ସୁନ୍ଦରଗଡ଼: ଜିଲ୍ଲା ରାଜଗାଙ୍ଗପୁର ଥାନା ଅନ୍ତର୍ଗତ ଜାମପାଲି ନିକଟରେ ଟ୍ରକ ଦୁର୍ଘଟଣା ଘଟି ଚାଳକଙ୍କର ମୃତ୍ୟୁ ଘଟିଛି । ଏହି ଦୁର୍ଘଟଣାରେ ଖଲାସୀ ଗୁରୁତର ଆହତ ହୋଇଥିବା ବେଳେ ତାଙ୍କୁ ରାଉରକେଲା ସରକାରୀ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
ଏକ ପଥର ବୋଝେଇ ହୋଇଥିବା ବ୍ରେକ ଡାଉନ ଟ୍ରକ (OD-23B-9888)କୁ ପଛ ପଟୁ ଧକ୍କା ଦେବା ଫଳରେ ଏହି ଅଘଟଣ ଘଟିଛି । ଟ୍ରକ( CG-12AU-9485) ଟି କୋଇଲା ବେଝେଇ କରି ସୁନ୍ଦରଗଡରୁ ରାଉରକେଲା ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣା ଘଟିଛି । ରାଜଗାଙ୍ଗପୁର ପୋଲିସ ଘଟଣା ସ୍ଥଳରେ ପହଞ୍ଚି କ୍ରେନ ଯୋଗେ ଉଭୟଙ୍କୁ ଉଦ୍ଧାର କରିଛି । ପୋଲିସ ଗୁରୁତର ଆହତଙ୍କୁ ରାଉରକେଲା ସରକାରୀ ହସ୍ପିଟାଲକୁ ପଠାଇବା ସହ ଟ୍ରକ ଚାଳକଙ୍କ ମୃତଦେହକୁ ରାଜଗାଙ୍ଗପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଫ୍ରିଜରରେ ରଖି ତଦନ୍ତ ଚଳାଇଛି । ତେବେ ମୃତ ଚାଳକଙ୍କ ଘର ଛତିଶଗଡ ବୋଲି ପୋଲିସ ତାର ପ୍ରାଥମିକ ତଦନ୍ତରେ କହିଛି ।
ସୁନ୍ଦରଗଡ଼ରୁ ହରିହର ଦାସ ମହାପାତ୍ର, ଇଟିଭି ଭାରତ
