ਚੰਡੀਗੜ੍ਹ: ਪੰਜਾਬੀ ਸੰਗੀਤ ਖੇਤਰ ਵਿੱਚ ਸੁਰੀਲੇ ਅਤੇ ਸਿਰਮੌਰ ਪੰਜਾਬੀ ਗਾਇਕਾਂ ਵਿੱਚ ਆਪਣਾ ਸ਼ੁਮਾਰ ਕਰਵਾਉਂਦੇ ਹਨ ਗਾਇਕ ਨਛੱਤਰ ਗਿੱਲ, ਜੋ ਆਪਣਾ ਨਵਾਂ ਗਾਣਾ 'ਪੰਜਾਬ ਵਰਸਿਜ਼ ਪੰਜਾਬ' ਲੈ ਕੇ ਆਪਣੇ ਚਾਹੁੰਣ ਵਾਲਿਆਂ ਸਨਮੁੱਖ ਹੋਣ ਜਾ ਰਹੇ ਹਨ, ਜਿੰਨਾਂ ਦਾ ਇਹ ਅਰਥ ਪੂਰਨ ਗੀਤ 27 ਮਾਰਚ ਨੂੰ ਵੱਖ-ਵੱਖ ਸੰਗੀਤਕ ਪਲੇਟਫ਼ਾਰਮ ਉਪਰ ਜਾਰੀ ਹੋਣ ਜਾ ਰਿਹਾ ਹੈ।
'ਡਿਸਕਵਰ ਬੀਟਸ' ਵੱਲੋਂ ਪੇਸ਼ ਕੀਤੇ ਜਾ ਰਹੇ ਇਸ ਸਦਾ ਬਹਾਰ ਟਰੈਕ ਦਾ ਮਿਊਜ਼ਿਕ ਕੇਵੀ ਸਿੰਘ ਵੱਲੋਂ ਤਿਆਰ ਕੀਤਾ ਗਿਆ ਹੈ, ਜਦਕਿ ਇਸ ਦੇ ਬੋਲ ਲਖਵਿੰਦਰ ਸਿੰਘ ਲੱਕੀ ਵੱਲੋਂ ਰਚੇ ਗਏ ਹਨ, ਜਿੰਨਾ ਦੀ ਸੰਗੀਤਕ ਟੀਮ ਅਨੁਸਾਰ ਕਿਸੇ ਸਮੇਂ ਅਸਲ ਰੰਗਾਂ ਨਾਲ ਅੋਤ ਪੋਤ ਰਹੇ ਅਤੇ ਸੋਨੇ ਦੀ ਚਿੜੀ ਮੰਨੇ ਜਾਂਦੇ ਰਹੇ ਪੁਰਾਣੇ ਪੰਜਾਬ ਦਾ ਵਜ਼ੂਦ ਹੁਣ ਇਸ ਨਵੇਂ ਪੰਜਾਬ ਵਿੱਚ ਕਿਸ ਤਰ੍ਹਾਂ ਆਪਣਾ ਅਧਾਰ ਅਤੇ ਵੰਨਗੀਆਂ ਗੁਆਉਂਦਾ ਜਾ ਰਿਹਾ ਹੈ, ਕੁਝ ਅਜਿਹੀਆਂ ਹੀ ਤਲਖ਼ ਸੱਚਾਈਆਂ ਨੂੰ ਸਾਹਮਣੇ ਲਿਆਉਣ ਜਾ ਰਿਹਾ ਹੈ ਇਹ ਗਾਣਾ, ਜਿਸ ਨੂੰ ਬਿਹਤਰੀਨ ਗਾਇਕ ਨਛੱਤਰ ਗਿੱਲ ਵੱਲੋਂ ਅਪਣੇ ਹਰ ਗੀਤ ਦੀ ਤਰ੍ਹਾਂ ਬੇਹੱਦ ਪ੍ਰਭਾਵੀ ਅਤੇ ਮਨ ਨੂੰ ਮੋਹ ਲੈਣ ਵਾਲੇ ਅੰਦਾਜ਼ ਵਿੱਚ ਗਾਇਨ ਕੀਤਾ ਗਿਆ ਹੈ, ਜੋ ਉਨਾਂ ਦੀ ਦਰਦ ਭਰੇ ਗੀਤ ਦੀ ਅਮੂਮਨ ਸ਼ੈਲੀ ਤੋਂ ਵੀ ਇਕਦਮ ਹੱਟ ਕੇ ਸਿਰਜਿਆ ਗਿਆ ਹੈ।
- ਰਿਲੀਜ਼ ਲਈ ਤਿਆਰ ਹੈ ਬਹੁ-ਚਰਚਿਤ ਪੰਜਾਬੀ ਫਿਲਮ 'ਚੱਲ ਭੱਜ ਚੱਲੀਏ', ਅੱਜ ਰਿਲੀਜ਼ ਹੋਵੇਗਾ ਇਹ ਗਾਣਾ - Punjabi film Chal Bhajj Chaliye
- 10 ਸਾਲ ਡੇਟ ਕਰਨ ਤੋਂ ਬਾਅਦ ਇਸ ਬੈਡਮਿੰਟਨ ਖਿਡਾਰੀ ਦੀ ਲੁਕ-ਛਿਪ ਕੇ ਦੁਲਹਨ ਬਣੀ ਤਾਪਸੀ ਪੰਨੂ, ਉਦੈਪੁਰ 'ਚ ਹੋਇਆ ਗੁਪਤ ਵਿਆਹ - Taapsee Pannu Marries Mathias Boe
- ਇਸ ਵਿਅਕਤੀ ਨੂੰ ਡੇਟ ਕਰ ਰਹੀ ਹੈ ਕ੍ਰਿਤੀ ਸੈਨਨ? ਲੰਡਨ ਦੀਆਂ ਸੜਕਾਂ 'ਤੇ ਇੱਕ ਮਿਸਟਰੀ ਮੈਨ ਨਾਲ ਨਜ਼ਰ ਆਈ ਅਦਾਕਾਰਾ - Who Is Kriti Sanon Boyfriend
ਰੰਗਲੇ ਰਹੇ ਪੰਜਾਬ ਦੇ ਸੱਭਿਆਚਾਰ ਅਤੇ ਰੀਤੀ ਰਿਵਾਜਾਂ ਦੀਆਂ ਬਾਤਾਂ ਪਾਉਂਦੇ ਇਸ ਉਮਦਾ ਸੰਗੀਤਕ ਪ੍ਰੋਜੈਕਟ ਨੂੰ ਚਾਰ ਚੰਨ ਲਾਉਣ ਵਿੱਚ ਇਸਦਾ ਮਿਊਜ਼ਿਕ ਵੀਡੀਓ ਵੀ ਅਹਿਮ ਭੂਮਿਕਾ ਨਿਭਾਵੇਗਾ, ਜਿਸ ਦੀ ਨਿਰਦੇਸ਼ਨਾ ਸ਼ੈਰੀ ਕੈਂਥ ਦੁਆਰਾ ਕੀਤੀ ਗਈ ਹੈ, ਜਦਕਿ ਇਸ ਦੇ ਕੈਮਰਾਮੈਨ ਹਨ ਰੁਪਿੰਦਰ ਕੋਰੇਵਾਲ, ਜਿੰਨਾਂ ਵੱਲੋਂ ਸ਼ਾਨਦਾਰ ਅਤੇ ਪ੍ਰਭਾਵਸ਼ਾਲੀ ਰੂਪ ਵਿੱਚ ਫਿਲਮਾਏ ਗਏ ਉਕਤ ਮਿਊਜ਼ਿਕ ਵੀਡੀਓ ਨੂੰ ਬਹੁਤ ਹੀ ਉੱਚ ਪੱਧਰੀ ਤਕਨੀਕੀ ਮਾਪਦੰਢਾਂ ਅਧੀਨ ਕੈਮਰਾਬੱਧ ਕੀਤਾ ਗਿਆ ਹੈ।
'ਸਟੇਕ ਮਿਊਜ਼ਿਕ' ਦੀ ਸੁਚੱਜੀ ਰਹਿਨੁਮਾਈ ਅਤੇ ਪ੍ਰੋਡੋਕਸ਼ਨ ਅਧੀਨ ਜਾਰੀ ਕੀਤੇ ਜਾ ਰਹੇ ਇਸ ਸੰਗੀਤਕ ਪ੍ਰੋਜੈਕਟ ਦੇ ਨਿਰਮਾਤਾ ਵਿਕਾਸ ਕਾਂਸਲ, ਕਾਰਜਕਾਰੀ ਨਿਰਦੇਸ਼ਕ ਨਵਚੇਤਨ ਅਜ਼ਾਦ ਅਤੇ ਸੰਪਾਦਕ ਪਾਰਸ ਕੇ ਮਹਿਰਾ ਹਨ।
ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਵਿੱਚ ਲੰਮੇਰਾ ਪੈਂਡਾ ਸਫਲਤਾ ਪੂਰਵਕ ਤੈਅ ਕਰ ਚੁੱਕੇ ਇਹ ਹੋਣਹਾਰ ਗਾਇਕ ਇੰਨੀਂ-ਦਿਨੀਂ ਇਟਲੀ ਆਦਿ ਦੇਸ਼ਾਂ ਦੇ ਵਿਸ਼ੇਸ਼ ਗਾਇਕੀ ਦੌਰੇ ਉੱਪਰ ਪੁੱਜੇ ਹੋਏ ਹਨ, ਜਿੰਨਾਂ ਦੇ ਇੰਨਾਂ ਦੱਖਣੀ ਯੂਰਪੀਅਨ ਹਿੱਸਿਆਂ ਵਿੱਚ ਕੀਤੇ ਜਾ ਰਹੇ ਵੱਡੇ ਸੋਅਜ਼ ਨੂੰ ਦਰਸ਼ਕਾਂ ਦਾ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ।
