ମୋବାଇଲ୍‌ ଲୁଟ୍‌ର ଛାତିଥରା ଦୃଶ୍ୟ, ଟ୍ରେନ୍‌ ବ୍ରିଜ୍‌ ଉପରୁ ଝାମ୍ପିନେଲା ଲୁଟେରା

ପାଟନା: ଲୁଟତରାଜ ପାଇଁ ନୂଆନୂଆ ତରିକା ଆପଣାଉଛନ୍ତି ଲୁଟେରା । ଲୁଟ୍‌ର ଅନେକ ଚିତ୍ର ଆପଣ ଦେଖିଥିବେ । କିନ୍ତୁ ଏହି ଚିତ୍ର ଆପଣଙ୍କ ଛାତି ଥରାଇ ଦେବ । ଏକ ପୋଲ ଉପରୁ ଚଳନ୍ତା ଟ୍ରେନ୍‌ରୁ ଜଣେ ଯାତ୍ରୀଙ୍କ ମୋବାଇଲ ଫୋନ ଛଡ଼ାଇ ନେଲା ଲୁଟେରା । ବିହାର କଟିହାର ଜିଲ୍ଲାରେ ଏଭଳି ଏକ ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଗଙ୍ଗା ନଦୀ ଉପର ପୋଲ ଦେଇ ଏକ ଇଣ୍ଟରସିଟି ଟ୍ରେନ୍‌ ଯାଉଥିଲା । ଏହି ସମୟରେ ପୋଲ ଉପରେ ଝୁଲି ରହିଥିବା ଜଣେ ଲୁଟେରା ଟ୍ରେନ୍‌ ପ୍ରବେଶ ଦ୍ବାରରେ ବସିଥିବା ଜଣେ ଯାତ୍ରୀଙ୍କ ଠାରୁ ମୋବାଇଲ ଛଡ଼ାଇ ନେଇଛନ୍ତି । ଏହି ମାମଲାରେ ବର୍ତ୍ତମାନ ସୁଦ୍ଧା ଜଣେ ମଧ୍ୟ ଅଭିଯୁକ୍ତ ଗିରଫ ହୋଇ ପାରି ନାହାନ୍ତି ।