ଭଡା ଘରେ ଚାଲିଥିଲା ସେକ୍ସ ରାକେଟ, ଚଢାଉ କଲା ପୋଲିସ

ଢେଙ୍କାନାଳ: ସହରରୁ ସେକ୍ସ ରାକେଟ ଠାବ । ଆନନ୍ଦ ନଗରରୁ ୪ଗ୍ରାହକଙ୍କ ସମେତ ରାଣୀ ମହୁମାଛି ଓ ବଙ୍ଗୀୟ ଯୁବତୀ ଗିରଫ । ଜଣେ ଦେହଜୀବୀକୁ ନେଇ ସେକ୍ସ ରାକେଟର ମୁଖ୍ୟ ଚମ୍ପଟ ମାରିଛି । ଦୀର୍ଘ ଦିନ ଧରି ଭଡାଘରେ ଚାଲୁଥିଲା ସେକ୍ସ ରାକେଟ । ସ୍ଥାନୀୟ ଯୁବକମାନଙ୍କଠାରୁ ଖବର ପାଇ ରାତିରେ ଆନନ୍ଦ ନଗରରେ ଟାଉନ ପୋଲିସ ଚଢ଼ାଉ କରିଛି । ଚଢ଼ାଉ ପୂର୍ବରୁ ସେକ୍ସ୍‌ ରାକେଟ ଚଳାଉଥିବା କିନ୍‌ପିନ୍‌ ଜଣେ ଦେହଜୀବୀକୁ ନେଇ ଛୁ ମାରିଛି । ପୋଲିସ ଦୁଇ ଦେହଜୀବୀଙ୍କ ସହିତ ୪ଜଣ ଗ୍ରାହକଙ୍କୁ କାବୁ କରିଛି । ସେମାନଙ୍କୁ ଗିରଫ କରି ଟାଉନ ଥାନାକୁ ନେଇଛି ପୋଲିସ । ସେକ୍ସ୍‌ କାରବାରରେ ବ୍ୟବହୃତ କିଛି ଆପତ୍ତିଜନକ ସାମଗ୍ରୀକୁ ଏହି ଘରୁ ପୋଲିସ ଜବତ କରିଛି । ଗିରଫ ଦେହଜୀବୀଙ୍କ ମଧ୍ୟରେ କୋଲକାତାର ଜଣେ ବଙ୍ଗୀୟ ଯୁବତୀ ଥିବାବେଳେ ଅନ୍ୟ ଜଣଙ୍କ ସେକ୍ସ୍‌ ରାକେଟର ରାଣୀ ମହୁମାଛି ବୋଲି ଜଣାପଡିଛି । ଅପରପକ୍ଷରେ ଗିରଫ ୪ଗ୍ରାହକଙ୍କ ମଧ୍ୟରେ ୩ଜଣ ଭୁବନ ଅଞ୍ଚଳର ହୋଇଥିବାବେକେ ଅନ୍ୟ ଜଣେ ଯୁବକ ତାଳବରକୋଟ ଗ୍ରାମର ବୋଲି ଜଣାପଡିଛି। ନିଜକୁ ସ୍ବାମୀ ସ୍ତ୍ରୀର ପରିଚୟ ଦେଇ ଆନନ୍ଦ ନଗରରେ ଏକ ଘରକୁ ଭଡା ସୂତ୍ରରେ ନେଇ ସେକ୍ସ ରାକେଟ ଚଳାଉଥିଲେ । ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଏହାପରେ ପୋଲିସ ରାତିରେ ଚଢ଼ାଉ କରିଥିବା ଜଣାପଡ଼ିଛି ।

ଇଟିଭି ଭାରତ, ଢେଙ୍କାନାଳ