ਹੈਦਰਾਬਾਦ: ਗਰਭ ਅਵਸਥਾ ਦੌਰਾਨ ਔਰਤਾਂ ਨੂੰ ਕਈ ਬਦਲਾਅ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕੁਝ ਨੂੰ ਆਪਣੇ ਚਿਹਰੇ 'ਤੇ ਫਿਣਸੀਆਂ ਅਤੇ ਬਲੈਕਹੈੱਡਸ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਹ ਸਮੱਸਿਆ ਡਿਲੀਵਰੀ ਤੋਂ ਬਾਅਦ ਆਪਣੇ ਆਪ ਦੂਰ ਹੋ ਜਾਂਦੀ ਹੈ, ਪਰ ਕਈ ਲੋਕਾਂ ਨੂੰ ਡਿਲੀਵਰੀ ਤੋਂ ਬਾਅਦ ਵੀ ਇਸ ਸਮੱਸਿਆ ਤੋਂ ਛੁਟਕਾਰਾ ਨਹੀਂ ਮਿਲਦਾ। ਜ਼ਿਆਦਾਤਰ ਲੋਕ ਇਨ੍ਹਾਂ ਬਲੈਕਹੈੱਡਸ ਨੂੰ ਹਟਾਉਣ ਲਈ ਫੇਸ ਸਕ੍ਰਬ, ਬਲੈਕਹੈੱਡ ਰਿਮੂਵਲ, ਫੇਸ ਵਾਸ਼ ਅਤੇ ਕਰੀਮਾਂ ਦੀ ਵਰਤੋਂ ਕਰਦੇ ਹਨ। ਪਰ ਇਸ ਦੇ ਕਾਰਨ ਸਾਈਡ ਇਫੈਕਟ ਹੋਣ ਦੀ ਸੰਭਾਵਨਾ ਰਹਿੰਦੀ ਹੈ। ਇਸ ਲਈ ਮਾਹਿਰਾਂ ਦਾ ਕਹਿਣਾ ਹੈ ਕਿ ਘਰ 'ਚ ਮੌਜੂਦ ਚੀਜ਼ਾਂ ਨਾਲ ਬਲੈਕ ਹੈੱਡਸ ਨੂੰ ਆਸਾਨੀ ਨਾਲ ਦੂਰ ਕੀਤਾ ਜਾ ਸਕਦਾ ਹੈ।
ਬਲੈਕਹੈੱਡਸ ਕਿਉਂ ਹੁੰਦੇ ਹਨ?: ਸੇਬੇਸੀਅਸ ਗਲੈਂਡ ਚਮੜੀ ਵਿੱਚ ਤੇਲ ਛੱਡਦਾ ਹੈ। ਜਦੋਂ ਇਸ ਤੇਲ ਦਾ ਉਤਪਾਦਨ ਜ਼ਿਆਦਾ ਹੁੰਦਾ ਹੈ, ਤਾਂ ਇਸ ਨਾਲ ਚਮੜੀ ਵਿੱਚ ਅਸ਼ੁੱਧੀਆਂ ਮਿਲ ਜਾਂਦੀਆਂ ਹਨ ਅਤੇ ਬਲੈਕਹੈੱਡਸ ਬਣ ਜਾਂਦੇ ਹਨ। ਤੇਲਯੁਕਤ ਚਮੜੀ ਵਾਲੇ ਲੋਕਾਂ ਨੂੰ ਇਹ ਸਮੱਸਿਆ ਜ਼ਿਆਦਾ ਹੁੰਦੀ ਹੈ।
ਡਿਲੀਵਰੀ ਤੋਂ ਬਾਅਦ ਬਲੈਕਹੈੱਡਸ ਨੂੰ ਦੂਰ ਕਰਨ ਦੇ ਟਿਪਸ: ਮਾਹਿਰਾਂ ਦਾ ਕਹਿਣਾ ਹੈ ਕਿ ਘਰੇਲੂ ਨੁਸਖੇ ਨਾਲ ਇਸ ਸਮੱਸਿਆ ਨੂੰ ਦੂਰ ਕੀਤਾ ਜਾ ਸਕਦਾ ਹੈ। ਇਸ ਲਈ ਤੁਸੀਂ ਘਰ 'ਚ ਹੀ ਫੇਸਪੈਕ ਤਿਆਰ ਕਰ ਸਕਦੇ ਹੋ।
ਫੇਸਪੈਕ ਲਈ ਸਮੱਗਰੀ: ਘਰ 'ਚ ਫੇਸਪੈਕ ਬਣਾਉਣ ਲਈ 1 ਚਮਚ ਘਿਓ, ਅੱਧਾ ਚਮਚ ਜੌਂ ਦਾ ਪਾਊਡਰ, ਅੱਧਾ ਚਮਚ ਓਟਸ ਦਾ ਪਾਊਡਰ ਅਤੇ ਸ਼ਹਿਦ ਦੀ ਲੋੜ ਹੁੰਦੀ ਹੈ।
ਫੇਸਪੈਕ ਬਣਾਉਣ ਦਾ ਤਰੀਕਾ: ਫੇਸਪੈਕ ਬਣਾਉਣ ਲਈ ਸਭ ਤੋਂ ਪਹਿਲਾਂ ਇੱਕ ਕਟੋਰੀ ਵਿੱਚ ਜੌਂ ਪਾਊਡਰ, 1 ਚਮਚ ਘਿਓ ਅਤੇ ਓਟਸ ਪਾਊਡਰ ਲੈ ਕੇ ਚੰਗੀ ਤਰ੍ਹਾਂ ਮਿਕਸ ਕਰ ਲਓ। ਫਿਰ ਇਸ ਵਿੱਚ ਚਾਰ ਬੂੰਦਾਂ ਸ਼ਹਿਦ ਦੀਆਂ ਪਾਓ ਅਤੇ ਇਸ ਪੈਕ ਨੂੰ ਚੰਗੀ ਤਰ੍ਹਾਂ ਮਿਲਾਓ। ਹੁਣ ਇਸ ਮਿਸ਼ਰਣ ਨੂੰ ਚਿਹਰੇ ਅਤੇ ਗਰਦਨ 'ਤੇ 20 ਮਿੰਟ ਲਈ ਲਗਾ ਕੇ ਰੱਖੋ ਅਤੇ ਬਾਅਦ 'ਚ ਠੰਡੇ ਪਾਣੀ ਨਾਲ ਮੂੰਹ ਅਤੇ ਗਰਦਨ ਨੂੰ ਧੋ ਲਓ।
- ਜਾਣੋ ਪਤੀ-ਪਤਨੀ ਦੇ ਵੱਖ ਹੋਣ ਪਿੱਛੇ ਕੀ ਹੋ ਸਕਦੈ ਨੇ ਕਾਰਨ, ਅੱਜ ਤੋਂ ਹੀ ਆਪਣੀਆਂ ਇਨ੍ਹਾਂ ਆਦਤਾਂ 'ਚ ਕਰ ਲਓ ਸੁਧਾਰ - Breakdown of Trust in Relationships
- ਅੱਜ ਮਨਾਇਆ ਜਾ ਰਿਹਾ ਹੈ ਵਿਸ਼ਵ ਸਾਈਕਲ ਦਿਵਸ, ਸਾਈਕਲ ਚਲਾਉਣ ਨਾਲ ਸਿਹਤ ਨੂੰ ਮਿਲ ਸਕਦੈ ਨੇ ਕਈ ਲਾਭ - World Bicycle Day 2024
- ਸਿਹਤ ਨਾਲ ਜੁੜੀਆਂ ਸਮੱਸਿਆਵਾਂ ਬਾਰੇ ਜਾਣਨ ਲਈ ਗੂਗਲ 'ਤੇ ਕਰਦੇ ਹੋ ਸਰਚ, ਤਾਂ ਹੋ ਜਾਓ ਸਾਵਧਾਨ - Health Tips
ਜੇਕਰ ਹਫ਼ਤੇ 'ਚ ਚਾਰ ਵਾਰ ਤੁਸੀਂ ਅਜਿਹਾ ਕਰਦੇ ਹੋ, ਤਾਂ ਤੁਹਾਨੂੰ ਦੋ ਤੋਂ ਤਿੰਨ ਮਹੀਨਿਆਂ 'ਚ ਚੰਗੇ ਨਤੀਜੇ ਦੇਖਣ ਨੂੰ ਮਿਲਣਗੇ। ਜੇਕਰ ਤੁਹਾਡੇ ਕੋਲ੍ਹ ਓਟਸ ਪਾਊਡਰ ਉਪਲਬਧ ਨਹੀਂ ਹੈ, ਤਾਂ ਇਸ ਵਿੱਚ ਛੋਲਿਆਂ ਦਾ ਆਟਾ ਵੀ ਸ਼ਾਮਲ ਕੀਤਾ ਜਾ ਸਕਦਾ ਹੈ।
ਨੋਟ: ਇਹ ਸਿਹਤ ਜਾਣਕਾਰੀ ਅਤੇ ਸੁਝਾਅ ਸਿਰਫ਼ ਤੁਹਾਡੀ ਸਮਝ ਲਈ ਹਨ। ਇਨ੍ਹਾਂ ਦੀ ਪਾਲਣਾ ਕਰਨ ਤੋਂ ਪਹਿਲਾਂ ਆਪਣੇ ਨਿੱਜੀ ਡਾਕਟਰ ਦੀ ਸਲਾਹ ਲੈਣੀ ਬਿਹਤਰ ਹੈ।
