ଭାରତ କାମସୂତ୍ରର ଦେଶ ହେଲେ ମଧ୍ୟ ସମ୍ଭୋଗ ବା ସେକ୍ସ ବାବଦରେ ଆଜି ବି କେହି ଖୋଲାଖୋଲି ଆଲୋଚନା କରୁନାହାନ୍ତି । ବିଶେଷକରି ମହିଳାମାନେ ସେମାନଙ୍କର ଯୌନ ସମସ୍ୟା ସଂପର୍କରେ କାହାକୁ ଖୋଲାଖୋଲି କହିପାରୁନାହାନ୍ତି । ଏ ପ୍ରସଙ୍ଗ ଆଜି ବି ଭାରତୀୟ ସମାଜରେ ନିଷିଦ୍ଧ । ସେଥିପାଇଁ ତ ଭାରତରେ ମହିଳାମାନଙ୍କ ଯୈାନ ସମସ୍ୟା ନେଇ ସେତେଟା ଆଲୋଚନା ହୁଏ ନାହିଁ । ଇଟିଭି ସୁଖୀଭବ ପକ୍ଷରୁ ଏ ପ୍ରସଙ୍ଗରେ ଆଣ୍ଡ୍ରୋଲୋଜିଷ୍ଟ ଡ଼ଃ ରାହୁଲ ରେଡ୍ଡିଙ୍କ ସହ ଯୋଗାଯୋଗ କରାଯାଇଥିଲା ।
ଡ଼ଃ ରାହୁଲ ଫିମେଲ ସେକ୍ସୁଆଲ୍ ଡିସଫଙ୍କସନ ବାବଦରେ କିଛି ତଥ୍ୟ ରଖିବା ସହ ଓ ଏହାର ଚିକିତ୍ସା ବାବଦରେ ବି ସୂଚନା ଦେଇଛନ୍ତି । ମହିଳାଙ୍କ ମଧ୍ୟରେ ଦୁଇ ପ୍ରକାର ଯୈାନ ସମସ୍ୟା ଦେଖାଯାଏ । ତାହା ହେଲା-
୧. ହାଇପୋଆକ୍ଟିଭ ସେକ୍ସୁଆଲ୍ ଡିଜାୟର ଡିଜଅର୍ଡର (ଏଚଏସଡିଡି)
୨. ଅର୍ଗାଜମିକ ଡିଜଅର୍ଡର ଏଚଏସଡିଡିରେ ପୀଡିତ ମହିଳାମାନେ ଯୈାନ ସଂପର୍କିତ କାର୍ଯ୍ୟକଳାପରେ ଆଗ୍ରହ ଦେଖାନ୍ତି ନାହିଁ । ସମ୍ଭୋଗ ପାଇଁ ସେମାନେ ଇଚ୍ଛା ପ୍ରକାଶ କରନ୍ତି ନାହିଁ । ଏଥିପାଇଁ ବିଭିନ୍ନ କାରଣ ରହିଛି । ଚାପ ଓ ବୈବାହିକ ବିବାଦ ପ୍ରମୁଖ କାରଣ ବୋଲି ଧରାଯାଏ । ଏଚଏସଡିଡି ହେଉଛି ଏକ ପ୍ରକାର ଫିମେଲ ସେକ୍ସୁଆଲ୍ ଏରାଉଜଲ୍ ଡିଜଅର୍ଡର । ଏ ପ୍ରକାର ରୋଗରେ ମହିଳାମାନଙ୍କ ଶରୀରରେ ଯୌନ ଉତ୍ତେଜନା ଆସେନାହିଁ । ଅର୍ଗାଜମିକ ଡିଜଅର୍ଡର ହେଲେ ମହିଳାମାନଙ୍କ ମଧ୍ୟରେ ସମ୍ଭୋଗ ଭାବନା ଜାତ ହେଲେ ବି ଚରମାନନ୍ଦ ପାଆନ୍ତି ନାହିଁ । ମହିଳାଙ୍କ ଏଭଳି ସ୍ଥିତି ପଛରେ ଏକାଧିକ କାରଣ ଥାଏ ।
ଏଚଏସଡିଡିର କାରଣ ପିଲାବେଳର କୌଣସି ଯୌନଗତ ତିକ୍ତ ଅନୁଭୂତି (ସାଇକୋଲୋଜିକାଲ ବା ସେକ୍ସୁଆଲ ଟ୍ରୋମା), ହରମୋନାଲ ଅସନ୍ତୁଳନ, ବୈବାହିକ ବିବାଦ ଓ ଅବସାଦ ହିଁ ଏଚଏସଡିଡିର ମୂଳ କାରଣ । ଏହି ରୋଗରେ ପୀଡିତା ମହିଳାମାନଙ୍କର ଯୌନଗତ କାମନାରେ ଆଗ୍ରହ ରହେ ନାହିଁ ।
ଅର୍ଗାଜମିକ ଡିଜଅର୍ଡର ପଛର କାରଣ ଯୋନି ସଂପର୍କିତ ବିଭିନ୍ନ କାରଣରୁ ଅର୍ଗାଜମିକ ଡିଜଅର୍ଡର ହୋଇଥାଏ । ଭଜାଏନାଲ ଟିସୁଗୁଡିକୁ ରକ୍ତ ପ୍ରବାହ ହ୍ରାସ, ଉପଯୁକ୍ତ ଷ୍ଟିମୁଲେସନର ଅଭାବ ଓ ବେଳେବେଳେ ପୁରୁଷ ସେକ୍ସୁଆଲ୍ ଡିସଫଙ୍କସନ ଅର୍ଗାଜମିକ୍ ଡିଜଅର୍ଡରର କାରଣ ହୋଇଥାଏ । ବେଳେ ବେଳେ ଗୋପନୀୟତାର ଅଭାବ ଓ ପାର୍ଟନରଙ୍କ ସହ ମତଭେଦ ବି ମହିଳାଙ୍କ ଏହି ରୋଗର କାରଣ ହୋଇଥାଏ ।
ସେକ୍ସୁଆଲ୍ ଡିସଫଙ୍କସନ୍ କାହାକୁ ହୋଇପାରେ?
ଯେଉଁ ମହିଳାଙ୍କ ମଧ୍ୟରେ ହାଇପୋଆକ୍ଟିଭ ସେକ୍ସୁଆଲ୍ ଡିଜଅର୍ଡର ସାଧାରଣ । କିନ୍ତୁ 35 ବର୍ଷରୁ ଅଧିକ ବୟସର ମହିଳାମାନେ ଅର୍ଗାଜମିକ୍ ଡିଜଅର୍ଡରର ସମ୍ମୁଖୀନ ହୋଇଥାନ୍ତି ।
ଚିକିତ୍ସା:
ଡଃ ରାହୁଲ ରେଡ୍ଡିଙ୍କ ମତରେ ଫିମେଲ ସେକ୍ସୁଆଲ୍ ଡିସଫଙ୍କସନ ପୁରୁଷଙ୍କ ଡିସଫଙ୍କସନ ତୁଳନାରେ ଜଟିଳ ନୁହେଁ । ଉପଯୁକ୍ତ ଆହାର, ନିୟମିତ ବ୍ୟାୟାମ, ପାର୍ଟନରଙ୍କ ପସନ୍ଦ, ନାପସସନ୍ଦ ନେଇ ମୁକ୍ତ ଆଲୋଚନା ଓ ପ୍ରାକୃତିକ ଚିକିତ୍ସା ଦ୍ୱାରା ଫମେଲ ସେକ୍ସୁଆଲ ଡିଜଅର୍ଡର ଦୂର ହୋଇପାରିବ ।
ଫ୍ଲିବାନସେରିନ୍ (ସେକ୍ସ ବଟିକା) ସେବନ କଲେ ଯୌନ କାମନା ଉଦ୍ରେକ ହୋଇପାରିବ । ଏହି ଔଷଧ 3 ରୁ 4 ମାସ ନିୟମିତ ନେବା ଜରୁରୀ । ପରେ ଚାହିଦା ଅନୁସାରେ ଏହି ବଟିକା ନେବା ଦରକାର । ସଠିକ ଫୋର୍ ପ୍ଲେ ଓ ଚାପମୁକ୍ତ ମସ୍ତିଷ୍କ ଦ୍ବାରା ମଧ୍ୟ ଅର୍ଗାଜମିକ ଡିଜଅର୍ଡରର ଚିକିତ୍ସା କରିହେବ ବୋଲି ଡ଼ଃ ରାହୁଲ ରେଡ୍ଡି କହନ୍ତି ।
