ରାଉରକେଲା: ଶୁକ୍ରବାର ଆସିଥିବା ରାଜ୍ୟ କୋରୋନା ଆକ୍ରାନ୍ତଙ୍କ ମଧ୍ୟରେ 3ଜଣ ସୁନ୍ଦରଗଡ ଜିଲ୍ଲାର ବୋଲି ସୂଚନା ଓ ଲୋକ ସମ୍ପୂର୍କ ବିଭାଗ ପକ୍ଷରୁ ସୂଚନା ମିଳିଛି । ତେବେ ସେମାନଙ୍କ ମଧ୍ୟରୁ ଆଇଜିଏଚରେ ଜଣେ ଆକ୍ରାନ୍ତ ଭର୍ତ୍ତି ହୋଇଛନ୍ତି ।
ସେହି 64ବର୍ଷୀୟ ଆକ୍ରାନ୍ତ ଜଣକ ସେକ୍ଟର-16 ଅଞ୍ଚଳର ହୋଇଥିବାରୁ, ସେକ୍ଟର-16ର 'ଏ' ବ୍ଲକର କିଛି ଅଞ୍ଚଳକୁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରାଯାଇଛି । ତେବେ ସେକ୍ଟର-16 'ଏ'ବ୍ଲକର କ୍ବାଟର ନଂ 1ରୁ 36 ନଂ ଯାଏଁ ଥିବା ଅଞ୍ଚଳକୁ କଣ୍ଟେନମେଣ୍ଟ ଅଞ୍ଚଳ ବୋଲି ଜିଲ୍ଲା ପ୍ରଶାସନ ପକ୍ଷରୁ ଘୋଷଣା କରାଯାଇଛି ।
ଖବରମୁତାବକ, ବୁଧବାର ସନ୍ଧ୍ୟାରେ ବ୍ୟକ୍ତି ଜଣଙ୍କୁ ନିଶ୍ବାସ ନେବାରେ କଷ୍ଟ ହେବାରୁ ତାଙ୍କୁ ଆଇଜିଏଚରେ ଭର୍ତ୍ତି ହୋଇଥିଲେ । ଉକ୍ତ ବ୍ୟକ୍ତି ଜଣକଙ୍କ କୋରୋନା ଟେଷ୍ଟ ହୋଇଥିଲା । ତେବେ ତାଙ୍କର ରିପୋର୍ଟ ଗୁରୁବାର ପଜିଟିଭ ଆସିବା ପରେ ଆଇଜିଏଚକୁ ସାନିଟାଇଜ କରାଯାଉଛି । ଏଥିସହ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ଡାକ୍ତର, ନର୍ସ ଏବଂ ୱାର୍ଡବୟ କ୍ବାରେନଣ୍ଟାଇନରେ ରହିଛନ୍ତି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
