ਮੁੰਬਈ: ਕਾਰੋਬਾਰੀ ਹਫਤੇ ਦੇ ਆਖਰੀ ਦਿਨ ਸ਼ੇਅਰ ਬਾਜ਼ਾਰ ਗ੍ਰੀਨ ਜ਼ੋਨ 'ਚ ਖੁੱਲ੍ਹਿਆ ਹੈ। BSE 'ਤੇ ਸੈਂਸੈਕਸ 416 ਅੰਕਾਂ ਦੀ ਛਾਲ ਨਾਲ 75,028.08 'ਤੇ ਖੁੱਲ੍ਹਿਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 0.56 ਫੀਸਦੀ ਦੇ ਵਾਧੇ ਨਾਲ 22,774.20 'ਤੇ ਖੁੱਲ੍ਹਿਆ। ਲਗਭਗ 1677 ਸ਼ੇਅਰ ਵਧੇ, 505 ਸ਼ੇਅਰ ਡਿੱਗੇ ਅਤੇ 113 ਸ਼ੇਅਰ ਬਿਨਾਂ ਬਦਲਾਅ ਦੇ ਰਹੇ।
ਜਿਵੇਂ ਹੀ ਬਾਜ਼ਾਰ ਖੁੱਲ੍ਹਿਆ, ਬਜਾਜ ਫਾਈਨਾਂਸ, ਬਜਾਜ ਫਿਨਸਰਵ, ਸ਼੍ਰੀਰਾਮ ਫਾਈਨਾਂਸ, ਹਿੰਡਾਲਕੋ, ਆਈਸੀਆਈਸੀਆਈ ਬੈਂਕ ਨਿਫਟੀ 'ਤੇ ਲਾਭ ਦੇ ਨਾਲ ਕਾਰੋਬਾਰ ਕਰ ਰਹੇ ਸਨ, ਜਦੋਂ ਕਿ ਪਾਵਰ ਗਰਿੱਡ ਕਾਰਪੋਰੇਸ਼ਨ,ਮਾਰੂਤੀ ਸੁਜ਼ੂਕੀ,ਆਈਸ਼ਰ ਮੋਟਰਜ਼,ਡਾਕਟਰ ਰੈੱਡੀਜ਼ ਲੈਬਜ਼ ਅਤੇ ਡਿਵੀਸ ਲੈਬਜ਼ ਘਾਟੇ ਨਾਲ ਕਾਰੋਬਾਰ ਕਰ ਰਹੇ ਸਨ। ਇਸ ਦੇ ਨਾਲ ਹੀ, ਭਾਰਤੀ ਰੁਪਿਆ 83.47 ਦੇ ਪਿਛਲੇ ਬੰਦ ਦੇ ਮੁਕਾਬਲੇ 8 ਪੈਸੇ ਵੱਧ ਕੇ 83.39 ਪ੍ਰਤੀ ਡਾਲਰ 'ਤੇ ਖੁੱਲ੍ਹਿਆ।
ਵੀਰਵਾਰ ਦੀ ਮਾਰਕੀਟ: ਕਾਰੋਬਾਰੀ ਹਫਤੇ ਦੇ ਚੌਥੇ ਦਿਨ ਸ਼ੇਅਰ ਬਾਜ਼ਾਰ ਗ੍ਰੀਨ ਜ਼ੋਨ 'ਚ ਬੰਦ ਹੋਇਆ। ਬੀਐੱਸਈ 'ਤੇ ਸੈਂਸੈਕਸ 156 ਅੰਕਾਂ ਦੇ ਉਛਾਲ ਨਾਲ 74,639.13 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 0.21 ਫੀਸਦੀ ਦੇ ਵਾਧੇ ਨਾਲ 22,652.50 'ਤੇ ਬੰਦ ਹੋਇਆ। ਵਪਾਰ ਦੌਰਾਨ, ਬੀਪੀਸੀਐਲ, ਪਾਵਰ ਗਰਿੱਡ ਕਾਰਪੋਰੇਸ਼ਨ, ਟਾਟਾ ਸਟੀਲ, ਟਾਟਾ ਮੋਟਰਜ਼, ਏਸ਼ੀਅਨ ਪੇਂਟਸ, ਐੱਮਐਂਡਐਮ ਚੋਟੀ ਦੇ ਲਾਭਾਂ ਵਿੱਚ ਸਨ, ਜਦੋਂ ਕਿ ਕੋਟਕ ਮਹਿੰਦਰਾ ਬੈਂਕ, ਆਈਸੀਆਈਸੀਆਈ ਬੈਂਕ, ਭਾਰਤੀ ਏਅਰਟੈੱਲ, ਵਿਪਰੋ ਅਤੇ ਇੰਡਸਇੰਡ ਬੈਂਕ ਘਾਟੇ ਨਾਲ ਕਾਰੋਬਾਰ ਕਰਦੇ ਸਨ। ਸੈਕਟਰਲ ਮੋਰਚੇ 'ਤੇ, ਆਟੋ, ਮੈਟਲ, ਆਇਲ ਐਂਡ ਗੈਸ, ਪਾਵਰ 1 ਫੀਸਦੀ ਤੋਂ ਵੱਧ ਵਧੇ, ਜਦੋਂ ਕਿ ਬੈਂਕ ਅਤੇ ਰਿਐਲਟੀ ਸੂਚਕਾਂਕ ਮਾਮੂਲੀ ਲਾਲ ਨਿਸ਼ਾਨ 'ਤੇ ਬੰਦ ਹੋਏ।
- ਮਾਮੂਲੀ ਵਾਧੇ ਨਾਲ ਖੁੱਲ੍ਹਿਆ ਸ਼ੇਅਰ ਬਾਜ਼ਾਰ, ਸੈਂਸੈਕਸ 65 ਅੰਕ ਚੜ੍ਹਿਆ, ਨਿਫਟੀ 22,600 ਦੇ ਪਾਰ
- ਮਈ ਦੇ ਪਹਿਲੇ ਦਿਨ ਮਿਲੀ ਖੁਸ਼ਖਬਰੀ, ਘਟੀਆਂ ਗੈਸ ਸਿਲੰਡਰ ਦੀਆਂ ਕੀਮਤਾਂ, ਜਾਣੋ ਆਪਣੇ ਸ਼ਹਿਰ ਦੇ ਨਵੇਂ ਰੇਟ
- ਸ਼ੇਅਰ ਬਾਜ਼ਾਰ 'ਚ ਨਿਵੇਸ਼ ਕਰਨਾ ਚਾਹੁੰਦੇ ਹੋ ਤਾਂ ਘਰ ਬੈਠੇ ਹੀ ਖੋਲ੍ਹੋ ਡੀਮੈਟ ਖਾਤਾ, ਜਾਣੋ ਪੂਰੀ ਪ੍ਰਕਿਰਿਆ
BSE ਦੀ ਮਾਰਕੀਟ ਕੈਪ 410 ਲੱਖ ਕਰੋੜ ਰੁਪਏ ਨੂੰ ਪਾਰ ਕਰ ਗਈ ਹੈ : BSE ਦਾ ਬਾਜ਼ਾਰ ਪੂੰਜੀਕਰਣ 410 ਲੱਖ ਕਰੋੜ ਰੁਪਏ ਨੂੰ ਪਾਰ ਕਰ ਕੇ 410.62 ਲੱਖ ਕਰੋੜ ਰੁਪਏ 'ਤੇ ਆ ਗਿਆ ਹੈ। ਬੀਐਸਈ 'ਤੇ 3020 ਸ਼ੇਅਰਾਂ ਦਾ ਕਾਰੋਬਾਰ ਹੋ ਰਿਹਾ ਹੈ, ਜਿਸ ਵਿੱਚੋਂ 1991 ਸ਼ੇਅਰ ਵਾਧੇ ਦੇ ਨਾਲ ਹਰੇ ਰੰਗ ਵਿੱਚ ਕਾਰੋਬਾਰ ਕਰ ਰਹੇ ਹਨ। 897 ਸ਼ੇਅਰਾਂ 'ਚ ਗਿਰਾਵਟ ਦੇਖੀ ਜਾ ਰਹੀ ਹੈ ਜਦਕਿ 132 ਸ਼ੇਅਰਾਂ 'ਚ ਬਿਨਾਂ ਕਿਸੇ ਬਦਲਾਅ ਦੇ ਕਾਰੋਬਾਰ ਹੋ ਰਿਹਾ ਹੈ। 50 ਸਟਾਕ 52 ਹਫਤੇ ਦੇ ਉੱਚੇ ਪੱਧਰ 'ਤੇ ਅਤੇ 6 ਸਟਾਕ ਇਕ ਸਾਲ ਦੇ ਹੇਠਲੇ ਪੱਧਰ 'ਤੇ ਹਨ। 110 ਸ਼ੇਅਰਾਂ 'ਤੇ ਅੱਪਰ ਸਰਕਟ ਲਗਾਇਆ ਗਿਆ ਹੈ ਜਦਕਿ 36 ਸ਼ੇਅਰਾਂ 'ਤੇ ਲੋਅਰ ਸਰਕਟ ਲਗਾਇਆ ਗਿਆ ਹੈ।
