ସୁନ୍ଦରଗଡ: କୋରୋନା ମହାମାରୀ ଯୋଗୁଁ ବସ କର୍ମଚାରୀଙ୍କ ଜୀବିକା ସମ୍ପୂର୍ଣ୍ଣ ଠପ ହୋଇଥିବାବେଳେ ସେମାନଙ୍କ ପରିବାର ପାଇଁ ଦାନା ଗଣ୍ଡିଏ ଯୋଗାଡ କରିବା ମଧ୍ୟ ପାଇଁ କଠିନ ବ୍ୟାପାର ହୋଇଛି । ଏହି ଅନାଟନ ସମୟରେ ସେମାନଙ୍କ ମୁହଁରେ ଗଣ୍ଡିଏ ଖାଦ୍ୟ ଯୋଗାଇବା ପାଇଁ କାର୍ଯ୍ୟକ୍ରମ ହାତକୁ ନେଇଛି ସୁନ୍ଦରଗଡ ଜିଲ୍ଲା ବିଜୁ ଛାତ୍ର ଜନତା ଦଳ ।
ବିଜୁ ଛାତ୍ର ଜନତା ଦଳ ପକ୍ଷରୁ କର୍ମୀମାନେ ସୁନ୍ଦରଗଡ ପୁରୁଣା ବସଷ୍ଟାଣ୍ଡ ନିକଟରେ ଘରୋଇ ବସ୍ କର୍ମଚାରୀଙ୍କ ୧୦୦ ଜଣ ପରିବାରକୁ ମାସକର ରାସନ୍ ସାମଗ୍ରୀ ବଣ୍ଟିଛନ୍ତି । ବିଜୁ ଛାତ୍ର ଜନତା ଦଳ କର୍ମୀଙ୍କ ଏହି କାର୍ଯ୍ୟକୁ ଉତ୍ସାହିତ କରିବା ପାଇଁ ସୁନ୍ଦରଗଡର ପୂର୍ବତନ ବିଧାୟକ ତଥା ବିଜେଡି ରାଜ୍ୟ ସାଧାରଣ ସମ୍ପାଦକ ଯୋଗେଶ କୁମାର ସିଂହ ,ବିଜୁ ଛାତ୍ର ଜନତା ଦଳର ସଭାପତି ସୟଦ ସେହବାଜ ହୁସେନ ଓ ବରିଷ୍ଠ ନେତା ଜନ୍ମଜୟ ମହାପାତ୍ର, ଜୟ ନାରାୟଣ ତ୍ରିପାଠୀ, ଜଗଦୀଶ ପ୍ରତାପ ଦେଓ, ବେଣୁଧର ତାଣ୍ଡିଆ, ସୁନୀଲ ମହାପାତ୍ର, ସଦର ବ୍ଲକ ଉପାଧ୍ୟକ୍ଷ ଅଶ୍ୱିନୀ ନାୟକ, ଆଇନଜୀବୀ ସାମ୍ମୁଖ୍ୟ ଜିଲ୍ଲା ଆବାହକ ଅଶୋକ ସ୍ୱାଇଁ ପ୍ରମୁଖ ଯୋଗଦେଇ ଥିଲେ ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
