ରାଉରକେଲା: ନିଆଁରେ ପୋଡି ହୋଇ ଜଣେ ମହିଳାଙ୍କର ରାଉରକେଲା ସରକାରୀ ହସ୍ପିଟାଲ ରେ ମୃତ୍ୟୁ ହୋଇଛି । ମୃତ ମହିଳାଙ୍କୁ 18 ବର୍ଷ ହୋଇଥିବା ବେଳେ ତାଙ୍କର 4 ମାସର ଛୁଆ ରହିଥିବା ଜଣା ପଡିଛି । ରାଜଗାଙ୍ଗପୁର ଥାନା ତଲକିପଡାର ମୁସ୍କାନ ମୁଖୀର ବିବାହ କୂଟର ଥାନା ଅଂଚଳ ରେ ଦିବାକର ମୁଖୀ ସହିତ ହୋଇଥିଲା । ଘଟଣା ପର ଠାରୁ ତାର ସ୍ବାମୀ ଫେରାର ରହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ଘରୁ ଧୁଆଁ ବାହାରୁଥିବା ଦେଖି ଗ୍ରାମବାସୀ ଦଉଡି ଆସିବା ସହ ମହିଳା ଜଣଙ୍କ ପଡିଥିବାର ଦେଖିବା ପରେ ତାଙ୍କୁ ହସ୍ପିଟାଲ ଆଣିଥିଲେ ।
ଶ୍ବଶୁର ଘର ଲୋକ ତାକୁ ପୋଡି ମାରିଦେବା ସହ ଘଟଣାକୁ ଚାପିବା ପାଇଁ ପ୍ରୟାସ କରି ଏ ସମ୍ପର୍କରେ କିଛି ସୂଚନା ଦେଇ ନ ଥିଲେ ବୋଲି ମୃତକ ମହିଳାର ଘର ଲୋକ ଅଭିଯୋଗ କରିଛନ୍ତି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
