ਹੈਦਰਾਬਾਦ: ਬਿੱਗ ਬੌਸ ਫੇਮ ਅਭਿਸ਼ੇਕ ਕੁਮਾਰ ਇੰਨੀ ਦਿਨੀ ਖਤਰੋ ਕੇ ਖਿਲਾੜੀ ਨੂੰ ਲੈ ਕੇ ਸੁਰਖੀਆਂ ਬਟੋਰ ਰਹੇ ਹਨ। ਹੁਣ ਅਭਿਸ਼ੇਕ ਨੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਅਭਿਸ਼ੇਕ ਨਾਲ ਆਲੀਆ ਭੱਟ ਨਜ਼ਰ ਆ ਰਹੀ ਹੈ। ਇਸ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਅਭਿਸ਼ੇਕ ਨੇ ਆਪਣੇ ਪੁਰਾਣੇ ਦਿਨ ਯਾਦ ਕੀਤੇ ਹਨ ਕਿ ਕਿਵੇਂ ਉਸਨੇ 2013 ਦੀ ਫਿਲਮ 'ਹੰਪਟੀ ਸ਼ਰਮਾ ਕੀ ਦੁਲਹਨੀਆ' ਵਿੱਚ ਇੱਕ ਭੀੜ ਕਲਾਕਾਰ ਵਜੋਂ ਕੰਮ ਕੀਤਾ ਸੀ ਅਤੇ ਆਲੀਆ ਭੱਟ ਨਾਲ ਇੱਕ ਤਸਵੀਰ ਖਿਚਵਾਉਣ ਲਈ ਸਾਰਾ ਦਿਨ ਇੰਤਜ਼ਾਰ ਕੀਤਾ ਸੀ।
ਅਭਿਸ਼ੇਕ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਪੁਰਾਣੇ ਦਿਨ ਕੀਤੇ ਯਾਦ: ਅਦਾਕਾਰ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ, “ਇੱਕ ਭੀੜ ਕਲਾਕਾਰ ਤੋਂ @aliaabhatt ਨਾਲ ਸਕਰੀਨ ਸਪੇਸ ਸ਼ੇਅਰ ਕਰਨ ਤੱਕ ਦਾ ਸਫ਼ਰ। 2013 ਵਿੱਚ ਜਦੋਂ 'ਹੰਪਟੀ ਸ਼ਰਮਾ ਕੀ ਦੁਲਹਨੀਆ' ਦੇ ਸ਼ੂਟ ਦਾ ਆਖਰੀ ਦਿਨ ਸੀ ਅਤੇ ਮੈਂ ਇੱਕ ਭੀੜ ਕਲਾਕਾਰ ਵਜੋ ਕੰਮ ਕਰਦਾ ਸੀ। ਮੈਂ ਸੋਚਿਆ ਆਲੀਆ ਮੈਮ ਦੇ ਨਾਲ ਵੀ ਇੱਕ ਫੋਟੋ ਖਿਚਵਾ ਲਵਾਂ। ਮੈਂ ਰਾਤ ਦੇ 2 ਵਜੇ ਤੱਕ ਇੰਤਜ਼ਾਰ ਕੀਤਾ ਕਿ ਮੈਮ ਫ੍ਰੀ ਹੋਵੇਗੀ। ਪਰ ਉਸ ਦਿਨ ਤਸਵੀਰ ਖਿਚਵਾ ਨਾ ਹੋਈ ਅਤੇ ਇੱਕ ਅੱਜ ਦਾ ਦਿਨ 2024, ਮੈਨੂੰ ਮੈਮ ਨੇ ਖੁਦ ਕਿਹਾ ਕਿ ਅਭਿਸ਼ੇਕ ਤਸਵੀਰ ਕਲਿੱਕ ਕਰੀਏ। ਮਤਲਬ ਕਿਆ ਹੀ ਦਿਨ ਅਤੇ ਵਿਕਾਸ ਤਾਂ ਹੋਇਆ ਹੈ ਜੀਵਨ ਵਿੱਚ। ਜੈ ਮਾਤਾ ਦੀ। ਉਹ ਬਹੁਤ ਪਿਆਰੀ ਹੈ। ਦਿਲ ਖੁਸ਼ ਹੋ ਗਿਆ @ਆਲੀਆਭੱਟ ਨੂੰ ਮਿਲ ਕੇ।” ਆਪਣੀ ਪੋਸਟ ਵਿੱਚ ਅਭਿਸ਼ੇਕ ਨੇ ਆਲੀਆ ਦੇ ਸੁਭਾਅ ਦੀ ਤਾਰੀਫ਼ ਕੀਤੀ ਹੈ।
ਅਭਿਸ਼ੇਕ ਕੁਮਾਰ ਦਾ ਕਰੀਅਰ: ਅਭਿਸ਼ੇਕ ਕੁਮਾਰ ਟੀਵੀ ਸੀਰੀਅਲ 'ਉਡਾਰੀਆ' ਵਿੱਚ ਨਜ਼ਰ ਆਏ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਬਿੱਗ ਬੌਸ 17 ਵਿੱਚ ਦੇਖਿਆ ਗਿਆ। ਬਿੱਗ ਬੌਸ 17 ਤੋਂ ਹੀ ਉਨ੍ਹਾਂ ਨੂੰ ਪ੍ਰਸਿੱਧੀ ਮਿਲੀ। ਹੁਣ ਅਭਿਸ਼ੇਕ ਕੁਮਾਰ ਖਤਰੋ ਕੇ ਖਿਲਾੜੀ ਵਿੱਚ ਨਜ਼ਰ ਆ ਰਹੇ ਹਨ। ਹਾਲਾਂਕਿ, ਉਨ੍ਹਾਂ ਦਾ ਇੱਕ ਅਦਾਕਾਰ, ਯੂਟਿਊਬਰ ਅਤੇ ਸੋਸ਼ਲ ਮੀਡੀਆ ਪ੍ਰਭਾਵਕ ਵਜੋਂ ਵੀ ਕਰੀਅਰ ਹੈ। ਅਭਿਸ਼ੇਕ ਕੁਮਾਰ ਪੰਜਾਬ ਦੇ ਮੰਡੀ ਗੋਬਿੰਦਗੜ੍ਹ ਸ਼ਹਿਰ ਦੇ ਰਹਿਣ ਵਾਲੇ ਹਨ ਅਤੇ ਉਨ੍ਹਾਂ ਦਾ ਅਸਲੀ ਨਾਂ ਅਭਿਸ਼ੇਕ ਪਾਂਡੇ ਹੈ।
ਇਹ ਵੀ ਪੜ੍ਹੋ:-
