ରାଉରକେଲା: ଝାଡଖଣ୍ଡର ସୋନୁଆ ତଥା ଚକ୍ରଧରପୁର ଥାନା ଅଞ୍ଚଳରୁ କାମ ପାଇଁ ଚାଲାଣ ହେଉଥିବା 20 ଜଣ ଯୁବତୀଙ୍କୁ ଉଦ୍ଧାର କରିଛି ରାଉରକେଲା ରେଳବାଇ ପୋଲିସ । ଏହି 20 ଜଣଙ୍କ ମଧ୍ୟରୁ 5 ଜଣ ନାବାଳିକା ବୋଲି ଜଣାପଡିଛି। ଉଦ୍ଧାର ହୋଇଥିବା ଯୁବତୀଙ୍କୁ ଚାଇଲ୍ଡ ଲାଇନରେ ରଖାଯାଇଛି ।
ଚାଲାଣ ହେଉଥିବା 20 ଯୁବତୀଙ୍କୁ ଉଦ୍ଧାର କଲା ରେଳ ପୋଲିସ
ଟାଟା ଏଲକ୍ସି ଏକ୍ସପ୍ରେସରେ ପୂର୍ବରୁ ତାମିଲନାଡୁରେ କାମ କରୁଥିବା ସେହି ଅଞ୍ଚଳର ରାଣୀ ଓ ପାର୍ବତୀ ହେମରମ୍ ଏମାନଙ୍କୁ ନେଉଥିବା ସମୟରେ ରାଉରକେଲା ରେଳବାଇ ପୋଲିସ ଉଦ୍ଧାର କରିଥିଲା । ପାର୍ବତୀ 5 ଜଣଙ୍କୁ ନେଇ ଯାଉଥିବା ବେଳେ ରାଣୀ ଅନ୍ୟ ମାନଙ୍କୁ ନେଇ ଯାଉଥିଲା । ଯୁବତୀଙ୍କୁ ଉଦ୍ଧାର କରିବା ପରେ ସେମାନଙ୍କ ଘର ଲୋକଙ୍କୁ ଖବର ଦିଆଯାଇଛି । ତେବେ ଏଯାଏଁ ଦଲାଲରେ କୌଣସି ଖବର ମିଳିପାରିନାହିଁ ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
