ରାଉରକେଲା: ନିର୍ବାଚନ ପୂର୍ବରୁ ନକ୍ସଲଙ୍କ ଉନ୍ମତ କାଣ୍ଡ । ରାଉରକେଲା ଓଡିଶା ଝାଡ଼ଖଣ୍ଡ ସୀମାନ୍ତ ବିଶ୍ରା ଥାନାର ସାନରାମଲୋଇର ଗଙ୍ଗେଇଟୋଲାରେ ନକ୍ସଲମାନେ ଏକ ରୋଡ ରୋଲରକୁ ପୋଡି ଦେଇଥିବା ସୂଚନା ମିଳିଛି । ତେବେ ଏନେଇ ନକ୍ସଲମାନେ ଘଟଣାସ୍ଥଳର କିଛି ଦୂରରେ ଏକ ଚିଠି ମଧ୍ୟ ଛାଡିଛନ୍ତି । ସେମାନଙ୍କୁ ଚାନ୍ଦା ନମିଳିବାରୁ ଏପରି କାଣ୍ଡ ଘଟେଇଛନ୍ତି ନକ୍ସଲମାନେ ।
କିନ୍ତୁ ଚିଠିରୁ ଜଣାପଡୁ ନାହିଁ ଯେ, ଏହି କାଣ୍ଡ ମାଓବାଦୀ କରିଛି ପିଏଲଏଫଆଇ ସଂଗଠନ କରିଛି । ତେବେ ଖବର ପାଇ ବିଶ୍ରା ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନାମୁତାବକ, ପ୍ରଧାନମନ୍ତ୍ରୀ ସଡକ ଯୋଜନାରେ ସେଠାରେ କାମ ଚାଲିଥିବା ବେଳେ ନକ୍ସଲମାନେ ଚାନ୍ଦା ମାଗିଥିଲେ । ସେମାନଙ୍କୁ ଚାନ୍ଦା ନ ମିଳିବାରୁ ସେମାନେ ଏପରି କାଣ୍ଡ ଘଟାଇଛନ୍ତି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
