Holi 2022: ସାଂସଦଙ୍କ ବାସଭବନରେ ହୋଲି ମିଳନ, ଯୋଗଦେଲେ ବିଭିନ୍ନ ଦଳର ନେତା

କଟକ: ଆଜି ରଙ୍ଗର ପର୍ବ ହୋଲି। ଦୀର୍ଘ ଦୁଇ ବର୍ଷ ପରେ ସାମୂହିକ ହୋଲି ଖେଳିବାକୁ ସୁଯୋଗ ମିଳିଥିବାରୁ ଗାଁ ଠୁ ସହର ଉତ୍ସବମୁଖର ହୋଇଉଠିଛି। ଏହି ଅବସରରେ ରାଜନେତାମାନେ ମଧ୍ୟ ବାଦ ପଡ଼ିନାହାଁନ୍ତି। କଟକ ଲୋକସଭା ସାଂସଦ ଭର୍ତ୍ତୃହରି ମହତାବଙ୍କ ବଖରାବାଦ ସ୍ଥିତ ବାସଭବନରେ ହୋଲି ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଦଳ ମତ ନିର୍ବିଶେଷରେ ସହରର ସମସ୍ତ ରାଜନୈତିକ ଦଳର ନେତା, ସମସ୍ତ ପୂଜା କମିଟିର କର୍ମକର୍ତ୍ତା, ଶାନ୍ତିକମିଟି ଆଦି ବିଭିନ୍ନ ବର୍ଗର ଲୋକମାନେ ଉପସ୍ଥିତ ରହିଥିଲେ। ପରସ୍ପରକୁ ଫଗୁ ଲଗାଇ ବେଶ ଧୁମଧାମରେ ହୋଲି ମନାଉଛନ୍ତି ସମସ୍ତେ। କଟକରୁ ନାରାୟଣ ସାହୁ, ଇଟିଭି ଭାରତ