ਮੁੰਬਈ: ਮੁਕੇਸ਼ ਅੰਬਾਨੀ ਦੇ ਛੋਟੇ ਲਾਡਲੇ ਅਨੰਤ ਅੰਬਾਨੀ ਦਾ ਜੁਲਾਈ 'ਚ ਰਾਧਿਕਾ ਮਰਚੈਂਟ ਨਾਲ ਵਿਆਹ ਹੋ ਰਿਹਾ ਹੈ ਅਤੇ ਇਸ ਤੋਂ ਕਈ ਮਹੀਨੇ ਪਹਿਲਾਂ ਅੰਬਾਨੀ ਪਰਿਵਾਰ 'ਚ ਜਸ਼ਨ ਦਾ ਮਾਹੌਲ ਹੈ। ਮਾਰਚ ਵਿੱਚ ਜਾਮਨਗਰ ਵਿੱਚ ਪਹਿਲੇ ਪ੍ਰੀ-ਵੈਡਿੰਗ ਫੰਕਸ਼ਨ ਤੋਂ ਬਾਅਦ ਜੋੜਾ ਹੁਣ ਇਟਲੀ ਵਿੱਚ ਇੱਕ ਲਗਜ਼ਰੀ ਪ੍ਰੀ-ਵੈਡਿੰਗ ਪਾਰਟੀ ਕਰ ਰਿਹਾ ਹੈ।
ਇਸ ਪ੍ਰੀ-ਵੈਡਿੰਗ 'ਚ ਸ਼ਿਰਕਤ ਕਰਨ ਲਈ ਬਾਲੀਵੁੱਡ ਦੀਆਂ ਕਈ ਹਸਤੀਆਂ ਪਹੁੰਚੀਆਂ ਹਨ। ਮਸ਼ਹੂਰ ਪੰਜਾਬੀ ਗਾਇਕ ਗੁਰੂ ਰੰਧਾਵਾ ਵੀ ਪਾਰਟੀ ਵਾਲੀ ਥਾਂ 'ਤੇ ਪਹੁੰਚ ਗਏ ਹਨ। ਗੁਰੂ ਰੰਧਾਵਾ ਰਾਧਿਕਾ ਅਤੇ ਅਨੰਤ ਅੰਬਾਨੀ ਦੀ ਕਰੂਜ਼ ਪਾਰਟੀ 'ਚ ਪਰਫਾਰਮ ਕਰਨਗੇ। ਸ਼ੋਸ਼ਲ ਮੀਡੀਆ ਉਤੇ ਗੁਰੂ ਰੰਧਾਵਾ ਦੀ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਗਾਇਕ ਕਰੂਜ਼ ਉਤੇ ਨਜ਼ਰ ਆ ਰਹੇ ਹਨ।
ਉਲੇਖਯੋਗ ਹੈ ਕਿ ਅਨੰਤ ਅੰਬਾਨੀ ਅਤੇ ਰਾਧਿਕਾ ਦਾ ਵਿਆਹ 12 ਜੁਲਾਈ ਨੂੰ ਨਾਲ ਹੋਵੇਗਾ ਅਤੇ ਇਸ ਤੋਂ ਛੇ ਹਫ਼ਤੇ ਪਹਿਲਾਂ ਉਨ੍ਹਾਂ ਨੇ ਇੱਕ ਪ੍ਰੀ-ਵੈਡਿੰਗ ਕਰੂਜ਼ ਪਾਰਟੀ ਦਾ ਆਯੋਜਨ ਕੀਤਾ ਹੈ। ਇਸ ਵਿੱਚ ਅੰਤਰਰਾਸ਼ਟਰੀ ਪੌਪ ਸਟਾਰ ਵੀ ਸ਼ਾਮਲ ਹੋਣਗੇ।
ਗੁਰੂ ਰੰਧਾਵਾ ਦੀ ਵਾਇਰਲ ਹੋ ਰਹੀ ਵੀਡੀਓ 'ਚ ਉਹ ਮੁਸਕਰਾਉਂਦੇ ਹੋਏ ਕਹਿ ਰਹੇ ਹਨ, 'ਸਭ ਦਾ ਲੈਵਲ ਨਿਕਲੇਗਾ, ਲੈਵਲ ਸਾਰਿਆਂ ਦਾ ਨਿਕਲੇਗਾ।' ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਜਿਸ ਕਰੂਜ਼ 'ਤੇ ਸ਼ਾਨਦਾਰ ਜਸ਼ਨ ਚੱਲ ਰਿਹਾ ਹੈ, ਉਹ ਬਿਲਕੁਲ ਸਾਹਮਣੇ ਦਿਖਾਈ ਦੇ ਰਿਹਾ ਹੈ। ਗੁਰੂ ਰੰਧਾਵਾ ਦੀ ਇਸ ਵੀਡੀਓ ਨੂੰ ਦੇਖ ਕੇ ਫੈਨਜ਼ ਕਾਫੀ ਉਤਸ਼ਾਹਿਤ ਹੋ ਗਏ ਹਨ।
- ਮੁੰਬਈ ਤੋਂ ਵੋਟ ਪਾਉਣ ਚੰਡੀਗੜ੍ਹ ਪਹੁੰਚੇ ਅਦਾਕਾਰ ਆਯੁਸ਼ਮਾਨ ਖੁਰਾਨਾ, ਸਭ ਨੂੰ ਵੋਟ ਪਾਉਣ ਦੀ ਕੀਤੀ ਅਪੀਲ - Ayushmann Khurrana
- 'ਮਿਸਟਰ ਐਂਡ ਮਿਸਿਜ਼ ਮਾਹੀ' ਨੇ ਖੋਲ੍ਹਿਆ ਇੰਨੇ ਕਰੋੜ ਨਾਲ ਖਾਤਾ, ਜਾਣੋ ਪਹਿਲੇ ਵੀਕੈਂਡ 'ਤੇ ਕਿੰਨਾ ਕਲੈਕਸ਼ਨ ਕਰੇਗੀ ਰਾਜਕੁਮਾਰ-ਜਾਹਨਵੀ ਦੀ ਫਿਲਮ - mr and mrs mahi box office day 1
- ਸਲਮਾਨ ਖਾਨ ਦੀ ਕਾਰ 'ਤੇ AK-47 ਨਾਲ ਹਮਲਾ ਕਰਨ ਦਾ ਸੀ ਪਲਾਨ, ਪੁਲਿਸ ਨੇ ਕਾਬੂ ਕੀਤੇ 4 ਸ਼ੂਟਰ - Salman Khan
ਤੁਹਾਨੂੰ ਦੱਸ ਦੇਈਏ ਕਿ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੀ ਕਰੂਜ਼ ਪਾਰਟੀ ਚਾਰ ਦਿਨਾਂ ਤੱਕ ਚੱਲਣ ਵਾਲੀ ਹੈ। ਜਸ਼ਨ ਸ਼ੁਰੂ ਹੋ ਗਏ ਹਨ ਅਤੇ ਇਸ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਰਾਧਿਕਾ ਅਤੇ ਅਨੰਤ ਦੇ ਵਿਆਹ ਦਾ ਕਾਰਡ ਵੀ ਆ ਗਿਆ ਹੈ, ਜਿਸ ਵਿੱਚ ਰੀਤੀ-ਰਿਵਾਜ, ਡਰੈੱਸ ਕੋਡ ਬਾਰੇ ਦੱਸਿਆ ਗਿਆ ਹੈ। ਉਨ੍ਹਾਂ ਦਾ ਵਿਆਹ 12 ਜੁਲਾਈ ਨੂੰ ਮੁੰਬਈ ਦੇ ਜੀਓ ਵਰਲਡ ਕਨਵੈਨਸ਼ਨ ਸੈਂਟਰ 'ਚ ਹੋਵੇਗਾ ਅਤੇ ਹੋਰ ਰਸਮਾਂ ਅਤੇ ਰਿਸੈਪਸ਼ਨ ਵੀ ਉੱਥੇ ਹੀ ਹੋਵੇਗੀ।
