ସୁବର୍ଣ୍ଣପୁର: ଜିଲ୍ଲାର ଭୋଟର ତାଲିକା ପ୍ରକାଶିତ ହୋଇଛି। ଜିଲ୍ଲା ପ୍ରଶାସନ ପକ୍ଷରୁ ଚାଲିଥିବା ସଂଶୋଧନ ପ୍ରକ୍ରିୟା ଶେଷ ହୋଇଥିବା ବେଳେ ଚୂଡାନ୍ତ ତାଲିକା ଫେବୃଆରୀ ପ୍ରଥମ ସପ୍ତାହରେ ପ୍ରକାଶ ପାଇବ ବୋଲି ସୋନପୁର ରିଟର୍ଣ୍ଣିଂ ଅଫିସର ତଥା ଉପଜିଲ୍ଲାପାଳ ବଳରାମ ମଲ୍ଲିକ ସୂଚନା ଦେଇଛନ୍ତି।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ଏହି ତାଲିକାରେ 18 ଓ 19 ବର୍ଷୀୟ 12 ହଜ଼ାର 465 ଜଣ ଯୁବକ ଯୁବତୀଙ୍କୁ ସାମିଲ କରାଯାଇଛି। ପୂର୍ବରୁ ଜିଲ୍ଲାରେ 4 ଲକ୍ଷ 50 ହଜ଼ାର 688 ଭୋଟର ଥିବାବେଳେ ଏବେ ତାହା 4 ଲକ୍ଷ 56 862 ପହଞ୍ଚିଛି।
ଏହି ତାଲିକାରେ ଭୋଟର ନାଁ ବାଦ, ପଞ୍ଜିକରଣ ଓ ସଂଶୋଧନ କରାଯାଇ ଚିଠା ତାଲିକା ପ୍ରକାଶିତ ହୋଇଛି। ଆଉ 3ଟି ପର୍ଯ୍ୟାୟ କାର୍ଯ୍ୟ ପରେ ଚୂଡାନ୍ତ ତାଲିକା ଫେବୃଆରୀ 7 ରେ ପ୍ରକାଶିତ ହେବ ବୋଲି ଉପଜିଲ୍ଲାପାଳ ସୂଚନା ଦେଇଛନ୍ତି।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
