ନୂଆଦିଲ୍ଲୀ: ସେରମ୍ ସ୍କିନ୍ ପାଇଁ କେତେ ଲାଭଦାୟକ ତାହା ଊଣା ଅଧିକ ଲୋକେ ଜାଣିଥିବେ ନିଶ୍ଚୟ । ଏଥିରେ ପ୍ରସ୍ତୁତ ଅନେକ ସ୍କିନ୍ ପ୍ରଡକ୍ଟ ଚର୍ମ କୁଞ୍ଚନ ଏବଂ ସୂକ୍ଷ୍ମ ରେଖା ପରି ବାର୍ଦ୍ଧକ୍ୟ ଜନିତ ସମସ୍ୟାକୁ ଦୂର କରିଥାଏ । ହେଲେ ସେରମ୍ କାହିଁକି ଅନ୍ୟ ମଶ୍ଚରାଇଜର୍ ତୁଳନାରେ ପ୍ରଭାବୀ ଜାଣନ୍ତି କି ? ସେରମ୍ରେ ଥିବା କେତେକ ଚର୍ମ ଉପକାରୀ ଗୁଣ ବାବଦରେ ନିମ୍ନରେ ବର୍ଣ୍ଣନା କରାଯାଇଛି ।
ସେରମ୍ ପ୍ରସ୍ତୁତରେ ବ୍ୟବହାର ହେଉଥିବା ହାୟାଲୁରୋନିକ୍ ଏସିଡ୍ (Hyaluronic acid) ଏବଂ ଗ୍ଲାଇକୋଲିକ୍ ଏସିଡ୍(Glycolic acid) ଦୁଇଟି ଅତି ଛୋଟ ଅଣୁ, ଯାହା ପତଳା ମଶ୍ଚରାଇଜର ଅଟେ । ଏହି ଛୋଟ ଅଣୁଗୁଡ଼ିକ ସେରମକୁ ଚର୍ମରେ ତୁରନ୍ତ ଶୁଖାଇବାରେ ସହାୟକ ହୋଇଥାନ୍ତି । ଅନ୍ୟ ସାଧାରଣ ଫେସ୍ ମଶ୍ଚରାଇଜର ସହ ସେରମ୍କୁ ତୁଳନା କରିବା ପ୍ରକୃତରେ କଷ୍ଟକର । କାରଣ ସେରମ୍ରେ କମ୍ ଲୁବ୍ରିକେଟିଂ ଏବଂ ମୋଟା ଏଜେଣ୍ଟ ଥାଏ ଏବଂ ପେଟ୍ରୋଲାଟମ୍ କିମ୍ବା ମିନେରାଲ୍ ତେଲ ପରି ମଶ୍ଚରାଇଜିଂ ଯୌଗିକ ଧାରଣ କରେ ନାହିଁ । ଅଧିକାଂଶ ସେରମ୍ ହାଲୁକା ହୋଇଥିବାରୁ ଚର୍ମ ପାଇଁ ଉପକାରୀ । କୋଲାଜେନ୍ ଉତ୍ପାଦନ ବୃଦ୍ଧି, ସୂକ୍ଷ୍ମ ରେଖା, କୁଞ୍ଚନ କମାଇବା ଏବଂ କଳାଦାଗ ହଟାଇବା ଭଳି ନିର୍ଦ୍ଦିଷ୍ଟ ସମସ୍ୟାର ସମାଧାନ ପାଇଁ ସେରମ୍ ପ୍ରସ୍ତୁତ ହୋଇଛି ।
ସେରମରେ ଜେଲ, ତେଲ ଏବଂ ହାଲୁକା କ୍ରିମ୍ ସହିତ ବିଭିନ୍ନ ପ୍ରକାରର ଉପାଦାନରେ ପ୍ରସ୍ତୁତ । ସେରମ୍ ଚର୍ମରେ ଗଭୀର ଭାବରେ ପ୍ରବେଶ କରୁଥିବାରୁ ଆମର ସାଧାରଣ ମଶ୍ଚରାଇଜର ଅପେକ୍ଷା ଅଧିକ ହାଇଡ୍ରେସନ୍ ପ୍ରଦାନ କରନ୍ତି । ପ୍ରାଥମିକ ଉପାଦାନ ଗୁଡିକ ହାୟାଲୁରୋନିକ୍ ଏସିଡ୍ ଏବଂ ଗ୍ଲାଇକୋଲିକ୍ ଏସିଡ୍ ଆର୍ଦ୍ରତାରେ ଚର୍ମକୁ ଦୀର୍ଘ ସମୟ ପର୍ଯ୍ୟନ୍ତ ଚିକ୍କଣ ଏବଂ ନରମ ରଖେ । ରାତିରେ ଏକ ମଶ୍ଚରାଇଜିଂ କ୍ରିମ୍ ପୂର୍ବରୁ ସେରମ୍ ବ୍ୟବହାର କରିବା ଦ୍ୱାରା ଚର୍ମକୁ ଆରାମ ମିଳିଥାଏ । ସେରମ୍ରେ ଆଣ୍ଟି-ଇନ୍ଫ୍ଲାମେଟୋରୀ ଉପାଦାନ ରହିଥାଏ, ଯାହା ସେନ୍ସିଟିଭ୍ ସ୍କିନ୍ ପାଇଁ ଉପକାରୀ । ଏହା ବ୍ୟତୀତ, ବ୍ରଣ ଦାଗ, ପିଗମେଣ୍ଟେସନ୍ ଏବଂ ଡାର୍କ ସର୍କଲ୍ ଭଳି ଚର୍ମର ଦାଗ ଦୂର କରି ଚର୍ମରେ ଉଜ୍ଜ୍ୱଳ ଆଣିଥାଏ ସେରମ୍ ।
ସେରମ ଥିବା ଅନେକ ପ୍ରଡକ୍ଟ ମଧ୍ୟ କୁଞ୍ଚନ ଏବଂ ସୂକ୍ଷ୍ମ ରେଖା ପରି ବାର୍ଦ୍ଧକ୍ୟ ସମସ୍ୟାକୁ ମୁକାବିଲା କରି ଚର୍ମକୁ ପୁନର୍ଜୀବିତ କରିବାରେ ସାହାଯ୍ୟ କରେ । ରାତିରେ ସେରମ୍ ବ୍ୟବହାର ପାଇଁ ପରାମର୍ଶ ଦିଆଯାଇଥାଏ । ସେରମ୍ରେ ଥିବା ଗ୍ଲାଇକୋଲିକ୍ ଏସିଡ୍ ପରି AHA ଗୁଡିକ କଳା ଦାଗରୁ ମୁକ୍ତି ପାଇବାରେ ସାହାଯ୍ୟ କରେ । ଏଥିସହ ସେରମ୍ରେ ଆଉ ଏକ ମୁଖ୍ୟ ଉପକାରିତା ମଧ୍ୟ ରହିଛି । ଚର୍ମକୁ ସୂର୍ଯ୍ୟର UV(ଅତିବାଇଗଣୀ ରଶ୍ମି) ଏବଂ ପ୍ରଦୂଷଣରୁ ରକ୍ଷା କରି ଚର୍ମକୁ ଅଧିକ କ୍ଷତିରୁ ରକ୍ଷା କରିଥାଏ । ଫଳରେ କମ୍ ବୟସରୁ ଚର୍ମରେ ବାର୍ଦ୍ଧକ୍ୟ ଆସିନଥାଏ ।
