ଜଗତସିଂହପୁର ଉପକଣ୍ଠରେ ଭୌତିକ କାଣ୍ଡ, ଆକସ୍ମିକ ଲାଗୁଛି ନିଆଁ

ଜଗତସିଂହପୁର: ହଠାତ ଘରେ ଲାଗୁଛି ନିଆଁ । ସଦର ତହସିଲ ଅନ୍ତର୍ଗତ ନବାପାଟଣା ଗ୍ରାମରେ ଆଜକୁ ପନ୍ଦର ଦିନ ଧରି ଭୌତିକ କାଣ୍ଡ ଦେଖିବାକୁ ମିଳୁଛି । ହଠାତ୍‌ ଘର ଆସବାବପତ୍ର ସହ ଘର ଜଳି ଯାଉଥିବା ଲୋକେ ଅଭିଯୋଗ କରି କହିଛନ୍ତି । ଜଗତସିଂହପୁର ସଦର ତହସିଲ ଅନ୍ତର୍ଗତ ନବାପାଟଣା ଗ୍ରାମର ଅଞ୍ଜଳି ସାହୁଙ୍କ ଘରେ ଆକସ୍ମିକ ଭାବେ ନିଆଁ ଲାଗିଯାଉଥିବା ବେଳେ ଏନେଇ ଭୟଭୀତ ହୋଇଛନ୍ତି ଗ୍ରାମବାସୀ । ଖବରପାଇ ଜଗତସିଂହପୁର ତହସିଲଦାର ଘଟଣା ସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି ।

ଖବର ଅନୁସାରେ ଜଗତସିଂହପୁର ସଦର ତହସିଲ ଅନ୍ତର୍ଗତ ନବାପାଟଣା ଗ୍ରାମର ଅଞ୍ଜଳି ସାହୁଙ୍କ ଘରେ ଆକସ୍ମିକ ଭାବରେ ନିଆଁ ଲାଗି ଯାଇଥିଲା । ଗ୍ରାମବାସୀ ନିଆଁ ଲିଭାଇବା ସହିତ ଦମକଳ ବାହିନୀକୁ ଖବର ଦେଇଥିଲେ । ଖବରପାଇ ଦମକଳ ବାହିନୀ ଆସି ନିଆଁ ଲିଭାଇବା ଯାଇଥିଲେ । ଦମକଳ ବାହିନୀ ଯିବାର 30 ମିନିଟ ପରେ ସେହି ଗ୍ରାମର ଅନ୍ୟ ଜଣଙ୍କ ଚାଳ ଘରେ ପୁଣି ନିଆଁ ଲାଗିଯାଇଥିଲା। ଗ୍ରାମବାସୀମାନେ ନିଆଁ ଲିଭାଇବା ସହ ପୁଣି ଦମକଳ ବାହିନୀକୁ ଖବର ଦେଇଥିଲେ । ବାରମ୍ବାର ଏଭଳି ନିଆଁ ଲାଗୁଥିବାରୁ ଲୋକେ ଏବେ ଚିନ୍ତାରେ ।


ଇଟିଭି ଭାରତ, ଜଗତସିଂହପୁର