ସୁନ୍ଦରଗଡ: ଜିଲ୍ଲା କାଂଶବାହାଲ ଫାଣ୍ଡି ଅନ୍ତର୍ଗତ ସର୍ବେଶ୍ଵର ଛୋଟରାୟ ନାମକ ବ୍ୟକ୍ତିଙ୍କ ଘରେ ପହଞ୍ଚିଲା ଏକ ସନ୍ଦେହଜନକ ପାରା । ପାରାର ଗୋଡ଼ରେ ଚୀନ ଭାଷାରେ କିଛି ଲେଖା ଥିବା ଏକ ଟ୍ୟାଗ ଲାଗିଛି । ପାରାଟି ଚୀନରୁ ଆସିଥିବା ନେଇ ସନ୍ଦେହ କରାଯାଉଛି ।
ସୁନ୍ଦରଗଡରେ ଗୁଇନ୍ଦା ପାରା ! ପାଦରେ ଲାଗିଛି ଚୀନ ଟ୍ୟାଗ
ଏହାକୁ ନେଇ ଜନୈକ ବ୍ୟକ୍ତି ଜଣକ ପୋଲିସକୁ ଖବର ଦେଇଛନ୍ତି । ପୋଲିସ ପାରାକୁଟି ଉଦ୍ଧାର କରି ତଦନ୍ତ ଆରମ୍ଭ କରିଛି ।
ଚୀନ ଭାଷା ଲେଖା ଟ୍ୟାଗ ଲାଗିଥିବା ପାରାଟି କାଂଶବାହାଲକୁ କିଭଳି ଆସିଲା ସେନେଇ ତଦନ୍ତ ଆରମ୍ଭ କରିଛି ପୋଲିସ । ପାରା ଗୋଡରେ ଚୀନ ଭାଷାର କେହି ଟ୍ୟାଗ ଲଗାଇ ପାରାକୁ ଛାଡି ଦେଇଥିବା ମଧ୍ୟ ଅନୁମାନ କରାଯାଉଛି । ତେବେ ପୋଲିସ ଓ ଗୁଇନ୍ଦା ବିଭାଗ ଏହି ପାରାର ଉପସ୍ଥିତି ନେଇ ତନାଘନା ଜାରି ରଖିଛି ।
ସୁନ୍ଦରଗଡ଼ରୁ ହରିହର ଦାସ ମହାପାତ୍ର, ଇଟିଭି ଭାରତ
