ଯୁକ୍ତରାଷ୍ଟ୍ର ଆମେରିକାରେ ମହାମାରୀ କୋଭିଡ୍-19 ଯୋଗୁଁ ଆସନ୍ନ ପ୍ରସବା ମହିଳା ଏବଂ ଏଥିସହିତ ପ୍ରସୂତି ମହିଳାଙ୍କ ମଧ୍ୟରେ ଗର୍ଭଧାରଣର ଚାପ ବଢିଥିଲା ବୋଲି ଏକ ନୂଆ ଅଧ୍ୟୟନରୁ ଜଣାପଡ଼ିଛି । କାଳେ ସେମାନଙ୍କର ସନ୍ତାନ ରୋଗ ସଂସ୍ପର୍ଶରେ ଆସିବ ତାହା ସେମାନଙ୍କ ପାଇଁ ସବୁଠାରୁ ବଡ଼ ଚିନ୍ତା ଥିଲା ବୋଲି ଅଧ୍ୟୟନରୁ ଜଣାଯାଇଛି। କେତେକ ମହିଳା ପ୍ରସବ ସକାଶେ ହସ୍ପିଟାଲ୍ ଯିବାକୁ ଭୟ କରୁଥିଲେ, କାରଣ ଏହାଦ୍ବାରା ସେମାନେ ଭୂତାଣୁ ସଂକ୍ରମଣର ଶିକାର ହେବେ ଏବଂ ସେମାନଙ୍କୁ ସେମାନଙ୍କର ନବଜାତ ଶିଶୁଠାରୁ ଅଲଗା ରହିବାକୁ ବାଧ୍ୟ କରାଯିବ ।
ଗର୍ଭବତୀ ମହିଳାମାନଙ୍କୁ କୋଭିଡ୍-19 ସମୟରେ ହସ୍ପିଟାଲଗୁଡିକରେ ଭୂତାଣୁ ସଂକ୍ରମଣ ସେମାନଙ୍କର ଚିନ୍ତା ବଢାଉଥିଲା ବୋଲି ଯୁକ୍ତରାଷ୍ଟ୍ର ଆମେରିକାର ୱାଶିଂଟନ୍ ଷ୍ଟେଟ ୟୁନିଭର୍ସିଟି ହେଲଥ୍ ସାଇନସର ପ୍ରମୁଖ ଅଧ୍ୟୟନକାରୀ ସେଲେଷ୍ଟିନା ବାରବୋସା ଲେଇକର ଉଲ୍ଲେଖ କରିଛନ୍ତି ।
"ଯେଉଁମାନେ ସ୍ବାସ୍ଥ୍ୟସେବା ଯୋଗାଉ ଥିଲେ ସେମାନଙ୍କ ପାଇଁ ଗର୍ଭବତୀ ମହିଳାମାନଙ୍କର ଅନେକ ପ୍ରଶ୍ନ ଥିଲା। ଏହା ମଧ୍ୟରୁ ଅନେକ ଆମେ ଏଯାଏଁ ବି ଜାଣିନାହୁଁ। ଏହା ବୁଝି ହେଉଥିଲେ ସୁଦ୍ଧା ମାଆ ମାନଙ୍କ ପାଇଁ ଏହା ବିଶେଷ କରି ଚିନ୍ତାର କାରଣ ଥିଲା," ବୋଲି ବାରବୋସା ଲେଇକର କହିଛନ୍ତି । ବିଏମସି ପ୍ରେଗନାନ୍ସୀ ଏଣ୍ଡ ଚିଲଡ୍ରେନ୍ ନାମକ ଏକ ପତ୍ରିକାରେ ପ୍ରକାଶିତ ଏହି ଅଧ୍ୟୟନ ପାଇଁ ଗବେଷଣାରୀଙ୍କୁ ଦଳକୁ 160 ଜଣରୁ ଅଧିକ ଗର୍ଭବତୀ ଏବଂ ପ୍ରସବ କରି ସାରିଥିବା ମହିଳାଙ୍କ ମତାମତ ସଂଗ୍ରହ କରି ବିଶ୍ଲେଷଣ କରିବାକୁ ପଡ଼ିଥିଲା । ସେମାନେ ପୂରା ଗ୍ରୁପରୁ ଅଧିକ ସଂଖ୍ୟାରେ ମତାମତ ନେଇଥିବା ବେଳେ ମହିଳାଙ୍କର ଏକ ଉପ ଗୋଷ୍ଠୀରୁ ଅଧିକ ଭାବେ ବିସ୍ତୃତ ମତାମତ ସଂଗ୍ରହ କରିଥିଲେ ।
ଏ ଅଧ୍ୟୟନରେ 52 ପ୍ରତିଶତ ଗର୍ଭବତୀ ମହିଳା ଏବଂ 49 ପ୍ରତିଶତ ପ୍ରସୂତି ମହିଲା ସେମାନଙ୍କର ସନ୍ତାନ ଓ କୋଭିଡ-19 ଚୁକ୍ତିନାମା ନେଇ ଉଦବେଗ ପ୍ରକାଶ କରିଥିବା ବେଳେ 46 ପ୍ରତିଶତ ମହିଳା ଯେଉଁ ହସ୍ପିଟାଲରେ ସେମାନେ ପ୍ରସବ ପାଇଁ ଯୋଜନା କରିଥିଲେ କିମ୍ବା ସେଠାରେ ସନ୍ତାନ ଜନ୍ମ ଦେଇଥିଲେ ସେସବୁ ସଂସ୍ଥାରୁ କୋଭିଡ-19 ପ୍ରୋଟୋକଲ ସମ୍ପର୍କରେ ଅଧିକ ତଥ୍ୟ ଜାଣିବାକୁ ଚାହିଁଥିଲେ । ସର୍ଭେର ଗୁଣାତ୍ମକ ଦିଗରେ ମହିଳାମାନେ ସେମାନଙ୍କ ମନରେ ଥିବା ଅନେକ ସାଂଘାତିକ ଚିନ୍ତା ପ୍ରକାଶ କରିଥିଲେ । ଉଦାହରଣ ସ୍ବରୂପ ଜଣେ ଅଂଶଗ୍ରହଣକାରୀ ଉଲ୍ଲେଖ କରିଥିଲେ ଯେ, ମହାମାରୀ କାଳରେ କୋଭିଡ୍-19 ଭୂତାଣୁ ସଂକ୍ରମଣ ଏବଂ ମୃତ୍ୟୁ ତାଙ୍କ ପାଉଁ ସବୁଠାରୁ ବଡ଼ ଚିନ୍ତାର କାରଣ ଥିଲା ।
ଅଧ୍ୟୟନ ରିପୋର୍ଟ ଅନୁଯାୟୀ ଅନ୍ୟମାନେ ସେମାନେ ସନ୍ତାନ ପ୍ରସବ କରୁଥିବା ହସ୍ପିଟାଲରେ ଭୂତାଣୁ ସଂକ୍ରମଣ ନେଇ ଚାପରେ ରହୁଥିଲେ। ଏବଂ କୋଭିଡ-19 କଟକଣା ସେମାନଙ୍କୁ ସେମାନଙ୍କ ନବଜାତ ସନ୍ତାନଠାରୁ ଅଲଗା କରି ରଖିବାକୁ ବାଧ୍ୟ କରାଯାଉଥିବାରୁ ଚିନ୍ତାରେ ରହୁଥିଲେ।
