ହାଇଦ୍ରାବାଦ: ଆଜିକାଲି ପ୍ରଦୂଷଣର ସ୍ତର କ୍ରମାଗତ ଭାବେ ବୃଦ୍ଧି ପାଉଛି । ଏହା ଫୁସଫୁସକୁ ପ୍ରଭାବିତ କରୁଛି ଏବଂ ଲୋକମାନେ ଫୁସଫୁସ କର୍କଟର ଶିକାର ହେଉଛନ୍ତି । ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ବାୟୁ ପ୍ରଦୂଷଣ ପରିବେଶରେ ଏତେ ମାତ୍ରାରେ ବ୍ୟାପିଛି ଯେ, ସିଗାରେଟ୍ ଟାଣୁନଥିବା ଲୋକ ମଧ୍ୟ ଫୁସଫୁସ କର୍କଟ ରୋଗରେ ଆକ୍ରାନ୍ତ ହେଉଛନ୍ତି । ବର୍ତ୍ତମାନ ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳରେ ବାୟୁ ପ୍ରଦୂଷଣ ସର୍ବାଧିକ ରହିଛି । ଏହି ସ୍ଥାନଗୁଡ଼ିକର ଡାକ୍ତରଖାନାଗୁଡ଼ିକରେ ଶ୍ୱାସକ୍ରିୟା ରୋଗୀଙ୍କ ସଂଖ୍ୟା ବଢ଼ୁଛି । ଆସନ୍ତୁ ଜାଣିବା ଖରାପ ବାୟୁ କେତେ ବିପଜ୍ଜନକ ?
ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବାନୁସାରେ, ଅନେକ ରୋଗୀ, ଯେଉଁମାନେ ପୂର୍ବରୁ ଶ୍ୱାସକ୍ରିୟା ଜନିତ ରୋଗରେ ପୀଡ଼ିତ, ଏବଂ ଚିକିତ୍ସା ପରେ ସେମାନଙ୍କର ଅବସ୍ଥା ସ୍ୱାଭାବିକ ହୋଇଥିଲା । ବିଗତ ଦିନ ମଧ୍ୟରେ ସେମାନଙ୍କ ସ୍ବାସ୍ଥ୍ୟ ଅଧିକ ଖରାପ ହୋଇଯାଇଛି । ଏହିପରି ରୋଗୀଙ୍କୁ ଇନହଲର୍ ବ୍ୟବହାର କରିବାକୁ ପଡୁଛି । ଆସ୍ଥମା ରୋଗର ଲକ୍ଷଣ ମଧ୍ୟ କେତେକ ରୋଗୀଙ୍କଠାରେ ଦେଖିବାକୁ ମିଳିଛି ।
ସଂକ୍ରମଣ ବୃଦ୍ଧି
ଡାକ୍ତରଙ୍କ କହିବାନୁସାରେ, ହସ୍ପିଟାଲକୁ ଆସୁଥିବା ଶ୍ୱାସ ରୋଗୀଙ୍କ ମଧ୍ୟରେ କିଛି ରୋଗୀ ଅଛନ୍ତି, ଯେଉଁମାନଙ୍କଠାରେ ସଂକ୍ରମଣ ଦୀର୍ଘ ସମୟ ଧରି ରହୁଛି । ଆମ ଦେଶରେ ନଭେମ୍ବର ଆରମ୍ଭରୁ ଥଣ୍ଡା ପ୍ରଭାବ ବଢ଼ିବାରେ ଲାଗେ, ଯେଉଁ କାରଣରୁ ସଂକ୍ରମଣ ବଢ଼ିବାରେ ଲାଗେ । ବର୍ତ୍ତମାନ ଏହି ସମୟରେ ଏମିତି ମାମଲା ମଧ୍ୟ ସାମ୍ନାକୁ ଆସିଛି । ଯେଉଁଥିରେ ଲୋକମାନେ ଦୀର୍ଘ ସମୟ ପରେ ସୁସ୍ଥ ହେଉଛନ୍ତି । ଏହାକୁ ଏଡ଼ାଇବା ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ସତର୍କତା ଅବଲମ୍ବନ କରିବା ଉଚିତ ।
ଚୀନ୍ର ପରିସ୍ଥିତି ଉପରେ ନଜର
ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବାନୁସାରେ, ଏହି ସମୟରେ ଉତ୍ତର ଚୀନରେ ଶ୍ୱାସକ୍ରିୟାରେ ପୀଡ଼ିତ ରୋଗୀଙ୍କ ସଂଖ୍ୟା ବୃଦ୍ଧି ପାଉଛି । ଚୀନ୍ରୁ ମିଳିଥିବା ସୂଚନା ଅନୁଯାୟୀ ଏହା ଏକ ନୂତନ ସମ୍ଭ୍ରାନ୍ତ ଜୀବାଣୁ ନୁହେଁ । ବିଶେଷଜ୍ଞମାନେ କହିଛନ୍ତି ଯେ, ପ୍ରଥମେ ପିଲାମାନେ ଏବଂ ପରେ ବୟସ୍କ ବ୍ୟକ୍ତିମାନେ ଏହାର ଶିକାର ହେଉଛନ୍ତି । ବିଶ୍ବ ସ୍ବାସ୍ଥ୍ୟ ସଙ୍ଗଠନ ଅନୁଯାୟୀ, ଏହା କରୋନା ପରି ମାରାତ୍ମକ ନୁହେଁ । ସେପଟେ କିନ୍ତୁ ଚୀନର ନିମୋନିଆ ରୋଗୀଙ୍କ ବୃଦ୍ଧିଙ୍କୁ ଦୃଷ୍ଟିରେ ରଖି କେନ୍ଦ୍ର ସରକାର ଆଗୁଆ ପଦକ୍ଷେପ ଗ୍ରହଣ କରିଛନ୍ତି । ଭାରତ ସରକାର ଏଥିପ୍ରତି ନଜର ରଖିଛନ୍ତି ।
ଏହା ମଧ୍ୟ ପଢନ୍ତୁ: ଘାରିଲାଣି ନିମୋନିଆ ଭୟ; ୫ ରାଜ୍ୟକୁ ଆଲର୍ଟ
ଶ୍ୱାସ ରୋଗର ମୁକାବିଲା ପାଇଁ ପଦକ୍ଷେପଗୁଡ଼ିକର ବିସ୍ତୃତ ସମୀକ୍ଷା କରିବାକୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ନିଷ୍ପତ୍ତି ନେଇଛି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ବର୍ତ୍ତମାନର ସ୍ୱାଇନ୍ ଫ୍ଲୁ ଏବଂ ଶୀତ ଋତୁକୁ ଧ୍ୟାନରେ ରଖିବା ଜରୁରୀ ଅଟେ । ରାଜ୍ୟ ତଥା କେନ୍ଦ୍ର ଅଞ୍ଚଳକୁ ଲେଖାଯାଇଥିବା ଏକ ଚିଠିରେ ସେମାନଙ୍କୁ ତୁରନ୍ତ ଜନସ୍ୱାସ୍ଥ୍ୟ ଏବଂ ଡାକ୍ତରଖାନାର ପ୍ରସ୍ତୁତି ସମୀକ୍ଷା କରିବାକୁ ପରାମର୍ଶ ଦିଆଯାଇଛି ।
