କୋରୋନା ସାଜିଲା କାଳ: ସହର ଛାଡି ଗାଁ ମୁହାଁ ଲୋକେ

ଭୁବନେଶ୍ବର: କୋରୋନା ଛଡେଇନେଲା ଜୀବିକା । ଲକ୍‌ଡାଉନ୍‌ ଉଜାଡିଦେଲା ଅସରନ୍ତି ଆଶା । ଫଳରେ ସ୍ବପ୍ନକୁ ସହରରେ ଛାଡି ଗାଁ ମୁହାଁ ଲୋକେ । ଏପଟେ ଭଡାଟିଆ ଚାଲିଯିବାପରେ ଘର ଆଗରେ ଟୁ-ଲେଟ୍‌ ମାରି ଆଶା ଆଶଙ୍କାରେ ଘର ମାଲିକ । ଅନେକ ଲୋକ ରୋଜଗାର ତଥା ପାଠପଢିବା ଅନ୍ବେଷଣରେ ରାଜଧାନୀ ଅଭିମୁଖେ ଆସିଥାନ୍ତି । ଏଠାରେ ଘରଭଡା ନେଇ ରୁହନ୍ତି । ଏହାକୁ ଦୃଷ୍ଟିରେ ରଖି ଅନେକ ଲୋକ ରାଜଧାନୀରେ ଘର ଭଡା ଦେବା ଉଦ୍ଦେଶ୍ୟ ରେ ଘର କରିଥାନ୍ତି । ଯାହା କିଛି ଘର ମାଲିକଙ୍କ ପାଇଁ ଜୀବିକାର ମାଧ୍ୟମ ପାଲଟି ଥିବାବେଳେ ଅନେକ ନିଜର ଆର୍ଥିକ ଅବସ୍ଥାକୁ ମଧ୍ୟ ସ୍ବଚ୍ଛଳ କରନ୍ତି ।