ବେଙ୍ଗାଲୁରୁରେ ଭାରତର ସର୍ବୋଚ୍ଚ ଖ୍ରୀଷ୍ଟମାସ ଟ୍ରି, ଆକର୍ଷିତ ଦେଖଣାହାରୀ

100 feet tall Christmas tree in Bengaluru: ବେଙ୍ଗାଲୁରୁ: କର୍ଣ୍ଣାଟକ କ୍ୟାପିଟାଲ ସିଟି ବେଙ୍ଗାଲୁରୁରେ ସ୍ଥାପିତ ହେଲା ଭାରତର ସର୍ବୋଚ୍ଚ ଖ୍ରୀଷ୍ଟମାସ ଟ୍ରି । ଏହାର ଉଚ୍ଚତା ୧୦୦ ଫୁଟ ବୋଲି ଜଣାପଡ଼ିଛି । ବେଙ୍ଗାଲୁରୁ ସ୍ଥିତ ଫିନିକ୍ସ ମଲ୍‌ ଅଫ ଏସିଆରେ ଏହି ଉଚ୍ଚତମ ଖ୍ରୀଷ୍ଟମାସ ଟ୍ରି ସ୍ଥାପିତ କରାଯାଇଥିବା ବେଳେ ଏବେ ଏହା ସହରର ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି । ବଡ଼ଦିନକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ସାହ ଭରି ଯାଇଥିବା ବେଳେ ଏହାର ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେଉଛି । ଏହି ମଲରେ ୟୁରୋପୀୟ ଥିମ ଉପରେ ଏକ ବଜାର ପ୍ରସ୍ତୁତ କରାଯାଇଛି । ଏହାସହିତ ଖ୍ରୀଷ୍ଟମାସ ଡେ'କୁ ସେଲିବ୍ରେଟ କରିବା ଲାଗି ବିଭିନ୍ନ ପ୍ରକାର ଆଲୋକ ସାଜସଜ୍ଜା, ସାନ୍ତାକ୍ଲଜ, ସ୍ନୋମ୍ୟାନ୍‌ ଓ ସେଲ୍ଫି ପଏଣ୍ଟର ମଧ୍ୟ ପ୍ରସ୍ତୁତ କରାଯାଇଛି । ସନ୍ଧ୍ୟାରେ ଏଠାକାର ପରିବେଶ ଆହୁରି ରଙ୍ଗୀନ ହେଉଛି । ମ୍ୟୁଜିକ ଶୋ' ସାଙ୍ଗକୁ ନାଚଗୀତ ପର୍ଯ୍ୟଟକ ଓ ଗ୍ରାହକଙ୍କୁ ଖ୍ରୀଷ୍ଟମାସ ଡେ' ପାଳନର ଖୋରାକ ଯୋଗାଇଛି ।