ସୁନ୍ଦରଗଡ: ଜିଲ୍ଲାସ୍ଥିତ ଟାଙ୍ଗରା-ଏକାମ ରାସ୍ତା ନିକଟରେ ସଡକ ଦୁର୍ଘଟଣା ଘଟି ଦୁଇଜଣଙ୍କର ପ୍ରାଣହାନୀ ଘଟିଛି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଲାଗି ରହିଥିଲା । ପୋଲିସର ବୁଝାସୁଝା କରୁବା ପରେ ରାସ୍ତାରୋକ ହଟିଛି ।
ବୁଧବାର ଅପରାହ୍ନରେ ସୁନ୍ଦରଗଡ ଜିଲ୍ଲା ତଳସରା ଥାନା ଅନ୍ତର୍ଗତ ସବଡେଗା ଟାଙ୍ଗରା-ଏକମା ରାସ୍ତା ନିକଟରେ ଏକ ସଡକ ଦୁର୍ଘଟଣା ଘଟିଥିଲା । ବାଇକ-ପିକଅପ ମଧ୍ୟରେ ମୁହାଁମୁହାଁ ଧକ୍କା ହେବାରୁ ଦୁଇଜଣ ବାଇକ ଆରୋହୀଙ୍କର ମୃତ୍ୟୁ ଘଟିଛି । ଘଟଣାସ୍ଥଳରେ ଆରୁନ୍ସ ନାମକ ଜଣେ ଯୁବକଙ୍କର ମୃତ୍ୟୁ ହୋଇ ଥିବାବେଳେ ପ୍ରଶାନ୍ତ କୁଜୁରଙ୍କର ଡାକ୍ତରଖାନା ନେବା ରାସ୍ତାରେ ପ୍ରାଣହାନୀ ଘଟିଛି ।
ଦୁର୍ଘଟଣାକୁ ନେଇ ବୁଧବାର ଠାରୁ ଉତ୍ତେଜନା ଲାଗି ରହିଥିଲା । ଆଜି(ଗୁରୁବାର) ଅତିରିକ୍ତ ଆରକ୍ଷୀ ଅଧିକ୍ଷକ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
