ସୁବର୍ଣ୍ଣପୁର: ଲାଞ୍ଚ ନେଇ ଫସିଲେ ଆରଆଇ । ଜିଲ୍ଲା ବୀରମାହାରାଜପୁର ରେଭିନ୍ୟୁ ସୁପରଭାଇଜର ଓ ଜଣେ ଅବସରପ୍ରାପ୍ତ ଆରଆଇଙ୍କୁ ଲାଞ୍ଚ ନେବା ଅଭିଯୋଗରେ ଗିପଫ କରିଛି ଭିଜିଲାନ୍ସ ।
ସୂଚନାଅନୁସାରେ, ଥାବର ମେହର ନାମକ ଜଣେ ବ୍ୟକ୍ତି ହାଇଟେକ ସେଟଲମେଣ୍ଟରେ ତାଙ୍କ ମା'ଙ୍କ ନାଁରେ ଥିବା ଜମିକୁ ନିଜ ନାମରେ କରିବାକୁ ତହସିଲ କାର୍ଯ୍ୟାଳୟ ଯାଇଥିଲେ । ସେଠାରେ ଜମିକୁ ଥବିରଙ୍କ ନାଁରେ କରିବାକୁ ଦଶ ହଜାର ଟଙ୍କା ଦାବି ହୋଇଥିଲା ।
ଏଥିରେ ଜଣେ ଅବସରପ୍ରାପ୍ତ ଆରଆଇ ବାବାଜି ଚରଣ ସାହୁ ଟଙ୍କା ଲେଣ ଦେଣରେ ମାଧ୍ୟମ ସାଜିଥିଲେ । ଏ ନେଇ ଅଭିଯୋଗ ହେବାପରେ ସୋନପୁର ଭିଜିଲାନ୍ସର ଏକ ଦଳ ବାବାଜୀ ଚରଣ ସାହୁଙ୍କଠାରୁ ଦଶ ହଜାର ଟଙ୍କା ଜବଦ କରିଛି ।
ବାବାଜି ଚରଣ ସାହୁଙ୍କୁ ଅଧିକ ପଚରା ଉଚରା କରିବା ପରେ ମୁଖ୍ୟ ଅଭିଯୁକ୍ତ ରେଭିନ୍ୟୁ ସୁପରଭାଇଜର ନବେନ୍ଦ୍ର ବୋଲି ଜାଣିବାକୁ ପାଇଥିଲେ । ନବେନ୍ଦ୍ରଙ୍କୁ ଗିରଫ କରି ସୋନପୁର ଭିଜିଲାନ୍ସ କାର୍ଯ୍ୟାଳୟରେ ରଖି ଅଧିକ ପଚରା ଉଚରା ଜାରି ରଖିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
