਸ਼ੱਕ ਹੁੰਦਾ ਹੈ। ਇਸ ਸਵਾਲ ਦਾ ਜਵਾਬ ਨਿਊਟ੍ਰੀਸ਼ਨਿਸਟ ਜਾਨਕੀ ਸ਼੍ਰੀਨਾਥ ਨੇ ਦਿੱਤਾ ਹੈ।
ਨਿਊਟ੍ਰੀਸ਼ਨਿਸਟ ਜਾਨਕੀ ਸ਼੍ਰੀਨਾਥ ਦਾ ਕਹਿਣਾ ਹੈ ਕਿ ਅੱਜਕੱਲ੍ਹ ਜ਼ਿਆਦਾ ਤੋਂ ਜ਼ਿਆਦਾ ਲੋਕ ਇਸ ਰੁਝਾਨ ਨੂੰ ਫਾਲੋ ਕਰ ਰਹੇ। ਹਾਲਾਂਕਿ, ਤੁਸੀਂ ਆਪਣੀ ਖੁਰਾਕ ਵਿੱਚ ਕਿਸ ਤਰ੍ਹਾਂ ਦੇ ਬਦਲਾਅ ਕਰਨਾ ਚਾਹੁੰਦੇ ਹੋ, ਇਸ ਤੋਂ ਪਹਿਲਾਂ ਕੁਝ ਗੱਲਾਂ ਯਾਦ ਰੱਖਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਜਿਵੇਂ ਕਿ ਤੁਹਾਡੀ ਉਚਾਈ ਕਿੰਨੀ ਹੈ, ਭਾਰ ਕੀ ਹੈ? ਤੁਹਾਡੇ ਸਰੀਰ ਦੀ ਕਿਸਮ ਕੀ ਹੈ? ਇਸ ਤੋਂ ਬਾਅਦ ਤੁਹਾਨੂੰ ਇੱਕ ਢੁਕਵੀਂ ਖੁਰਾਕ ਯੋਜਨਾ ਬਣਾਉਣ ਲਈ ਕਿਹਾ ਜਾਂਦਾ ਹੈ।-ਨਿਊਟ੍ਰੀਸ਼ਨਿਸਟ ਜਾਨਕੀ ਸ਼੍ਰੀਨਾਥ
ਜਦੋਂ ਘਿਓ ਵਾਲੀ ਚਾਹ ਦੀ ਗੱਲ ਆਉਂਦੀ ਹੈ, ਤਾਂ ਬਹੁਤ ਸਾਰੇ ਲੋਕ ਭਾਰ ਅਤੇ ਸ਼ੂਗਰ ਨੂੰ ਘਟਾਉਣ ਲਈ ਘੱਟ-ਕਾਰਬੋਹਾਈਡਰੇਟ ਖੁਰਾਕ ਅਤੇ ਕੇਟੋਜੇਨਿਕ ਖੁਰਾਕ ਦੀ ਪਾਲਣਾ ਕਰਦੇ ਹਨ। ਮਾਹਿਰਾਂ ਦਾ ਸੁਝਾਅ ਹੈ ਕਿ ਅਜਿਹੇ ਲੋਕਾਂ ਨੂੰ ਜ਼ਿਆਦਾ ਕਾਰਬੋਹਾਈਡ੍ਰੇਟਸ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ। ਇਸ ਲਈ ਜਾਨਕੀ ਦਾ ਕਹਿਣਾ ਹੈ ਕਿ ਜੋ ਲੋਕ ਇਨ੍ਹਾਂ ਡਾਈਟ ਦੀ ਪਾਲਣਾ ਕਰਦੇ ਹਨ, ਉਹ ਦੁੱਧ ਤੋਂ ਬਣੇ ਪਦਾਰਥਾਂ ਤੋਂ ਪਰਹੇਜ਼ ਕਰਦੇ ਹਨ। ਸਵੇਰੇ ਉਹ ਬਲੈਕ-ਟੀ ਅਤੇ ਘਿਓ ਵਾਲੀ ਚਾਹ ਵਰਗੇ ਵਿਕਲਪ ਲੈਂਦੇ ਹਨ।
ਘਿਓ ਵਾਲੀ ਚਾਹ ਪੀਣ ਨਾਲ ਐਸਿਡੀਟੀ ਅਤੇ ਅਨੀਮੀਆ ਹੋ ਸਕਦਾ
ਲੋਕਾਂ ਵੱਲੋਂ ਅਪਣਾਈਆਂ ਜਾ ਰਹੀਆਂ ਆਧੁਨਿਕ ਖੁਰਾਕੀ ਤਰੀਕਿਆਂ ਕਾਰਨ ਬਹੁਤ ਸਾਰੇ ਲੋਕਾਂ ਨੂੰ ਕਬਜ਼ ਦੀ ਸਮੱਸਿਆ ਹੋ ਜਾਂਦੀ ਹੈ। ਅਜਿਹੇ ਲੋਕਾਂ ਦਾ ਕਹਿਣਾ ਹੈ ਕਿ ਜੇਕਰ ਉਹ ਘਿਓ ਮਿਲਾ ਕੇ ਚਾਹ ਪੀਂਦੇ ਹਨ ਤਾਂ ਇਹ ਸਮੱਸਿਆ ਕੁਝ ਹੱਦ ਤੱਕ ਘੱਟ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ, ਘਿਓ ਵਾਲੀ ਚਾਹ ਹਰ ਉਮਰ ਦੇ ਲੋਕ ਪੀ ਸਕਦੇ ਹਨ। ਪਰ ਇਹ ਸੁਝਾਅ ਦਿੱਤਾ ਜਾਂਦਾ ਹੈ ਕਿ ਨਤੀਜੇ ਦੀ ਤੁਰੰਤ ਉਮੀਦ ਕਰਨਾ ਸਹੀ ਨਹੀਂ ਹੈ। ਕਿਹਾ ਜਾਂਦਾ ਹੈ ਕਿ ਅਸੀਂ ਚਾਹੇ ਕੋਈ ਵੀ ਭੋਜਨ ਖਾਣਾ ਸ਼ੁਰੂ ਕਰ ਦੇਈਏ, ਸਰੀਰ ਨੂੰ ਇਸਦੀ ਆਦਤ ਪਾਉਣ ਵਿੱਚ ਕੁਝ ਸਮਾਂ ਲੱਗਦਾ ਹੈ। ਜਾਨਕੀ ਸ਼੍ਰੀਨਾਥ ਦਾ ਸੁਝਾਅ ਹੈ ਕਿ ਐਸੀਡਿਟੀ ਅਤੇ ਅਨੀਮੀਆ ਤੋਂ ਪੀੜਤ ਲੋਕਾਂ ਨੂੰ ਘਿਓ ਵਾਲੀ ਚਾਹ ਨਹੀਂ ਪੀਣੀ ਚਾਹੀਦੀ।
ਇਹ ਵੀ ਪੜ੍ਹੋ:-
