ରାଉରକେଲା: ମହାନଗର ନିଗମ ସମ୍ମୁଖରେ ଖୁଚୁରା ବିକ୍ରେତାମାନେ ଶାନ୍ତି ପୂର୍ଣ୍ଣ ଧାରଣା ଦେଇଛନ୍ତି । ୨୮ ମାସର ବକେୟା ଟଙ୍କା ସହ ପାଞ୍ଚ ଦଫା ଦାବି ନେଇ ରାଜ୍ୟ ତମାମ ବିକ୍ଷୋଭ ପ୍ରଦର୍ଶନ କରିଛନ୍ତି ଖୁଚୁରା ବିକ୍ରେତା । ରାଉରକେଲାରେ ସରକାରୀ ସହାୟତା ଦାବିରେ ଖୁଚୁରା ବ୍ୟବସାୟୀ ସଙ୍ଘ ପକ୍ଷରୁ ଶାନ୍ତିପୂର୍ଣ୍ଣ ଧାରଣା ଦିଆଯାଇଛି । ଖୁଚୁରା ବ୍ୟବସାୟୀମାନେ ଓଡ଼ିଶା ସରକାରଙ୍କଠାରୁ ଉଚିତ ସାହାଯ୍ୟ ଓ ସହାୟତା ଦାବି କରିଛନ୍ତି ।
ଦୀର୍ଘ ଦିନର ଅଭିଯୋଗ ପ୍ରତି ଦୃଷ୍ଟି ଆକର୍ଷଣ କରିବା ସହ ନ୍ୟାୟ ପ୍ରଦାନ ଦାବିରେ ରାଉରକେଲା ଖୁଚୁରା ବ୍ୟବସାୟୀ ସଙ୍ଘ ପକ୍ଷରୁ ରାଉରକେଲା ମହାନଗର ନିଗମ କାର୍ୟ୍ୟାଳୟ ସମ୍ମୁଖରେ ଶାନ୍ତିପୂର୍ଣ୍ଣ ବିକ୍ଷୋଭ ପ୍ରଦର୍ଶନ କରାଯାଇଛି । ଏହି ପରିପ୍ରେକ୍ଷୀରେ ସମସ୍ତ ଖୁଚୁରା ବିକ୍ରେତାମାନେ ସେମାନଙ୍କ ଦାବି ପୂରଣ ପାଇଁ ଏକଜୁଟ ହୋଇଥିଲେ । ଖୁଚୁରା ବ୍ୟବସାୟୀ ସଙ୍ଘ ଅନେକ ଗୁରୁତ୍ୱପୂର୍ଣ୍ଣ ଦାବି କରିଛି ଯଦି ତାହା ସମାଧାନ ନକରାଯାଏ ଆଗାମୀ ଦିନରେ ରାଜ୍ୟ ସରକାର ବିରୋଧରେ ବିଶାଳ ଆନ୍ଦୋଳନ କରିବେ ବୋଲି କହିଛି ସଙ୍ଘ । ସେମାନଙ୍କର ପ୍ରମୁଖ ୫ଟି ଦାବି ରହିଛି ।
ବକେୟା ଅର୍ଥର ତୁରନ୍ତ ପୈଠ ।
- ଠିକ୍ ସମୟରେ ପାରିଶ୍ରମିକ ମିଳିବ।
- ଷ୍ଟାଣ୍ଡର୍ଡ ବଣ୍ଟନ ଦର ଖୁଚୁରା ବ୍ୟବସାୟୀଙ୍କୁ ସାମଗ୍ରୀ ଯୋଗାଇ ଦେବା ।
- ମୌଳିକ ସୁବିଧା ପାଇଁ ସବସିଡି
- ବୀମା କଭରେଜ୍ ଏବଂ ସ୍ୱାସ୍ଥ୍ୟସେବା
ଏହା ବି ପଢନ୍ତୁ...୨୦୦ ୟୁନିଟ ମାଗଣା ବିଜୁଳି ଦାବିରେ ଆପ୍ର ବିକ୍ଷୋଭ ପ୍ରଦର୍ଶନ
ଖୁଚୁରା ବ୍ୟବସାୟୀମାନେ ସରକାରଙ୍କୁ ଅନୁରୋଧ କରିଛନ୍ତି ଯେ ଖୁଚୁରା ସାମଗ୍ରୀର ବଣ୍ଟନ ସହିତ ଜଡ଼ିତ ସମସ୍ତ ବକେୟା ରାଶିକୁ ସମ୍ପୂର୍ଣ୍ଣ ୨୮ ମାସର ବକେୟା ରାଶି ସମସ୍ତ ଡିଲରଙ୍କୁ ପ୍ରଦାନ କରନ୍ତୁ । ଯାହା ସେମାନଙ୍କ ବ୍ୟବସାୟକୁ ତ୍ୱରାନ୍ୱିତ କରିବା ସହ ଆର୍ଥିକ ସହାୟତା ପ୍ରଦାନ କରିବ । ସାମଗ୍ରୀ ବଣ୍ଟନ ପ୍ରକ୍ରିୟା ଶେଷ ହେବା ପରେ ନିର୍ଦ୍ଦିଷ୍ଟ ସମୟ ମଧ୍ୟରେ ସାମଗ୍ରୀ ବଣ୍ଟନର ପାରିଶ୍ରମିକ ପ୍ରଦାନ କରିବାକୁ ସଙ୍ଘ ଅନୁରୋଧ କରିଛି ।
ଏହାଦ୍ୱାରା ଖୁଚୁରା ବ୍ୟବସାୟୀଙ୍କୁ ସେମାନଙ୍କ ପ୍ରୟାସ ପାଇଁ ଉଚିତ କ୍ଷତିପୂରଣ ମିଳିବ । ଷ୍ଟାଣ୍ଡାର୍ଡ ବଣ୍ଟନ ଦର ଖୁଚୁରା ବ୍ୟବସାୟୀମାନେ ଡେଲିଭରି ଠାରୁ ଆରମ୍ଭ କରି ପ୍ରକୃତ ବଣ୍ଟନ ପର୍ୟ୍ୟନ୍ତ ପ୍ରତି କ୍ୱିଣ୍ଟାଲରେ କିଲୋଗ୍ରାମ ସାମଗ୍ରୀର ସଟେଜରେ ଭରଣା ଭାବରେ ସାମଗ୍ରୀ ଯୋଗାଇ ଦିଆଯାଉ । ମୌଳିକ ସୁବିଧା ପାଇଁ ସବସିଡି ଓ ଛୋଟ ଖୁଚୁରା ବ୍ୟବସାୟୀମାନେ ସମ୍ମୁଖୀନ ହେଉଥିବା ଦୋକାନ ଭଡ଼ା, ବିଜୁଳି ବିଲ୍, ଏବଂ ଅନ୍ୟାନ୍ୟ ଅତ୍ୟାବଶ୍ୟକ ସାମଗ୍ରୀ ପାଇଁ ସବସିଡି ଓ ଜୀବନବିମା ବାବଦକୁ 25 ଲକ୍ଷ ଟଙ୍କା ପ୍ରଦାନ ପାଇଁ ଦାବି କରିଛିନ୍ତି ।
ଯେଉଁମାନେ ଅକ୍ଳାନ୍ତ ପରିଶ୍ରମ କରି ସାଧାରଣ ଲୋକଙ୍କ ସେବା କରି ହନ୍ତସନ୍ତ ହେଉଛନ୍ତି । ବର୍ତ୍ତମାନ କେବଳ ଶାନ୍ତିପୂର୍ଣ୍ଣ ଭାବରେ ଦାବି ଜଣାଯାଇଛି ଏବଂ ଯଦି ରାଜ୍ୟ ସରକାର ଏହାକୁ ନଶୁଣନ୍ତି ତେବେ ଆଗାମୀ ଦିନରେ ବ୍ୟାପକ ଆନ୍ଦୋଳନ ଏବଂ ଧାରଣା ପ୍ରଦର୍ଶନ କରାଯିବ ବୋଲି ଚେତାବନୀ ଦେଇଛନ୍ତି ।
ଇଟିଭି ଭାରତ, ସୁନ୍ଦରଗଡ
