ସ୍ବର୍ଣ୍ଣିମ ବିଜୟ ଉତ୍ସବ: ଭୁବନେଶ୍ବରରେ ପହଞ୍ଚିଲା ବିଜୟ ମଶାଲ

ଭୁବନେଶ୍ବର: ୧୯୭୧ ମସିହା ଯୁଦ୍ଧରେ ପାକିସ୍ତାନ ବିପକ୍ଷରେ ଭାରତର ଐତିହାସିକ ବିଜୟର ୫୦ ବର୍ଷ ପୂର୍ତ୍ତି ଉପଲକ୍ଷେ ଦେଶବ୍ୟାପୀ ପାଳନ କରାଯାଉଛି ସ୍ବର୍ଣ୍ଣିମ ବିଜୟ ବର୍ଷ । ଏହି ଅବସରରେ ସ୍ବର୍ଣ୍ଣିମ ବିଜୟ ମଶାଲ ଅକ୍ଟୋବର ୨୦ରୁ ନଭେମ୍ବର ୭ ପର୍ଯ୍ୟନ୍ତ ଓଡ଼ିଶାରେ ରହିଛି । ଆଜି(ଶୁକ୍ରବାର) ଏହା ଭୁବନେଶ୍ବରରେ ପହଞ୍ଚିଛି । ଯାହାକୁ ସ୍ବାଗତ କରିବା ପାଇଁ ପହଞ୍ଚିଛନ୍ତି ସ୍କୁଲ ଓ କଲେଜ ଛାତ୍ର ସହ ୧୨୦ ବାଟାଲିୟନ । ଏହି ବିଜୟ ମଶାଲ ପହଞ୍ଚିବା ସ୍ଥାନରେ ଭକ୍ତିମୟ ପରିବେଶ ସୃଷ୍ଟି ହୋଇଥିବା ଦେଖିବାକୁ ମିଳିଛି । ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ