ହାଇଦ୍ରାବାଦ: ସାଧାରଣତଃ ଦେଶୀ ଘିଅ ନିୟମିତ ଖାଇବା ଦ୍ବାରା ଓଜନ ବୃଦ୍ଧି ହେବା ସହ ଶରୀର ପାଇଁ କ୍ଷତିକାରକ ବୋଲି ଭାବିଥାଉ । କିନ୍ତୁ ଏହା କେତେକାଂଶରେ ଭୁଲ ପ୍ରମାଣିତ ହୋଇଥାଏ । ଚରକ ସମିତା ପକ୍ଷରୁ କୁହାଯାଇଛି ଯେ, ଶୁଦ୍ଧ ଦେଶୀ ଘିଅ ସ୍ମୃତି, ଶକ୍ତି ଏବଂ ଶକ୍ତିରେ ଉନ୍ନତି ଆଣିଥାଏ ଏବଂ ଶରୀରରେ ଥିବା ଅନ୍ୟ ବିଷାକ୍ତ ପଦାର୍ଥର ପ୍ରଭାବକୁ ହ୍ରାସ କରିଥାଏ । ତେଣୁ ଆୟୁର୍ବେଦରେ ଶୁଦ୍ଧ ଘିଅକୁ ଔଷଧ ଭାବରେ ବିବେଚନା କରାଯାଏ ଏବଂ ଏହା ଅନେକ ପ୍ରକାରର ଚିକିତ୍ସାରେ ମଧ୍ୟ ବ୍ୟବହୃତ ହୁଏ ।
ମୁମ୍ବାଇର ଏକ ଆୟୁର୍ବେଦିକ ଡାକ୍ତର ଡାକ୍ତର ମନୀଷ କାଲେ କହିଛନ୍ତି ଯେ, ଘିଅକୁ କେବଳ ଖାଦ୍ୟରୂପେ ବ୍ୟବାହାର କରାଯାଏ ତାହା ନୁହେଁ ବରଂ ବିଭିନ୍ନ ଚିକିତ୍ସା ପାଇଁ ଆୟୁର୍ବେଦ କ୍ଷେତ୍ରରେ ମଧ୍ୟ ଏହାର ବହୁଳ ବ୍ୟବହାର ହୋଇଥାଏ । ଆୟୁର୍ବେଦିକ ଚିକିତ୍ସା ଅନୁଯାୟୀ, ସାଧାରଣତଃ ଗାଈ ଘିଅକୁ ଖାଲି ପେଟରେ ଖାଇବାକୁ ପରାମର୍ଶ ଦିଆଯାଇଥାଏ । କାରଣ ଏହା ଅନେକ ସ୍ୱାସ୍ଥ୍ୟ ସମସ୍ୟାରୁ ମୁକ୍ତି ଦେବା ସହ ହଜମକ୍ରିୟା, ହାଡର ଶକ୍ତ ରଖିବା, କେଶ ଏବଂ ଚର୍ମ ପାଇଁ ମଧ୍ୟ ବେଶ ଉପକାରୀ ହୋଇଥାଏ ।
ସେ ଆହୁରି ମଧ୍ୟ କହିଛନ୍ତି ଯେ, ଘିଅକୁ ବ୍ରେନ ଟନିକ ମାଧ୍ୟମରେ ବ୍ୟବହାର କରାଯାଇଥାଏ । କାରଣ ଏହା ସ୍ମୃତି ଶକ୍ତିକୁ ବୃଦ୍ଧି କରିବା ସହ ସ୍ନାୟୁ ସମ୍ବନ୍ଧୀୟ ସମସ୍ୟାକୁ ସାହାଯ୍ୟ କରିଥାଏ । ଅନ୍ୟପଟେ ଏହାକୁ ମୁଣ୍ଡରେ ମସାଜ କରିବା ଦ୍ବାରା ଚିନ୍ତା, ଉତ୍ତେଜନା, କ୍ରୋଧ ଏବଂ ଅସ୍ଥିରତା ଠାରୁ ମୁକ୍ତି ଦେଇଥାଏ । ମଳକଣ୍ଟକ ରୋଗରୁ ଉପଶମ ଦେଇଥାଏ ।
ବିଶେଷଜ୍ଞଙ୍କ କହିବା ଅନୁସାରେ:
ଇନ୍ଦୋରର ଡାଇଟିସିଆନ ସଙ୍ଗୀତା ମାଲୁଙ୍କ କହିବା ଅନୁଯାୟୀ, ନିୟମିତ ଭାବେ ସୀମିତ ଭାବେ ଶୁଦ୍ଧ ଦେଶୀ ଘିଅ ଖାଇବା ଆମ ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ । 2-3 ଚାମଚ ଘିଅ ଶରୀର ପାଇଁ ଇତ୍ତମ ଅଟେ କିନ୍ତୁ ଏହାଠାରୁ ଅତ୍ୟଧିକ ଶରୀରକୁ ରୋଗାଗ୍ରସ୍ତ କରିଥାଏ । ଦେଶୀ ଘିଅରେ କ୍ୟାଲସିୟମ, ଫସଫରସ୍, ମିନେରାଲ୍ସ, ପୋଟାସିୟମ୍, ପ୍ରୋଟିନ୍, ଭିଟାମିନ୍ A, K, E, D, ଓମେଗା 3 ଏବଂ ଓମେଗା 9 ଫ୍ୟାଟି ଏସିଡ୍ ପରି ପୋଷକ ତତ୍ତ୍ୱ ରହିଥାଏ । ଏଥିରେ ଆଣ୍ଟିଅକ୍ସିଡେଟିଭ୍ ଏବଂ ଆଣ୍ଟି-ଇନଫ୍ଲାମେଟୋରୀ ଗୁଣ ମଧ୍ୟ ଅଛି । ପୁଷ୍ଟିକର ଖାଦ୍ୟ ଯୋଗାଇବା ବ୍ୟତୀତ ଏହା ଶରୀରକୁ ଅନେକ ସଂକ୍ରମଣ ସହିତ ଲଢିବାରେ ସାହାଯ୍ୟ କରିଥାଏ ।
ଦେଶୀ ଘିଅର ଉପକାରିତା:
- ରୋଗପ୍ରତିରୋଧକ ଶକ୍ତି ବଢାଇବାରେ ସାହାଯ୍ୟ କରିଥାଏ
- ଏହା ହଜମ ପ୍ରକ୍ରିୟାରେ ଉନ୍ନତି ସହ ଅନ୍ତନଳୀ କ୍ଷେତ୍ରରେ ଉନ୍ନତି ଆଣିଥାଏ
- ଶରୀରରେ କୋଲେଷ୍ଟ୍ରଲ ସ୍ତରକୁ ହ୍ରାସ କରିବାରେ ସାହାଯ୍ୟ କରିଥାଏ ଏବଂ ହୃଦରୋଗର ଆଶଙ୍କାକୁ ହ୍ରାସ କରିଥାଏ
- ମେଦବହୁଳତାକୁ ରୋକିବା ସହିତ ଏହା ଶରୀରର ଚର୍ବି ହ୍ରାସ କରିବାରେ ମଧ୍ୟ ସାହାଯ୍ୟ କରିଥାଏ
- ଘିଅ ଖାଇବା ଦ୍ୱାରା ଗଣ୍ଠିକୁ ଯୋଡି ରଖିବାରେ ସାହାଯ୍ୟ କରିବା ସହ ହାଡକୁ ସୁସ୍ଥ ରଖିଥାଏ
ନ୍ୟାସନାଲ ଡାଇରି ଇନିଷ୍ଟିଚ୍ୟୁଟର ଏକ ଅଧ୍ୟୟନରୁ ଜଣାପଡିଛି ଯେ, ଘିଅ ଶରୀରରେ ଏନଜାଇମ୍ ତିଆରି କରିଥାଏ ଯାହା କର୍କଟ ରୋଗର ଅଭିବୃଦ୍ଧିକୁ ତ୍ୱରାନ୍ୱିତ କରିଥାଏ । ନ୍ୟାସନାଲ ସେଣ୍ଟର ଫର ବାୟୋଟେକ୍ନୋଲୋଜି ଇନଫରମେସନ୍ (NCBI) ରେ ପ୍ରକାଶିତ ଅନ୍ୟ ଏକ ଅନୁସନ୍ଧାନରେ କୁହାଯାଇଛି ଯେ କର୍କଟ ରୋଗର ପ୍ରଭାବକୁ ହ୍ରାସ କରିବାର କ୍ଷମତା ରହିଛି । ଏହା ବ୍ୟତୀତ ଘିଅରୁ ମିଳୁଥିବା ଲିନୋଲିକ୍ ଏସିଡ୍ କୋଲୋନ୍ କର୍କଟ ରୋଗ ରୋକିବାରେ ସାହାଯ୍ୟ କରେ।
ଘିଅରୁ ମିଳୁଥିବା ଆଣ୍ଟିଅକ୍ସିଡାଣ୍ଟ କୋଲେଷ୍ଟ୍ରଲ ସ୍ତରକୁ ହ୍ରାସ କରିବାରେ, ମେଟାବୋଲିଜିମ୍, ହଜମ ପ୍ରକ୍ରିୟାର, କୋଷ୍ଠକାଠିନ୍ୟ, ଏବଂ ବାନ୍ତି ଭଳି ସମସ୍ୟାରେ ସାହାଯ୍ୟ କରିଥାଏ ଏବଂ ହାଡକୁ ମଜଭୁତ କରିଥାଏ । ଘିଅରେ ଚର୍ବିରେ ଦ୍ରବୀଭୂତ ଭିଟାମିନ୍ ମିଳିଥାଏ, ଯାହା ଥାଇରଏଡ୍ ଗ୍ରନ୍ଥିକୁ ନିୟନ୍ତ୍ରଣ କରିପାରିବ, ଯାହା ଗର୍ଭାବସ୍ଥାରେ ଗୁରୁତ୍ୱପୂର୍ଣ୍ଣ । ଗର୍ଭବତୀ ମହିଳାମାନଙ୍କଠାରେ ଏହାର ଔଷଧୀୟ ଗୁଣ ଉଭୟ ମା ଏବଂ ଜନ୍ମିତ ଶିଶୁକୁ ମଧ୍ୟ ଉପକୃତ କରିଥାଏ ।
ଡକ୍ଟର ସଂଗୀତା କହିଛନ୍ତି ଯେ, ଯଦିଓ ଶୁଦ୍ଧ ଦେଶୀ ଘିର ବ୍ୟବହାର ଶରୀରକୁ ବହୁତ ଲାଭ ଦିଏ, କିନ୍ତୁ ଏହାର ପରିମାଣ ଉପରେ ଧ୍ୟାନ ଦେବା ଅତ୍ୟନ୍ତ ଜରୁରୀ ଅଟେ । ବିଶେଷକରି ଯେଉଁମାନେ ସ୍ବାସ୍ଥ୍ୟ ସମସ୍ୟା ଦେଇ ଗତି କରୁଛନ୍ତି ସେମାନେ ନିଜ ଖାଦ୍ୟରେ କୌଣସି ପ୍ରକାରରେ ଘିଅର ବ୍ୟବହାର ପୂର୍ବରୁ ଡାକ୍ତର କିମ୍ବା ଡାଏଟିସିଆନଙ୍କ ସହିତ ପରାମର୍ଶ କରିବା ଆବଶ୍ୟକ ।
ବ୍ୟୁରୋ ରିପୋର୍ଟ, ଇଟିଭି ଭାରତ
