ਮੁੰਬਈ: ਇੰਨ੍ਹੀਂ ਦਿਨੀਂ ਅੰਬਾਨੀ ਪਰਿਵਾਰ ਕਾਫੀ ਸੁਰਖੀਆਂ ਬਟੋਰ ਰਿਹਾ ਹੈ। ਇਸ ਦਾ ਕਾਰਨ ਹੈ ਅੰਬਾਨੀ ਪਰਿਵਾਰ ਦੇ ਸਭ ਤੋਂ ਛੋਟੇ ਬੇਟੇ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦਾ ਵਿਆਹ। ਇਹ ਵਿਆਹ 12 ਜੁਲਾਈ ਨੂੰ ਹੋਣ ਜਾ ਰਿਹਾ ਹੈ। ਇਸ ਵਿੱਚ ਕਈ ਵੱਡੀਆਂ ਹਸਤੀਆਂ ਸ਼ਾਮਲ ਹੋਣਗੀਆਂ। ਪਰ ਇਸ ਤੋਂ ਪਹਿਲਾਂ ਅੰਬਾਨੀ ਪਰਿਵਾਰ ਇਕ ਹੋਰ ਵੱਡੇ ਜਸ਼ਨ ਦੀ ਤਿਆਰੀ 'ਚ ਲੱਗਾ ਹੋਇਆ ਹੈ। ਆਪਣੇ ਬੇਟੇ ਅਨੰਤ ਅੰਬਾਨੀ ਦੇ ਵਿਆਹ ਤੋਂ ਪਹਿਲਾਂ ਦੇ ਜਸ਼ਨ ਵਜੋਂ, ਰਿਲਾਇੰਸ ਇੰਡਸਟਰੀਜ਼ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ ਅਤੇ ਉਨ੍ਹਾਂ ਦੀ ਪਤਨੀ ਨੀਤਾ ਅੰਬਾਨੀ ਗਰੀਬ ਜੋੜਿਆਂ ਲਈ ਇੱਕ ਸਮੂਹਿਕ ਵਿਆਹ ਸਮਾਰੋਹ ਦਾ ਆਯੋਜਨ ਕਰਨ ਜਾ ਰਹੇ ਹਨ।
ਨਿਊਜ਼ ਏਜੰਸੀ ਏਐਨਆਈ ਦੀ ਰਿਪੋਰਟ ਮੁਤਾਬਕ ਇਹ ਪ੍ਰੋਗਰਾਮ 2 ਜੁਲਾਈ ਨੂੰ ਪਾਲਘਰ ਦੇ ਸਵਾਮੀ ਵਿਵੇਕਾਨੰਦ ਵਿਦਿਆਮੰਦਰ 'ਚ ਹੋਣ ਜਾ ਰਿਹਾ ਹੈ। ਨਿਊਜ਼ ਏਜੰਸੀ ਵੱਲੋਂ ਇੱਕ ਕਾਰਡ ਦੀ ਤਸਵੀਰ ਸਾਂਝੀ ਕੀਤੀ ਗਈ ਹੈ। ਜਿਸ ਵਿੱਚ ਦੱਸਿਆ ਗਿਆ ਹੈ ਕਿ ਇਹ ਰਸਮ ਸ਼ਾਮ 4:30 ਵਜੇ ਸ਼ੁਰੂ ਹੋਵੇਗੀ। ਜਿਸ ਵਿੱਚ ਪੂਰਾ ਅੰਬਾਨੀ ਪਰਿਵਾਰ ਸ਼ਾਮਲ ਹੋਵੇਗਾ। ਵਿਆਹ ਦੇ ਸੱਦਾ ਪੱਤਰ ਵੰਡੇ ਜਾਣੇ ਸ਼ੁਰੂ ਹੋ ਗਏ ਹਨ, ਜਿਨ੍ਹਾਂ ਵਿੱਚ ਰਵਾਇਤੀ ਲਾਲ ਅਤੇ ਸੋਨੇ ਦੇ ਰੰਗ ਦੇ ਕਾਰਡ ਸ਼ਾਮਲ ਹਨ।
As part of the pre-wedding celebrations of Anant Ambani and Radhika Merchant, a mass wedding of the underprivileged has been organised at 4:30 pm on 2nd July, at Swami Vivekanand Vidyamandir in Palghar. pic.twitter.com/tRu1h5Em6g
— ANI (@ANI) June 29, 2024
ਦੱਸ ਦਈਏ ਕਿ ਇਸ ਵਿਆਹ ਤੋਂ ਪੂਰਾ ਪਰਿਵਾਰ ਬਹੁਤ ਖੁਸ਼ ਹੈ ਕਿਉਂਕਿ ਇਹ ਮੁਕੇਸ਼ ਅਤੇ ਨੀਤਾ ਅੰਬਾਨੀ ਦੇ ਸਭ ਤੋਂ ਛੋਟੇ ਅਤੇ ਆਖਰੀ ਬੱਚੇ ਦਾ ਵਿਆਹ ਹੈ। ਅਨੰਤ ਦੀ ਮਾਂ ਨੀਤਾ ਅੰਬਾਨੀ ਇਸ ਵਿਆਹ ਤੋਂ ਸਭ ਤੋਂ ਖੁਸ਼ ਹਨ। ਇਸ ਮਹੀਨੇ ਦੇ ਸ਼ੁਰੂ ਵਿੱਚ, ਰਿਲਾਇੰਸ ਫਾਊਂਡੇਸ਼ਨ ਦੀ ਚੇਅਰਪਰਸਨ ਅਤੇ ਸੰਸਥਾਪਕ ਨੀਤਾ ਅੰਬਾਨੀ ਨੇ ਵਿਆਹ ਦੇ ਸੱਦੇ ਦੇਣ ਅਤੇ ਆਸ਼ੀਰਵਾਦ ਲੈਣ ਲਈ ਕਾਸ਼ੀ ਵਿਸ਼ਵਨਾਥ ਮੰਦਰ ਦਾ ਦੌਰਾ ਕੀਤਾ ਸੀ। ਉਨ੍ਹਾਂ ਨੇ ਮੰਦਰ ਦੇ ਹਾਲ ਹੀ ਵਿੱਚ ਹੋਏ ਵਿਕਾਸ ਅਤੇ ਸਾਫ਼-ਸਫ਼ਾਈ ਬਾਰੇ ਚਾਨਣਾ ਪਾਉਂਦਿਆਂ ਆਪਣੀ ਖੁਸ਼ੀ ਅਤੇ ਧੰਨਵਾਦ ਪ੍ਰਗਟ ਕੀਤਾ। ਇਸ ਦੇ ਨਾਲ ਹੀ ਨੀਤਾ ਅੰਬਾਨੀ ਨੇ ਬਨਾਰਸ ਦੇ ਇੱਕ ਕਾਰੀਗਰ ਤੋਂ ਆਪਣੀ ਹੋਣ ਵਾਲੀ ਨੂੰਹ ਰਾਧਿਕਾ ਲਈ ਬਣੀ ਸਭ ਤੋਂ ਖਾਸ ਬਨਾਰਸੀ ਸਾੜੀ ਵੀ ਹਾਸਲ ਕੀਤੀ।
- Jio-Airtel ਤੋਂ ਬਾਅਦ ਹੁਣ VI ਗਾਹਕਾਂ ਦੀ ਹੋਵੇਗੀ ਜੇਬ੍ਹ ਢਿੱਲੀ, 24 ਫੀਸਦੀ ਮਹਿੰਗੇ ਹੋਏ ਰੀਚਾਰਜ - Vodafone Idea Vi
- ਕੀ ਤੁਹਾਡੇ ਕੋਲ ਵੀ ਹੈ ਮਹਿੰਗਾ ਫੋਨ? ਹੁਣ ਮੋਬਾਇਲ ਬੀਮਾ ਯੋਗਨਾ ਫੋਨ ਚੋਰੀ ਅਤੇ ਖਰਾਬ ਹੋਣ 'ਤੇ ਬਚਾਅ ਸਕਦਾ ਹੈ ਤੁਹਾਡੇ ਲੱਖਾਂ ਰੁਪਏ - MOBILE INSURANCE
- ਇਸ ਸੂਬੇ 'ਚ ਸਸਤਾ ਹੋਇਆ ਪੈਟਰੋਲ-ਡੀਜ਼ਲ, ਔਰਤਾਂ ਨੂੰ ਹਰ ਮਹੀਨੇ ਮਿਲਣਗੇ 1500 ਰੁਪਏ - women get 1500 rupees month
