ମୁମ୍ବାଇ: ଅସ୍ଥିଜନିତ ସମସ୍ୟାକୁ ଅଣଦେଖା କରୁଛନ୍ତି ଭାରତୀୟ ମହିଳା । ନିକଟରେ ହୋଇଥିବା ଏକ ଅନୁସନ୍ଧାନରୁ ଏପରି ତଥ୍ୟ ସାମ୍ନାକୁ ଆସିଛି । 75% ଭାରତୀୟ ମହିଳା ଅସ୍ଥି ସ୍ବାସ୍ଥ୍ୟର ଯତ୍ନ ନ ନେବା ସହ ଏଥିପାଇଁ ଉପଯୁକ୍ତ ଖାଦ୍ୟ ମଧ୍ୟ ଗ୍ରହଣ କରନ୍ତି ନାହିଁ(75% women ignorant of bone issues, dietary supplements) ।
ଏକ ମେଡିକାଲ କ୍ୟାମ୍ପରେ 4000 ରୁ ଅଧିକ ମହିଳାଙ୍କ ଉପରେ ହୋଇଥିବା ଏକ ଅଧ୍ୟୟନରୁ ଜଣାପଡିଛି ଯେ, ସେମାନଙ୍କ ମଧ୍ୟରୁ 75%, ହାଡ ସମସ୍ୟା ବିଷୟରେ ଅଜ୍ଞ ଏବଂ କୌଣସି ଖାଦ୍ୟପେୟ ସପ୍ଲିମେଣ୍ଟ ଗ୍ରହଣ କରୁନାହାଁନ୍ତି । ଅକ୍ଟୋବର 20ରେ ବିଶ୍ୱ ଅଷ୍ଟିଓପୋରୋସିସ୍ ଦିବସର(World Osteoporosis Day) ଏକ ଅଂଶ ଭାବରେ 88 ବର୍ଷ ବୟସ୍କ ମୁମ୍ବାଇ ପ୍ରସୂତି ଏବଂ ସ୍ତ୍ରୀ ରୋଗ ସୋସାଇଟି(MOGS) ଦ୍ୱାରା ଆୟୋଜିତ ହୋଇଥିବା 'ବୋନ୍ ମିନେରାଲ୍ ଡେନସିଟୋମେଟ୍ରି ଓଷ୍ଟୋପୋରୋସିସ୍ ଡିଟେକସନ୍' କ୍ୟାମ୍ପରୁ ପ୍ରାଥମିକ ରିପୋର୍ଟ ପ୍ରକାଶ ପାଇଛି ।
MOGS ସଭାପତି ଡ. ନିରଞ୍ଜନ ଚୌହ୍ବାନ୍ କହିଛନ୍ତି ଯେ, "ଏହା ଦେଶର ସର୍ବବୃହତ ମାଗଣା ଚିକିତ୍ସା ଶିବିର । ଆମେ ମୁମ୍ବାଇର 38ଟି ସ୍ଥାନରେ ଅସ୍ଥିର ଖଣିଜ ସାନ୍ଧ୍ରତା ପାଇଁ 4,000 ରୁ ଅଧିକ ମହିଳା ରୋଗୀଙ୍କୁ ନେଇ ଏହି ପରୀକ୍ଷା କରିଥିଲୁ ।" ଶିବିରରେ ପରୀକ୍ଷିତ ମୋଟ ମହିଳା ରୋଗୀଙ୍କ ମଧ୍ୟରୁ 200 (5.2 ପ୍ରତିଶତ) ଭୟଙ୍କର ଅଷ୍ଟିଓପୋରୋସିସ୍ ରୋଗରେ ଆକ୍ରାନ୍ତ ହୋଇଥିଲେ ଏବଂ ଅନ୍ୟ 1,700 (47.6 ପ୍ରତିଶତ) ଟି-ସ୍କୋର (-1.0 ରୁ -2.5) ସହିତ ଅଷ୍ଟିଓପେନିଆରେ ଆକ୍ରାନ୍ତ ହୋଇଛନ୍ତି ।
"ସବୁଠାରୁ ବଡ ଚିନ୍ତାର ବିଷୟ ହେଉଛି ଯେ, ସମସ୍ତ ମହିଳା ରୋଗୀଙ୍କ ମଧ୍ୟରୁ 75% ହାଡ ରୋଗ କିମ୍ବା ଏହାକୁ ରୋକିବା ପାଇଁ କୌଣସି ଖାଦ୍ୟପେୟ ସପ୍ଲିମେଣ୍ଟ ବିଷୟରେ ଜାଣି ନଥିଲେ, ବାକି (25%) ଆଂଶିକ ସଚେତନ ଥିଲେ । ସେମାନେ ଉପଯୁକ୍ତ ଏବଂ ପୁଷ୍ଟିକର ଖାଦ୍ୟ, କ୍ୟାଲସିୟମ ଏବଂ ଭିଟାମିନ୍ ଡି ସପ୍ଲିମେଣ୍ଟ ଗ୍ରହଣ କରିସାରିଛନ୍ତି ।
ଆଶ୍ଚର୍ଯ୍ୟର କଥା, ଅଧିକାଂଶ ଅଜ୍ଞ ରୋଗୀ (91.2 ପ୍ରତିଶତ) ଶିକ୍ଷିତ ଥିଲେ । ସେମାନଙ୍କ ମଧ୍ୟରୁ 41.2 ପ୍ରତିଶତ ସ୍ନାତକ କିମ୍ବା ଡିଗ୍ରୀ ପାଠ୍ୟକ୍ରମ ଅନୁସରଣ କରୁଛନ୍ତି, 28.9 ମାଧ୍ୟମିକ ବିଦ୍ୟାଳୟ ସ୍ତରର ପାସ୍ ଆଉଟ୍ ହୋଇଥିବାବେଳେ, 17.3 ପ୍ରତିଶତ ପ୍ରାଥମିକ ଶିକ୍ଷା ହାସଲ କରିଛନ୍ତି ଏବଂ କେବଳ ଅବଶିଷ୍ଟ 8.8 ପ୍ରତିଶତ ଅଶିକ୍ଷିତ ଥିଲେ ।
'ଭିଜନ୍ ଫର୍ ହାର୍ - ହେଲ୍ ହାର୍, ଏଜୁକେଟ୍ ହାର୍ ଏଣ୍ଡ ରେସ୍ପେକ୍ଟ ହାର୍' ବିଷୟବସ୍ତୁ ସହିତ MOGS ମୁଖ୍ୟ କହିଛନ୍ତି ଯେ, "ଏହି ଶିବିରର ଉଦ୍ଦେଶ୍ୟ ହେଉଛି ସମସ୍ତ ବୟସ ବର୍ଗର ମହିଳାଙ୍କ ହାଡରେ ଭିଟାମିନ୍ ଡି ସ୍ତର ସ୍କ୍ରିନ କରିବା, ବିଭିନ୍ନ ଏକାଡେମିକ୍, ସାମାଜିକ ଏବଂ ସେମାନଙ୍କ ଶରୀରରେ କ୍ୟାଲସିୟମ ସ୍ତର ଜାଣିବା ପାଇଁ ଅର୍ଥନୈତିକ ପୃଷ୍ଠଭୂମି ଯାହା ଶକ୍ତିଶାଳୀ ଏବଂ ସୁସ୍ଥ ହାଡ ପାଇଁ ଗୁରୁତ୍ୱପୂର୍ଣ୍ଣ ।"
ମେଗା କ୍ୟାମ୍ପଗୁଡିକର ସଂଯୋଜକ ଡକ୍ଟର କୋମଲ ଚୌହ୍ବାନ୍ କହିଛନ୍ତି, "ବୟସ ବଢିବା ସହିତ ଶରୀରରେ କ୍ୟାଲସିୟମ ହ୍ରାସ କାରଣରୁ ହାଡ ଭଙ୍ଗୁର ହୋଇଯାଏ, ଯାହା ହାଡର ବିକଳାଙ୍ଗତା, ଭାଙ୍ଗିଯିବା କାରଣୁ ମହିଳାଙ୍କ ଦୈନନ୍ଦିନ ଜୀବନକୁ ପ୍ରଭାବିତ କରିଥାଏ । ଏହାର ସମାଧାନ ପାଇଁ ପୁଷ୍ଟିକର ଏବଂ ଖାଦ୍ୟପେୟ ବ୍ୟତୀତ ଅତିରିକ୍ତ ସପ୍ଲିମେଣ୍ଟ ସହିତ ଯତ୍ନ ନିଆଯାଇପାରେ । ଆମର ଦୈନନ୍ଦିନ ପନିପରିବା ଏବଂ ଆମିଷ ଖାଦ୍ୟରେ କ୍ୟାଲସିୟମ୍ ଉପଲବ୍ଧ ।"
ଡକ୍ଟର କୋମଲ ଚାଭାନ ଆହୁରି ମଧ୍ୟ କହିଛନ୍ତି ଯେ, "ସଂଗୃହିତ ସମସ୍ତ ତଥ୍ୟକୁ ବିଶେଷଜ୍ଞ ଦଳ ଦ୍ୱାରା ପୁଙ୍ଖାନୁପୁଙ୍ଖ ବିଶ୍ଳେଷଣ କରାଯିବ ଏବଂ ପରେ ଦୃଷ୍ଟି ଆକର୍ଷଣ ପାଇଁ ଜାତୀୟ ତଥା ଆନ୍ତର୍ଜାତୀୟ ମେଡିକାଲ ଜର୍ଣ୍ଣାଲରେ ଦାଖଲ କରାଯିବ ।"
