ସୁବର୍ଣ୍ଣପୁର: ଶୁକ୍ରବାର ପୁଣି ସୁବର୍ଣ୍ଣପୁରରେ ପ୍ରବଳ ଘୂର୍ଣ୍ଣିଝଡ ହୋଇଛି। ପ୍ରବଳବେଗରେ ପବନ ବୋହିବା ସହିତ ଘଡଘଡି ସାଙ୍ଗକୁ ପ୍ରବଳ ବର୍ଷା ହୋଇଛି । ଅଦିନିଆ ବର୍ଷା ଓ କାଳବୈଶାଖୀ ତାଣ୍ଡବରେ ଚାଳ ଛପର ଘର ବିଶେଷ ଭାବରେ କ୍ଷତିଗ୍ରସ୍ତ ହୋଇଛି।
2 ଦିନ ସୁବର୍ଣ୍ଣପୁରରେ ଘୂର୍ଣ୍ଣିଝଡ, ଉଡିଗଲା ଚାଳଛପର
ବିଭିନ୍ନ ସ୍ଥାନରେ ଗଛ ଗୁଡିକ ଭାଙ୍ଗି ରାସ୍ତାରେ ପଡିଥିବାରୁ ଗମନାଗମନ ବାଧାପ୍ରାପ୍ତ ହୋଇଛି । ଏପରିକି ବିଭିନ୍ନ ଯାଗାରେ ବିଦ୍ୟୁତ ତାର ଉପରେ ଗଛ ପଡିଥିବାରୁ ବିଦ୍ୟୁତ ସରବରାହରେ ବି ବ୍ୟତିକ୍ରମ ଦେଖା ଦେଇଛି ।
ଗୁରୁବାର ସଂନ୍ଧ୍ୟାରେ ବି ଝଡତୋଫାନରେ ବ୍ୟାପକ କ୍ଷତିଗ୍ରସ୍ତ ହୋଇଥିଲା । ଶୁକ୍ରବାର ପୁଣି ସୁବର୍ଣ୍ଣପୁରରେ ଝଡତୋଫାନ ହୋଇଛି । ଏହି ଘୂର୍ଣ୍ଣିଝଡର ପ୍ରଭାବରେ ବୁଣାକାର ଓ ଚାଷୀମାନେ କ୍ଷତିଗ୍ରସ୍ତ ହୋଇଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
