ସୁନ୍ଦରଗଡ: କାଂଶବାହାଲ ପଥର ଖାଦାନ ମଧ୍ୟରୁ ମୃତଦେହ ଉଦ୍ଧାର। କେହି ହତ୍ୟାକରି ଫିଙ୍ଗି ଦେଇଥିବା ସନ୍ଦେହ । ମୃତକ ଜଣକ ରାଉରକେଲା କୋଏଲ ନଗର ବାସିନ୍ଦା ଗୋପାଳ ମହାକୁଡ ହୋଇଥିବା ସୂଚନା ।
କାଂଶବାହାଲର ଏକ ପୁରୁଣା ପଥର ଖାଦାନରେ ଜଣେ ବ୍ୟକ୍ତିଙ୍କ ମୃତଦେହ ପଡିଥିବା ନେଇ ରାଜଗାଙ୍ଗପରୁ ପୋଲିସକୁ ସୂଚନା ମିଳିଥିଲା । ଖବର ପାଇ କାଂଶବାହାଲ ଫାଣ୍ଡି ପୋଲିସ ରାଜଗାଙ୍ଗପୁର SDPO, ରାଜଗାଙ୍ଗପୁର ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ସାଇଣ୍ଟିଫିକ ଟିମ ସାହାଯ୍ୟରେ ତଦନ୍ତ କରିଥିଲା । ମୃତଦେହ ପଡିଥିବା ସ୍ଥାନରୁ ପୋଲିସ ଗୋଟିଏ ଲୁହା ରଡ ଏବଂ ଗୋଟିଏ ମୋବାଇଲ ଫୋନ ଜବତ କରିଛି ।
ତେବେ ମୃତଦେହଟି 20 ଫୁଟରୁ ଅଧିକ ଗଭୀର ଖାଦାନରେ ପଡି ଥିବା ଏବଂ ସେଠାରେ ଲୁହା ରଡକୁ ଦେଖି ଏହା ଏକ ହତ୍ୟାକାଣ୍ଡ ବୋଲି ପୋଲିସ ସନ୍ଦେହ କରୁଛି ।
ସୁନ୍ଦରଗଡରୁ ହରିହର ଦାସମହାପାତ୍ର, ଇଟିଭି ଭାରତ
