ਹੈਦਰਾਬਾਦ: ਅੱਜ-ਕੱਲ੍ਹ ਦੀ ਜ਼ਿੰਦਗੀ ਅਜਿਹੀ ਬਣ ਗਈ ਹੈ ਕਿ ਥੋੜ੍ਹੀ ਜਿਹੀ ਲਾਪਰਵਾਹੀ ਵੀ ਬੀਮਾਰੀਆਂ ਨੂੰ ਜਨਮ ਦਿੰਦੀ ਹੈ। ਦਿਨ ਭਰ ਦੀ ਭੱਜ-ਦੌੜ ਅਤੇ ਕੰਮ ਦਾ ਦਬਾਅ ਲੋਕਾਂ ਨੂੰ ਸਮੇਂ ਤੋਂ ਪਹਿਲਾਂ ਬੁਢਾਪੇ ਦਾ ਸ਼ਿਕਾਰ ਬਣਾ ਰਿਹਾ ਹੈ। ਜੋ ਵਿਅਕਤੀ ਕੋਈ ਵੀ ਸਰੀਰਕ ਮਿਹਨਤ ਨਹੀਂ ਕਰਦਾ, ਉਸ ਦਾ ਭਾਰ ਹੌਲੀ-ਹੌਲੀ ਵਧਣਾ ਸ਼ੁਰੂ ਹੋ ਜਾਂਦਾ ਹੈ। ਸਾਰੀਆਂ ਬਿਮਾਰੀਆਂ ਦੀ ਜੜ੍ਹ ਮੋਟਾਪਾ ਹੈ। ਮਾਹਿਰਾਂ ਅਨੁਸਾਰ, ਭਾਰ ਨੂੰ ਕੰਟਰੋਲ ਕਰਨ ਨਾਲ ਮੈਟਾਬੋਲਿਜ਼ਮ ਵੀ ਵਧਦਾ ਹੈ ਅਤੇ ਵਿਅਕਤੀ ਕਈ ਸਾਲਾਂ ਤੱਕ ਸਿਹਤਮੰਦ ਰਹਿੰਦਾ ਹੈ। ਇਸ ਲਈ ਬਹੁਤ ਸਾਰੇ ਲੋਕ ਜ਼ਿਆਦਾ ਭਾਰ ਦੀ ਸਮੱਸਿਆ ਨੂੰ ਘੱਟ ਕਰਨ ਲਈ ਕਈ ਤਰ੍ਹਾਂ ਦੇ ਉਪਰਾਲੇ ਕਰਦੇ ਹਨ। ਇਸ ਲਈ ਕਸਰਤ ਅਤੇ ਸੈਰ ਵਰਗੀਆਂ ਸਰੀਰਕ ਗਤੀਵਿਧੀਆਂ ਦੇ ਨਾਲ-ਨਾਲ ਕੁਝ ਤਰ੍ਹਾਂ ਦੇ ਡਰਿੰਕਸ ਵੀ ਮਦਦ ਕਰ ਸਕਦੇ ਹਨ। ਲਖਨਊ ਮੈਡੀਕਲ ਕਾਲਜ ਦੇ ਮੈਡੀਕਲ ਅਫਸਰ ਆਯੂਸ਼ ਡਾਕਟਰ ਅਭੈ ਯਾਦਵ ਨੇ ਦੱਸਿਆ ਕਿ ਕੁਝ ਸਿਹਤਮੰਦ ਡਰਿੰਕਸ ਬਹੁਤ ਕਾਰਗਰ ਹੋ ਸਕਦੇ ਹਨ। ਇਨ੍ਹਾਂ ਨੂੰ ਭੋਜਨ ਖਾਣ ਤੋਂ ਬਾਅਦ ਪੀਣ ਨਾਲ ਭਾਰ ਘੱਟ ਕੀਤਾ ਜਾ ਸਕਦਾ ਹੈ ਅਤੇ ਸਕਾਰਾਤਮਕ ਨਤੀਜੇ ਮਿਲ ਸਕਦੇ ਹਨ।
ਭਾਰ ਘਟਾਉਣ ਲਈ ਡਰਿੰਕਸ:
ਤੁਲਸੀ ਦੀ ਚਾਹ: ਤੁਲਸੀ ਦੇ ਪੱਤਿਆਂ ਦੀ ਚਾਹ ਸਰੀਰ ਦੇ ਭਾਰ ਨੂੰ ਘੱਟ ਕਰਨ ਲਈ ਬਹੁਤ ਫਾਇਦੇਮੰਦ ਹੁੰਦੀ ਹੈ। ਇਸ 'ਚ ਮੌਜੂਦ ਗੁਣ ਬਦਹਜ਼ਮੀ ਨੂੰ ਦੂਰ ਕਰਕੇ ਪਾਚਨ ਕਿਰਿਆ ਨੂੰ ਸੁਚਾਰੂ ਬਣਾਉਣ 'ਚ ਮਦਦ ਕਰਦੇ ਹਨ। ਇਸ ਲਈ ਜੇਕਰ ਤੁਸੀਂ ਖਾਣਾ ਖਾਣ ਤੋਂ ਬਾਅਦ ਇਸ ਚਾਹ ਨੂੰ ਪੀਓਗੇ, ਤਾਂ ਤੁਹਾਡਾ ਭਾਰ ਘੱਟ ਹੋ ਜਾਵੇਗਾ।
ਸੌਂਫ ਦੀ ਚਾਹ: ਸੌਂਫ ਦਾ ਸੇਵਨ ਕਰਨਾ ਪਾਚਨ ਕਿਰਿਆ ਲਈ ਚੰਗਾ ਹੁੰਦਾ ਹੈ। ਇਸ ਨੂੰ ਭੋਜਨ ਖਾਣ ਤੋਂ ਬਾਅਦ ਚਾਹ ਦੇ ਰੂਪ ਵਿੱਚ ਲੈਣ ਨਾਲ ਵੀ ਵਧੀਆਂ ਨਤੀਜੇ ਮਿਲ ਸਕਦੇ ਹਨ। ਸੌਂਫ਼ ਦੇ ਬੀਜ ਸੋਜ ਨੂੰ ਘੱਟ ਕਰਦੇ ਹਨ ਅਤੇ ਮਾਸਪੇਸ਼ੀਆਂ ਨੂੰ ਆਰਾਮ ਦਿੰਦੇ ਹਨ। ਇਸ ਨਾਲ ਪਾਚਨ ਪ੍ਰਣਾਲੀ ਵਧੀਆ ਕੰਮ ਕਰਦੀ ਹੈ ਅਤੇ ਭਾਰ ਕੰਟਰੋਲ ਵਿਚ ਰਹਿੰਦਾ ਹੈ।
- ਤੁਹਾਡੇ ਸਰੀਰ ਨੂੰ ਅੰਦਰੋ ਸਾੜ ਸਕਦੀ ਹੈ ਕੋਲਡ ਡਰਿੰਕ, ਇਸ ਮਿੱਠੇ ਜ਼ਹਿਰ ਤੋਂ ਦੂਰ ਰਹਿਣ 'ਚ ਹੀ ਹੈ ਭਲਾਈ - Disadvantages Of Cold Drinks
- ਮੋਬਾਈਲ ਦੇ ਚੱਕਰ 'ਚ ਤੁਸੀਂ ਵੀ ਰਹਿੰਦੇ ਹੋ ਇਕੱਲੇ? ਹੋ ਸਕਦੀ ਹੈ ਇਹ ਘਾਤਕ ਬਿਮਾਰੀ, ਜਾਣੋ ਕੀ ਕਹਿੰਦੀ ਹੈ ਖੋਜ - Loneliness
- ਕੀ ਤੁਹਾਨੂੰ ਵੀ ਸੌਂ ਕੇ ਉੱਠਣ ਤੋਂ ਬਾਅਦ ਆਉਦੇ ਨੇ ਚੱਕਰ? ਕਮਰੇ ਅਤੇ ਫਰਸ਼ ਦੇ ਘੁੰਮਣ ਦਾ ਹੁੰਦਾ ਹੈ ਅਨੁਭਵ, ਜਾਣੋ ਅਜਿਹਾ ਕਿਉ ਹੁੰਦਾ ਹੈ - What is Dizziness
ਅਦਰਕ ਵਾਲੀ ਚਾਹ: ਜੇਕਰ ਤੁਸੀਂ ਭੋਜਨ ਖਾਣ ਤੋਂ ਬਾਅਦ ਅਦਰਕ ਵਾਲੀ ਚਾਹ ਦਾ ਸੇਵਨ ਕਰਦੇ ਹੋ, ਤਾਂ ਪੇਟ ਫੁੱਲਣਾ ਅਤੇ ਮਤਲੀ ਵਰਗੀਆਂ ਸਮੱਸਿਆਵਾਂ ਦੂਰ ਹੋ ਜਾਣਗੀਆਂ। ਅਦਰਕ ਦੀ ਚਾਹ ਮੈਟਾਬੋਲਿਜ਼ਮ ਨੂੰ ਵਧਾ ਕੇ ਅਤੇ ਹਾਨੀਕਾਰਕ ਚਰਬੀ ਨੂੰ ਸਾੜ ਕੇ ਭਾਰ ਘਟਾਉਣ ਵਿੱਚ ਮਦਦ ਕਰਦੀ ਹੈ।
ਗ੍ਰੀਨ ਟੀ: ਗ੍ਰੀਨ-ਟੀ ਐਂਟੀਆਕਸੀਡੈਂਟਸ ਨਾਲ ਭਰਪੂਰ ਹੁੰਦੀ ਹੈ। ਇਸ ਨਾਲ ਭਾਰ ਘਟਾਉਣ ਵਿੱਚ ਮਦਦ ਮਿਲ ਸਕਦੀ ਹੈ। ਇਸ ਤੋਂ ਇਲਾਵਾ, ਗ੍ਰੀਨ-ਟੀ ਮੈਟਾਬੋਲਿਜ਼ਮ ਨੂੰ ਵਧਾਉਦੀ ਹੈ ਅਤੇ ਪਾਚਨ ਕਿਰਿਆ ਨੂੰ ਸੁਚਾਰੂ ਬਣਾਉਂਦੀ ਹੈ।
