ହାଇଦ୍ରାବାଦ: ବର୍ଷ 2022ରେ, ଅନେକ କଳାକାର ହୃଦଘାତରେ ପ୍ରାଣ ହରାଇଥିଲେ । କେବଳ କଳାକାର କାହିଁକି, ଗତ ବର୍ଷ ନାଚୁଥିବା ସମୟରେ, ଗାଉଥିବା ସମୟରେ ହୃଦଘାତରେ ଟଳି ପଡିଥିବା ବ୍ୟକ୍ତିଙ୍କ ଭିଡିଓ ମୋବାଇଲରୁ ମୋବାଇଲ୍ ଘୁରି ବୁଲିଥିଲା । ସେହିପରି ଉତ୍ତର ପ୍ରଦେଶର ଉନ୍ନାଓରେ ଶତାଧିକ ବ୍ୟକ୍ତିଙ୍କ ପ୍ରାଣହାନୀ ଡାକ୍ତରଙ୍କୁ ମଧ୍ୟ ଆଶ୍ଚର୍ଯ୍ୟ କରିଦେଇଥିଲା । ତେବେ ଏହାର କାରଣ କାହିଁକି ଦ୍ରୁତଗତିରେ ହୃଦଘାତ ବୃଦ୍ଧି ପାଉଛି, ଜାଣନ୍ତୁ ।
ଡାକ୍ତରଙ୍କ କହିବା ଅନୁସାରେ ହୃଦୟରେ ଚାପ, ରକ୍ତ ନଳୀରେ ଚର୍ବି ବୃଦ୍ଧି ଇତ୍ୟାଦି ହୃଦଘାତର କାରଣ ହୋଇପାରେ । ଏହି ଚାପ ବହନ କରିବା ସମୟରେ ହୃଦୟରେ ଅନେକ ଲକ୍ଷଣ ଦେଖାଦିଏ । ସେଥି ମଧ୍ୟରୁ ବ୍ରୁଗାଡା ସିଣ୍ଡ୍ରୋମ୍ ଲକ୍ଷଣ ଅନ୍ୟତମ । ସବୁଠୁ ବଡ କଥା ହେଉଛି କି, ଏହି ଲକ୍ଷଣ ଗୁଡିକୁ ଜାଣିବେ କିପରି । ନିମ୍ନରେ ଏହାର କେତେକ ସିଣ୍ଡ୍ରୋମ୍ ବାବଦରେ ଆଲୋଚନା କରାଯାଇଛି ।
ବ୍ରୁଗାଡା ସିଣ୍ଡ୍ରୋମ କ'ଣ: ଡାକ୍ତରମାନେ କହନ୍ତି ଯେ, ବ୍ରୁଗାଡା ସିଣ୍ଡ୍ରୋମ ହୃଦୟର ଏକ ବିରଳ ଅବସ୍ଥା । ଏଥିରେ ବ୍ୟକ୍ତି ଦୁର୍ବଳ ହୋଇପାରେ । ହୃଦଘାତ ଆସିପାରେ । ବାସ୍ତବରେ, ଏହି ପରିସ୍ଥିତିରେ ହୃଦୟରେ ଭେଣ୍ଟ୍ରିକୁଲାର ଫାଇବ୍ରିଲେସନ୍ ନାମକ ଏକ ବିପଜ୍ଜନକ ରିଦିମ୍ ସୃଷ୍ଟି ହୁଏ । ଏହି କାରଣରୁ, ହୃଦୟରୁ ମସ୍ତିଷ୍କକୁ ରକ୍ତ ଯୋଗାଣ ବାଧାପ୍ରାପ୍ତ ହୁଏ । ଏହି ଅବସ୍ଥାରେ ହଠାତ୍ ହତାଶ ହେବା ସହିତ ହୃଦ୍ଘାତର ଆଶଙ୍କା ଥାଏ ।
ଏହି ସିଣ୍ଡ୍ରୋମରେ ହଠାତ୍ ଚେତାଶୂନ୍ୟ ହୋଇଯାଏ । ଏହି ଅବସ୍ଥା ଆସିଲେ ଜଣେ ବ୍ୟକ୍ତି ଚେତାଶୂନ୍ୟ ହୋଇ ତଳେ ପଡିଯାଆନ୍ତି । ହୃଦ୍ଘାତ କାରଣରୁ ପ୍ରାଣ ହରାଉଥିବା ପ୍ରତି 4 ଜଣଙ୍କ ମଧ୍ୟରୁ ଜଣଙ୍କ ମୃତ୍ୟୁ ପାଇଁ ଏହି କାରଣ ଦାୟୀ । ଏ ଦୃଷ୍ଟିରୁ ବ୍ରୁଗାଡା ସିଣ୍ଡ୍ରୋମର ଗମ୍ଭୀରତା କେତେ ବିପଦ୍ଜନକ ତାହା ଅନୁମେୟ ବୋଲି ଡାକ୍ତର କହିଛନ୍ତି । ସବୁଠୁ ବଡ କଥା ହେଉଛି କି, ଏହାର ଲକ୍ଷଣ 70 ପ୍ରତିଶତ ରୋଗୀଙ୍କ କ୍ଷେତ୍ରରେ ଦୃଶ୍ୟମାନ ହୁଏ ନାହିଁ ।
ବିଶେଷଜ୍ଞମାନେ କହନ୍ତି ଯେ, ଏହାର ଲକ୍ଷଣ 30 କିମ୍ବା 40 ବର୍ଷ ବୟସରେ ଦେଖାଯିବା ଆରମ୍ଭ କରେ । ଏହି ସିଣ୍ଡ୍ରୋମର ଅଧିକ ମାମଲା ଜାପାନ ଏବଂ ଦକ୍ଷିଣ ପୂର୍ବ ଏସିଆରେ ଦେଖାଯାଏ । ଯଦି ଆମେ ଏହି ସିଣ୍ଡ୍ରୋମର ଲକ୍ଷଣ ବିଷୟରେ କହିବା ବାନ୍ତି, ମୁଣ୍ଡ ବୁଲାଇବା, ନିଶ୍ୱାସ ନେବାରେ ଅସୁବିଧା, ହୃଦସ୍ପନ୍ଦନ ବୃଦ୍ଧି ଏବଂ ଶେଷରେ ହୃଦ୍ଘାତ ହୋଇପାରେ । ଏହା ମଧ୍ୟ ଦେଖାଯାଇଛି ଯେ, ବ୍ରୁଗାଡା ସିଣ୍ଡ୍ରୋମ ଥିବା କିଛି ଶିଶୁ ଶୋଇବା ସମୟରେ ଆଖି ବୁଜିଦିଅନ୍ତି । ପିତାମାତାମାନେ ଲକ୍ଷଣ ଗୁଡିକ ଜାଣିବାରେ ବିଳମ୍ବ କରିବାରୁ ଏହିପରି ହୋଇଥାଏ । ତେଣୁ ପ୍ରତିଟି ବ୍ୟକ୍ତି ଲକ୍ଷଣ ବାବଦରେ ଜାଣି ସଚେତନ ରହିବା ଉଚିତ୍ ।
Disclaimer: ଉପରିସ୍ଥ ସମସ୍ତ ବିବରଣୀ କେବଳ ସାଧାରଣ ସୂଚନା ଉପରେ ଆଧାରିତ । କୌଣସି ସ୍ବାସ୍ଥ୍ୟ ସମସ୍ୟା ପାଇଁ ଡାକ୍ତରଙ୍କ ପରାମର୍ଶ ଅତ୍ୟନ୍ତ ଆବଶ୍ୟକ ।
