ରଙ୍ଗର ପର୍ବ ହୋଲି: ସୀମାରେ ପାଳିଲେ ଯବାନ, ଗଙ୍ଗାକୂଳରେ କୀର୍ତ୍ତନ

ନୂଆଦିଲ୍ଲୀ: ରାତି ପାହିଲେ ରଙ୍ଗର ପର୍ବ ହୋଲି । ଏହି ଅବସରରେ ଚାରିଆଡେ ରଙ୍ଗ ବରସେ ଚୁନରୱାଲି... ରଙ୍ଗ ବରସେରେ ଭଳି ମାହୋଲ ସୃଷ୍ଟି ହୋଇଛି । ସୀମାରେ ଉତ୍ସବ ମନାଇବାରେ ଲାଗି ପଡିଲେଣି ଯବାନ । ନିଜ ନିଜ ମଧ୍ୟରେ ରଙ୍ଗ ଖେଳି ରଙ୍ଗର ପର୍ବକୁ ମନାଉଛନ୍ତି । ଏପଟେ ଦେଶର ବିଭିନ୍ନ ସ୍ଥାନରେ ହୋଲି ପୂର୍ବରୁ ରଙ୍ଗ ଖେଳି ଏହି ନିଆରା ପର୍ବକୁ ସ୍ବାଗତ ଜଣାଉଛନ୍ତି ଦେଶବାସୀ। କେଉଁଠି ହୋଲିକା ଅସୁର ଦହନ କରୁଛନ୍ତି ତ ଆଉ କେଉଁଠି ବିଭିନ୍ନ ଦେବା-ଦେବୀଙ୍କ ବେଶରେ ସଂସ୍କୃତିକୁ ମନେ ପକାଉଛନ୍ତି ଜନତା । ସେହିପରି ବିଭିନ୍ନ ସଂଗୀତରେ ନୃତ୍ୟ ପରିବେଷଣ କରୁଥିବା ଦେଖିବାକୁ ମିଳିଛି ।