ਚੰਡੀਗੜ੍ਹ: ਫਿਲਮ 'ਗੁੱਡ ਨਿਊਜ਼' ਦੇ ਸੀਕਵਲ 'ਬੈਡ ਨਿਊਜ਼' ਦੇ ਟ੍ਰੇਲਰ ਨੂੰ ਸੋਸ਼ਲ ਮੀਡੀਆ 'ਤੇ ਕਾਫੀ ਤਾਰੀਫ ਮਿਲ ਰਹੀ ਹੈ। ਇਸ ਫਿਲਮ 'ਚ ਵਿੱਕੀ ਕੌਸ਼ਲ, ਤ੍ਰਿਪਤੀ ਡਿਮਰੀ ਅਤੇ ਐਮੀ ਵਿਰਕ ਨਜ਼ਰ ਆਉਣਗੇ। ਟ੍ਰੇਲਰ ਦੀ ਗੱਲ ਕਰੀਏ ਤਾਂ ਇਸ ਫਿਲਮ ਦੀ ਕਹਾਣੀ ਇੱਕ ਮਾਂ ਅਤੇ ਦੋ ਪਿਓ ਦੀ ਕਹਾਣੀ ਨੂੰ ਦਰਸਾ ਰਹੀ ਹੈ। ਟ੍ਰੇਲਰ ਦਿਖਾਉਂਦਾ ਹੈ ਕਿ ਕਿਵੇਂ ਤ੍ਰਿਪਤੀ ਡਿਮਰੀ ਵਿੱਕੀ ਕੌਸ਼ਲ ਅਤੇ ਐਮੀ ਵਿਰਕ ਦੇ ਬੱਚੇ ਦੀ ਮਾਂ ਬਣ ਜਾਂਦੀ ਹੈ। ਇਸ ਤੋਂ ਬਾਅਦ ਕਹਾਣੀ ਵਿੱਚ ਕਈ ਟਵਿਸਟ ਅਤੇ ਟਰਨ ਆਉਂਦੇ ਰਹਿੰਦੇ ਹਨ।
ਦੂਜੇ ਪਾਸੇ ਹੁਣ ਖਬਰ ਸਾਹਮਣੇ ਆ ਰਹੀ ਹੈ ਕਿ ਇਸ ਫਿਲਮ ਦਾ ਪ੍ਰਭਾਵੀ ਹਿੱਸਾ ਪੰਜਾਬੀ ਗਾਇਕ ਅਤੇ 'ਗੀਤਾਂ ਦੀ ਮਸ਼ੀਨ' ਨਾਂਅ ਨਾਲ ਮਸ਼ਹੂਰ ਕਰਨ ਔਜਲਾ ਵੀ ਬਣ ਗਏ ਹਨ। ਜੀ ਹਾਂ, ਇਸ ਫਿਲਮ ਵਿੱਚ ਗਾਇਕ ਇੱਕ ਮਜ਼ੇਦਾਰ ਗੀਤ ਗਾਉਂਦੇ ਨਜ਼ਰੀ ਪੈਣਗੇ ਅਤੇ ਇਹ ਗੀਤ ਗਾਇਕ ਵਿੱਕੀ ਕੌਸ਼ਲ ਉਤੇ ਫਰਮਾਉਣਗੇ, ਇਸ ਗੀਤ ਦਾ ਨਾਂਅ 'ਤੌਬਾ-ਤੌਬਾ' ਹੈ। ਇਸ ਗੀਤ ਦਾ ਟੀਜ਼ਰ ਵੀ ਸ਼ੋਸ਼ਲ ਮੀਡੀਆ ਉਤੇ ਰਿਲੀਜ਼ ਹੋ ਗਿਆ, ਜਿਸ ਵਿੱਚ ਵਿੱਕੀ ਕੌਸ਼ਲ ਨੱਚਦੇ ਨਜ਼ਰ ਆ ਰਹੇ ਹਨ।
ਉਲੇਖਯੋਗ ਹੈ ਕਿ ਫਿਲਮ 'ਬੈਡ ਨਿਊਜ਼' ਨੂੰ ਐਮਾਜ਼ੋਨ ਪ੍ਰਾਈਮ ਦੁਆਰਾ ਧਰਮਾ ਪ੍ਰੋਡਕਸ਼ਨ ਅਤੇ ਲੀਓ ਮੀਡੀਆ ਕਲੈਕਟਿਵ ਦੇ ਸਹਿਯੋਗ ਨਾਲ ਪੇਸ਼ ਕੀਤਾ ਜਾ ਰਿਹਾ ਹੈ। ਫਿਲਮ ਇਸ਼ਿਤਾ ਮੋਇਤਰਾ ਦੇ ਨਾਲ-ਨਾਲ ਤਰੁਣ ਡੁਡੇਜਾ ਦੁਆਰਾ ਲਿਖੀ ਗਈ ਹੈ ਅਤੇ ਆਨੰਦ ਤਿਵਾਰੀ ਦੁਆਰਾ ਨਿਰਦੇਸ਼ਤ ਕੀਤੀ ਗਈ ਹੈ।
- ਦਿਲਜੀਤ ਦੁਸਾਂਝ ਅਤੇ ਨੀਰੂ ਬਾਜਵਾ ਦੀ ਫਿਲਮ 'ਜੱਟ ਐਂਡ ਜੂਲੀਅਟ 3' ਨੇ ਰਚਿਆ ਇਤਿਹਾਸ, 50 ਕਰੋੜ ਦਾ ਅੰਕੜਾ ਪਾਰ ਕਰਨ ਤੋਂ ਇੱਕ ਕਦਮ ਦੂਰ - jatt and juliet 3 collection
- ਹਾਰਦਿਕ ਪਾਂਡਿਆ ਦੀ ਜਿੱਤ ਉਤੇ ਨਤਾਸ਼ਾ ਦੀ ਚੁੱਪੀ ਨੇ ਮਚਾਈ ਖਲਬਲੀ, ਫਿਰ ਉੱਡੀਆਂ ਅਲੱਗ ਹੋਣ ਦੀਆਂ ਅਫ਼ਵਾਹਾਂ - Hardik Pandya
- ਵਿਸ਼ਵ ਕੱਪ ਦੀ ਜਿੱਤ ਤੋਂ ਬਾਅਦ ਅਨੁਸ਼ਕਾ ਸ਼ਰਮਾ ਉਤੇ ਪਿਆਰ ਲੁਟਾਉਂਦੇ ਨਜ਼ਰੀ ਪਏ ਵਿਰਾਟ ਕੋਹਲੀ, ਬੋਲੇ-ਤੇਰੇ ਬਿਨ੍ਹਾਂ ਕੁੱਝ ਨਹੀਂ... - Virat Kohli Anushka Sharma
ਕਦੋਂ ਰਿਲੀਜ਼ ਹੋਵੇਗੀ ਫਿਲਮ 'ਬੈਡ ਨਿਊਜ਼': 9 ਜੁਲਾਈ 2024 ਨੂੰ ਸਿਨੇਮਾਘਰਾਂ ਵਿੱਚ 'ਬੈਡ ਨਿਊਜ਼' ਰਿਲੀਜ਼ ਹੋ ਜਾਵੇਗੀ। 'ਬੈਡ ਨਿਊਜ਼' ਤੋਂ ਪਹਿਲਾਂ ਆਈ ਫਿਲਮ 'ਗੁੱਡ ਨਿਊਜ਼' ਨੇ ਦੁਨੀਆ ਭਰ 'ਚ ਸ਼ਾਨਦਾਰ ਕਾਰੋਬਾਰ ਕੀਤਾ ਸੀ। ਕੇਵਲ 70 ਕਰੋੜ ਰੁਪਏ 'ਚ ਬਣੀ ਇਸ ਫਿਲਮ ਨੇ ਬਾਕਸ ਆਫਿਸ 'ਤੇ 300 ਕਰੋੜ ਰੁਪਏ ਤੋਂ ਜਿਆਦਾ ਦਾ ਕਾਰੋਬਾਰ ਕੀਤਾ ਸੀ। ਹੁਣ ਇਹ ਦੇਖਣਾ ਬਾਕੀ ਹੈ ਕਿ ਇਸ ਫਿਲਮ ਦਾ ਸੀਕਵਲ ਯਾਨੀ 'ਬੈਡ ਨਿਊਜ਼' ਆਪਣੇ ਪੁਰਾਣੇ ਰਿਕਾਰਡ ਤੋੜ ਸਕੇਗੀ ਜਾਂ ਨਹੀਂ?
