ହାଇଦ୍ରାବାଦ: ପାଟିରୁ ଦୁର୍ଗନ୍ଧ(Bad breath) ବାହାରିବା ଏକ ସାଧାରଣ ସମସ୍ୟା ଅଟେ । ସାଧାରଣତ, ପାଟିର ଖରାପ ସ୍ୱଚ୍ଛତା ଏଥିପାଇଁ ଦାୟୀ ବୋଲି ବିଶ୍ୱାସ କରାଯାଏ । କିନ୍ତୁ ଏହା ଯେ, ଏକମାତ୍ର କାରଣ ତାହା ଭାବିବା ଠିକ୍ ନୁହେଁ । ବେଳେବେଳେ ଦାନ୍ତ କିମ୍ବା ମାଢିର ରୋଗ, କିଡନୀ ସମସ୍ୟା କିମ୍ବା ମଧୁମେହ ଇତ୍ୟାଦି କେତେକ ରୋଗ, ହରମୋନ୍ କ୍ଷରଣରେ ପରିବର୍ତ୍ତନ କିମ୍ବା ହଜମ ପ୍ରକ୍ରିୟାରେ ସନ୍ତୁଳନ ନ ରହିବା ଏଥିପାଇଁ ଦାୟୀ ହୋଇପାରେ ।
ପାଟିରେ ଦୁର୍ଗନ୍ଧ ସମସ୍ୟାକୁ ହାଲିଟୋସିସ୍ ମଧ୍ୟ କୁହାଯାଏ । ଡାକ୍ତରମାନେ ବିଶ୍ବାସ କରନ୍ତି ଯେ, ଅଧିକାଂଶ କ୍ଷେତ୍ରରେ ପାଟିରେ ସ୍ୱଚ୍ଛତାର ଅଭାବ ରହିଥାଏ, ଯେପରିକି ଦାନ୍ତରେ ଖାଦ୍ୟ କଣିକା ଦୀର୍ଘ ସମୟ ଧରି ରହିବା, ଦାନ୍ତରେ ପ୍ଲେକ୍, ଜିଭ ଅପରିଷ୍କାର, ଫୁଲା କିମ୍ବା ମାଢିରେ ସଂକ୍ରମଣ ଏଥିପାଇଁ ଦାୟୀ ହୋଇଥାଏ । କିନ୍ତୁ ବେଳେବେଳେ ପାଟିରୁ ଦୁର୍ଗନ୍ଧ ବାହାରିବା ହେବା ମଧ୍ୟ ଏକ ବଡ଼ ସମସ୍ୟାର ସଙ୍କେତ ହୋଇପାରେ ।
ପାଟି ଦୁର୍ଗନ୍ଧ କାରଣ:-
ଦିଲ୍ଲୀର ଅର୍ଥୋଡେଣ୍ଟିଷ୍ଟ ଡକ୍ଟର ଆଲୋକ ପରମାର ଏନେଇ ସବିଶେଷ ତଥ୍ୟ ବର୍ଣ୍ଣନା କରିଛନ୍ତି...
ସ୍ୱଚ୍ଛତାର ଅଭାବ
ସେ ସ୍ପଷ୍ଟ କରିଛନ୍ତି ଯେ, ଏହା ନୁହେଁ ଯେ କେବଳ ପିଲାମାନେ ଦାନ୍ତକୁ ସଠିକ୍ ଭାବରେ ସଫା କରନ୍ତି ନାହିଁ ବା ଦାନ୍ତର ଯତ୍ନ ନିଅନ୍ତି ନାହିଁ । ବହୁ ସଂଖ୍ୟକ ବୟସ୍କ ମଧ୍ୟ ଅଛନ୍ତି, ଯେଉଁମାନେ ପାଟି, ଜିଭ ଏବଂ ଦାନ୍ତର ଯତ୍ନ ନେଉ ନାହାଁନ୍ତି, ସେମାନେ ଏ ବାବଦରେ ଜାଣିଥିଲେ ମଧ୍ୟ ଅନୁସରଣ କରନ୍ତି ନାହିଁ । ଦିନକୁ ଅତି କମରେ ଦୁଇଥର ଦାନ୍ତକୁ ସଫା ନକରିବା, ଦାନ୍ତରେ ଫ୍ଲସ୍ ବ୍ୟବହାର ନକରିବା, ଜିଭକୁ ନିୟମିତ ସଫା ନକରିବା କିମ୍ବା ଦାନ୍ତକୁ ନିୟମିତ ଯାଞ୍ଚ ନକରିବା ଦ୍ବାରା ଜିଭ ଏବଂ ଦାନ୍ତ ମଧ୍ୟରେ ଜମା ହୋଇଥିବା ମଇଳା ଏବଂ ସେମାନଙ୍କ ଦ୍ବାରା ସୃଷ୍ଟି ହେଉଥିବା ରୋଗ ଦୁର୍ଗନ୍ଧର କାରଣ ହେବାକୁ ଲାଗେ ।
ଦାନ୍ତ ସମ୍ବନ୍ଧୀୟ ରୋଗ
ସେ ବ୍ୟାଖ୍ୟା କରିଛନ୍ତି ଯେ, ପାଟିରେ ସ୍ୱଚ୍ଛତା ଅଭାବରୁ ଜୀବାଣୁ ସଂକ୍ରମଣ କିମ୍ବା ଦାନ୍ତ ଓ ମାଢିର ରୋଗ (Periodontal disease) ହୋଇପାରେ । ଏହା ବ୍ୟତୀତ ଦାନ୍ତରେ ଜମା ହୋଇଥିବା ପ୍ଲେକ୍ ମଧ୍ୟ ଏହି ସମସ୍ୟା ସୃଷ୍ଟି କରିପାରେ । ବାସ୍ତବରେ, ଯେତେବେଳେ ଦାନ୍ତରେ ପ୍ଲେକ୍ ଜମା ହୁଏ, ସେମାନଙ୍କର ବାହ୍ୟ ସ୍ତର ଖରାପ ହେବାକୁ ଲାଗେ ଏବଂ ଦାନ୍ତରେ କ୍ଷୟ ଆରମ୍ଭ ହୁଏ । ଅନ୍ୟପକ୍ଷରେ, ଦାନ୍ତରେ କେବିଟି ଥିଲେ କିମ୍ବା ପାଇରିଆ ଭଳି ରୋଗ ଥିଲେ ମଧ୍ୟ ନିଶ୍ୱାସ ପ୍ରଶ୍ୱାସ ନେବା ସମୟରେ ଦୁର୍ଗନ୍ଧ ନିର୍ଗତ ହୋଇଥାଏ ।
ଚିକିତ୍ସା କାରଣ
ଡ. ଆଲୋକ ବ୍ୟାଖ୍ୟା କରିଛନ୍ତି ଯେ, ଦୁର୍ଗନ୍ଧ ମଧ୍ୟ ଅନେକ ରୋଗର ସଙ୍କେତ ବୋଲି ବିବେଚନା କରାଯାଏ । ଯେଉଁଥିରୁ ଗ୍ୟାଷ୍ଟ୍ରୋସୋଫେଜ୍ ରିଫ୍ଲକ୍ସ ରୋଗ (GERD) ଏକ ସାଧାରଣ ଅଟେ । ବାସ୍ତବରେ, ଏହି ରୋଗ, ଖାଦ୍ୟ କିମ୍ବା ଅନ୍ୟାନ୍ୟ କାରଣରୁ ପେଟରେ ସୃଷ୍ଟି ହୋଇଥିବା ଏସିଡ୍ ଏସୋଫ୍ୟାଗସକୁ ଆସିଥାଏ । ଯଦିଓ ଏହି ପ୍ରକ୍ରିୟା ଶରୀରରେ ସାଧାରଣ, କିନ୍ତୁ ଯଦି ଏହା ଜଣେ ବ୍ୟକ୍ତିଙ୍କ ଠାରେ କ୍ରମାଗତ ଭାବରେ ଘଟିବା ଆରମ୍ଭ କରେ, ତେବେ ଏହା ଜଟିଳ ସମସ୍ୟା ସୃଷ୍ଟି କରିଥାଏ ।
ଏହା ବ୍ୟତୀତ ପେଟରେ ଯେକୌଣସି ପ୍ରକାରର ସଂକ୍ରମଣ, ବିଶେଷତଃ ହେଲିକୋବ୍ୟାକ୍ଟର ପାଇଲୋରି ସଂକ୍ରମଣ, ଯାହା ପେଟ ଏବଂ କ୍ଷୁଦ୍ର ଅନ୍ତନଳୀ, ମଧୁମେହ, କିଡନୀ ରୋଗ, ଫୁସଫୁସ ସଂକ୍ରମଣ ଏବଂ ଯକୃତ ସମ୍ବନ୍ଧୀୟ ରୋଗ ପାଟିରେ ଦୁର୍ଗନ୍ଧ ସହ ଜଡିତ ।
କିପରି ଚିକିତ୍ସା କରିବେ
ପାଟିରେ ଦୁର୍ଗନ୍ଧ ସମସ୍ୟାକୁ ଏଡାଇବା ପାଇଁ ପାଟିର ସ୍ୱଚ୍ଛତା ପ୍ରତି ବିଶେଷ ଧ୍ୟାନ ଦେବା ଜରୁରୀ । ଯେଉଁଥିପାଇଁ ଦୈନନ୍ଦିନ କାର୍ଯ୍ୟରେ କିଛି ନିୟମ ଅନ୍ତର୍ଭୁକ୍ତ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ସେଥିମଧ୍ୟରୁ କିଛି ନିମ୍ନରେ ବର୍ଣ୍ଣନା କରାଯାଇଛି ।
- ଦିନକୁ ଅତି କମରେ ଦୁଇଥର ଦାନ୍ତ ଘଷନ୍ତୁ ଯଥା ସକାଳେ କିଛି ଖାଇବା ପୂର୍ବରୁ ଏବଂ ରାତିରେ ଶୋଇବା ପୂର୍ବରୁ
- କିଛି ଖାଇବା ପରେ ନିୟମିତ ଭାବେ ଡେଣ୍ଟାଲ ଫ୍ଲସ୍ ବ୍ୟବହାର କରନ୍ତୁ
- ଯଦି ସମ୍ଭବ, ଫ୍ଲୋରାଇଡ୍ ଟୁଥପେଷ୍ଟ ବ୍ୟବହାର କରନ୍ତୁ ଏବଂ କିଛି ଖାଇବା କିମ୍ବା ପିଇବା ପରେ ବିଶୁଦ୍ଧ ପାଣିରେ ପାଟିକୁ ସଫା କରନ୍ତୁ
- ସର୍ବଦା ଏକ ନରମ ବ୍ରଶ୍ ବ୍ୟବହାର କରନ୍ତୁ ଏବଂ ପ୍ରତି ଚାରିମାସ ପରେ ବ୍ରଶ୍ ପରିବର୍ତ୍ତନ କରନ୍ତୁ
- ନିୟମିତ ବ୍ୟବଧାନରେ ଦାନ୍ତ ଯାଞ୍ଚ କରନ୍ତୁ
- ପ୍ରଚୁର ପାଣି ପିଅନ୍ତୁ
- ସୁସ୍ଥ ଖାଦ୍ୟ ଖାଆନ୍ତୁ
