ଦଶମ ରାଉଣ୍ଡ ସୁଦ୍ଧା 31,645 ଭୋଟରେ ଆଗୁଆ TMC ସୁପ୍ରିମୋ

କୋଲକାତା: ପଶ୍ଚିମବଙ୍ଗ ଭବାନୀପୁର ବିଧାନସଭା ନିର୍ବାଚନରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଅନ୍ୟ ପ୍ରାର୍ଥୀଙ୍କୁ ଦେଉଛନ୍ତି କଡା ଟକ୍କର । ଭୋଟ ଗଣତିର ୧୦ ରାଉଣ୍ଡ ସୁଦ୍ଧା ମମତା ୩୧ ହଜାର ୬୪୫ ଭୋଟରେ ବିଜେପି ପ୍ରାର୍ଥୀ ପ୍ରିୟଙ୍କା ତିବ୍ରେୱାଲଙ୍କଠାରୁ ଆଗରେ ରହିଛନ୍ତି । ଏହି ବିଧାନସଭା ଆସନ ପାଇଁ ମୋଟ ୨୧ରାଉଣ୍ଡରେ ଭୋଟ ଗଣତି ହେବ । ସେପଟେ ମୁର୍ଶିଦ୍ଦାବାଦ ଜିଲ୍ଲାର ଶମଶେରଗଞ୍ଜ ଓ ଜାଙ୍ଗିପୁର ବିଧାନସଭା ଆସନରେ ମଧ୍ୟ ତୃଣମୂଳ କଂଗ୍ରେସର ଆଗୁଆ ରହିଛି । ଜାଙ୍ଗିପୁରରେ TMC ପ୍ରାର୍ଥୀ ଜାକିର ହୁସେନ ୨୦ ହଜାର ୭୪୫ ଭୋଟରେ ବିଜେପିର ସୁଜିତ ଦାସଙ୍କଠାରୁ ୩ ରାଉଣ୍ଡ ପର୍ଯ୍ୟନ୍ତ ଆଗୁଆ ରହିଛନ୍ତି । ବ୍ୟୁରୋ ରିପୋର୍ଟ, ଇଟିଭି ଭାରତ