ਚੰਡੀਗੜ੍ਹ: ਟੀ.ਵੀ ਦੇ ਅਪਾਰ ਲੋਕਪ੍ਰਿਯਤਾ ਹਾਸਿਲ ਕਰਨ ਵਾਲੇ ਡੇਲੀ ਟੀ.ਵੀ ਸ਼ੋਅ 'ਚ ਸਭ ਤੋਂ ਮੋਹਰੀ ਸੀਰੀਅਲਾਂ 'ਚ ਸ਼ੁਮਾਰ ਕਰਵਾਉਣ ਵਿਚ ਸਫ਼ਲ ਰਿਹਾ ਹੈ 'ਤੇਰੀ ਮੇਰੀ ਡੋਰੀਆਂ', ਜਿਸ ਨੇ ਆਖਿਰਕਾਰ ਸਟਾਰ ਪਲੱਸ ਤੋਂ ਵਿਦਾਈ ਲੈ ਲਈ ਹੈ। ਜਿਸ ਦੇ ਆਖਰੀ ਪੜਾਅ 'ਤੇ ਭਾਵਪੂਰਨ ਹੋਈ ਟੀਮ ਨੇ ਇਕ ਦੂਸਰੇ ਨਾਲ ਅਪਣੀਆਂ ਯਾਦਾਂ ਨੂੰ ਵੀ ਤਾਜ਼ਾ ਕੀਤਾ। 'ਕਾਕਕ੍ਰੋ ਐਂਟਰਟੇਨਮੈਂਟ ਅਤੇ ਸ਼ਾਇਕਾ ਫਿਲਮਸ' ਵੱਲੋ ਨਿਰਮਿਤ ਕੀਤੇ ਗਏ ਇਸ ਬਿਗ ਸੈਟਅੱਪ ਸੀਰੀਅਲ ਦਾ ਨਿਰਮਾਣ ਪ੍ਰਦੀਪ ਕੁਮਾਰ, ਰਾਜੇਸ਼ ਰਾਮ ਸਿੰਘ, ਪਿਆ ਬਾਜਪੇਈ ਅਤੇ ਸ਼ਾਇਕਾ ਪ੍ਰਵੀਨ ਵੱਲੋ ਕੀਤਾ ਗਿਆ।
ਮੁੰਬਈ ਦੇ ਫ਼ਿਲਮ ਸਿਟੀ ਸਟੂਡਿਓਜ ਵਿਖੇ ਲਗਾਏ ਗਏ ਵਿਸ਼ਾਲ ਅਤੇ ਆਲੀਸ਼ਾਨ ਸੈਟਸ ਉਪਰ ਫ਼ਿਲਮਾਏ ਜਾਂਦੇ ਰਹੇ ਇਸ ਸੀਰੀਅਲ ਦਾ ਨਿਰਦੇਸ਼ਨ ਜੈਦੀਪ ਸੈਨ,ਅਸ਼ਵਨੀ ਸਰਸਵਤ, ਅਰਨਵ ਚੱਕਰਵਰਤੀ, ਜਫਰ ਸੇਖ, ਰਣਜੀਤ ਗੁਪਤਾ, ਰੋਹਿਤ ਫੁਲਾਰੀ ਵੱਲੋ ਕੀਤਾ ਗਿਆ। ਪੰਜਾਬੀ ਬੈਕਡਰਾਪ ਅਤੇ ਪਰਿਵਾਰਿਕ-ਡਰਾਮਾ ਅਤੇ ਇਮੋਸ਼ਨਲ ਕਹਾਣੀ-ਸਾਰ ਅਧਾਰਿਤ ਇਸ ਭਾਵਨਾਤਮਕ ਸੀਰੀਅਲ ਦੀ ਸਟਾਰ-ਕਾਸਟ ਦੀ ਗੱਲ ਕਰੀਏ ਤਾਂ ਇਸ ਵਿਚ ਵਿਜਯੇਂਦਰ ਕੁਮੇਰੀਆ, ਹਿਮਾਸ਼ੀ ਪਰਾਸ਼ਰ, ਰੂਪਮ ਸ਼ਰਮਾ, ਅਵਿਨਾਸ਼ ਵਾਧਵਨ, ਸ਼ਰਹਾਨ ਸਿੰਘ, ਪ੍ਰਾਚੀ ਹਾਡਾ , ਤੁਸ਼ਾਰ ਢੇਮਬਲਾ, ਯੋਗਿੰਦਰ ਵਿਕਰਮ ਸਿੰਘ, ਜਤਿਨ ਅਰੋੜਾ, ਤ੍ਰਿਪਤੀ ਸ਼ਰਮਾਂ ਆਦਿ ਸ਼ੁਮਾਰ ਰਹੇ। ਜਿੰਨਾਂ ਵੱਲੋ ਇਸ ਸੀਰੀਅਲਜ਼ 'ਚ ਨਿਭਾਈਆਂ ਮਹੱਤਵਪੂਰਨ ਭੂਮਿਕਾਵਾਂ ਨੂੰ ਕਾਫ਼ੀ ਪਸੰਦ ਕੀਤਾ ਗਿਆ।
ਟੈਲੀਵਿਜ਼ਨ ਦੇ ਪ੍ਰਾਈਮ ਟਾਈਮ ਸਲਾਟ 'ਚ ਟੈਲੀਕਾਸਟ ਹੋਣ ਵਾਲੇ ਸਭ ਤੋਂ ਮਕਬੂਲ ਸੀਰੀਅਲਾਂ ਦੀ ਸ਼੍ਰੇਣੀ ਵਿੱਚ ਸ਼ਾਮਿਲ ਰਹੇ ਇਸ ਡੇਲੀ ਸ਼ੋਅ ਦੀ ਕਹਾਣੀ ਸਨਿਗਧਾ ਬਾਸੂ ਨੇ ਸਿਰਜਤ ਕੀਤੀ। ਜਦਕਿ ਸਕਰੀਨ ਪਲੇ ਵਿਸ਼ਾਲ ਵਾਤਵਾਨੀ ਅਤੇ ਰੈਨੂਵਾਤੀ ਵੱਲੋ ਲਿਖਿਆ ਗਿਆ। ਜਿੰਨਾਂ ਤੋਂ ਇਲਾਵਾ ਡਾਇਲਾਗ ਲੇਖਣ ਦੀ ਜਿੰਮੇਵਾਰੀ ਰਾਜੇਸ਼ ਚਾਵਲਾ ਵੱਲੋ ਨਿਭਾਈ ਗਈ, ਜੋ ਟੈਲੀਵਿਜ਼ਨ ਦੀ ਦੁਨੀਆਂ ਦੇ ਉਚ-ਕੋਟੀ ਅਤੇ ਅਤਿ ਮਸ਼ਰੂਫ ਲੇਖਕਾਂ 'ਚ ਆਪਣਾ ਸ਼ੁਮਾਰ ਕਰਵਾ ਰਹੇ ਹਨ।
ਡਿਜ਼ਨੀ+ ਹੌਟਸਟਾਰ 'ਤੇ ਡਿਜੀਟਲ ਤੌਰ 'ਤੇ ਸਟ੍ਰੀਮ ਅਤੇ ਆਨ ਏਅਰ ਰਹੇ ਉਕਤ ਸੀਰੀਅਲ ਦਾ ਪ੍ਰੀਮੀਅਰ 04 ਜਨਵਰੀ 2023 ਤੋਂ ਸ਼ੁਰੂ ਹੋਇਆ , ਜੋ ਸਟਾਰ ਜਲਸਾ ਦੀ ਬੰਗਾਲੀ ਸੀਰੀਜ਼ ਗਾਚੋਰਾ ਦਾ ਅਧਿਕਾਰਤ ਰੂਪਾਂਤਰ ਰਿਹਾ। ਛੋਟੇ ਪਰਦੇ ਦੇ ਸਭ ਤੋਂ ਪਸੰਦੀਦਾ ਟੀ.ਵੀ ਸ਼ੋਅ ਦੇ ਤੌਰ 'ਤੇ ਆਪਣੀ ਮੌਜੂਦਗੀ ਦਰਜ਼ ਕਰਵਾਉਂਦੇ ਰਹੇ ਇਸ ਸੀਰੀਅਲ ਦੇ ਲੇਖਕ ਰਾਜੇਸ਼ ਚਾਵਲਾ ਨੇ ਈਟੀਵੀ ਭਾਰਤ ਨਾਲ ਆਪਣੀਆਂ ਸ਼ੋਅ ਨਾਲ ਜੁੜੀਆਂ ਯਾਦਾਂ ਤਾਜ਼ਾ ਕਰਦਿਆਂ ਕਿਹਾ ਕਿ ਉਨਾਂ ਦੇ ਹੁਣ ਤੱਕ ਦੇ ਲੇਖਣ ਕਰੀਅਰ ਦੀ ਸਭ ਤੋਂ ਅਹਿਮ ਪ੍ਰਾਪਤੀ ਵਜੋਂ ਰਿਹਾ ਹੈ ਇਹ ਸੀਰੀਅਲ, ਜਿਸ ਦਾ ਲੇਖਣ ਕਰਨਾ ਉਨਾਂ ਲਈ ਬੇਹੱਦ ਯਾਦਗਾਰੀ ਤਜ਼ਰਬਾ ਰਿਹਾ ਹੈ।
- ਮੁੜ ਇਕੱਠੇ ਹੋਏ ਪੰਕਜ ਬੱਤਰਾ-ਅਮਰਿੰਦਰ ਗਿੱਲ ਅਤੇ ਕਾਰਜ ਗਿੱਲ, ਇਸ ਨਵੀਂ ਪੰਜਾਬੀ ਫਿਲਮ ਦਾ ਕੀਤਾ ਐਲਾਨ - Amrinder Gill And Karaj Gill
- ਅੰਬਾਨੀ ਪਰਿਵਾਰ 'ਚ ਛੋਟੀ ਨੂੰਹ ਰਾਧਿਕਾ ਦਾ ਗ੍ਰਹਿ ਪ੍ਰਵੇਸ਼, ਜੇਠਾਣੀ ਨੇ ਦਰਾਣੀ ਦਾ ਕੀਤਾ ਜੱਫੀ ਪਾ ਕੇ ਸ਼ਾਨਦਾਰ ਸਵਾਗਤ - Anant Radhika Wedding
- 'ਅਰਦਾਸ ਸਰਬੱਤ ਦੇ ਭਲੇ ਦੀ' ਤੋਂ ਲੈ ਕੇ 'ਬੀਬੀ ਰਜਨੀ' ਤੱਕ, ਜਲਦ ਹੀ ਰਿਲੀਜ਼ ਹੋਣਗੀਆਂ ਦਿਲ ਨੂੰ ਛੂਹ ਜਾਣ ਵਾਲੀਆਂ ਇਹ ਧਾਰਮਿਕ ਫਿਲਮਾਂ - Upcoming Punjabi Religious Films
