ସୁନ୍ଦରଗଡ: ଲୁହା ପାଇପରେ ଛେଚି ସ୍ବାମୀକୁ ହତ୍ୟା କଲା ସ୍ତ୍ରୀ । ଏପରି ଅଭାବନୀୟ ଘଟଣା ଘଟିଛି ସୁନ୍ଦରଗଡ ଜିଲ୍ଲା ତଳସରା ଥାନା ଶୁଖାମହାଦେବପଡାର ଡୁଙ୍ଗୁରିପଡାରେ ।
ସ୍ବାମୀକୁ ହତ୍ୟା କଲା ସ୍ତ୍ରୀ
ସୂଚନାଅନୁସାରେ, ଗତକାଲି ବିଳମ୍ବିତ ରାତିରେ ଡୁଙ୍ଗିରିପଡାର ପ୍ରକାଶ କୁଜୁର ଓ ସୁଷମା କୁଜୁରଙ୍କ ମଧ୍ୟରେ ଝଗଡା ଲାଗିଥିଲା । ଏଥିଲେ ଉତିକ୍ଷିପ୍ତ ହୋଇ ପ୍ରକାଶ ସୁଷମାଙ୍କୁ ମାରପିଟ କରିଥିଲା । ଏହା ପରେ ସ୍ତ୍ରୀ ସୁଷମା ଚୁପଚାପ ଶୋଇବା ଢଙ୍ଗରେ ଶୋଇଯାଇଥିଲେ ।
ପ୍ରକାଶ ନିଦରେ ଶୋଇଯିବା ପରେ ସୁଷମା ଏକ ଲୁହା ପାଇପରେ ପ୍ରକାଶ ମୁଣ୍ଡକୁ ଛେଚି ତାକୁ ହତ୍ୟା କରିଛି । ଆଜି ସକାଳୁ ସୁଷମା ତଳସରା ଥାନାରେ ଆତ୍ମସମର୍ପଣ କରିଛି । ଏହା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ସୁଷମାଙ୍କୁ ଥାନାରେ ଅଟକ ରଖିଛି ପୋଲିସ ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
