ସୁବର୍ଣ୍ଣପୁର: ଉଲୁଣ୍ଡା ଥାନା ଅନ୍ତର୍ଗତ ଛଡେଇପଙ୍କ ଗାଁ ପାଖରେ ଏକ କାରରେ ରନ୍ଧା ଦେଶୀ ମଦ ଚୋରାଚାଲାଣ ହେଉଥିବାବେଳେ ଲୋକଙ୍କ ହାତରେ ଜଣେ ମଦ ବେପାରୀ ଧରାପଡିଛି । ଜିଲ୍ଲାର ଉଲୁଣ୍ଡା ଅଞ୍ଚଳର ଝାରବାହାଲ ଗାଁରୁ ବରଗଡ଼ ଜିଲ୍ଲା ଭେଡେନକୁ ଏହି ମଦ ଚୋରାଚାଲାଣ ହେଉଥିଲା । ସ୍ଥାନୀୟ ଲୋକେ ଦୁଇ ଜଣକୁ କାବୁ କରିଥିବାବେଳେ ଜଣେ ମଦ ବେପାରୀ ଲୋକଙ୍କ କବଳରୁ ଖସି ଯିବାରେ ସକ୍ଷମ ହୋଇଛି । ସ୍ଥାନୀୟ ଲୋକେ ବିପୁଳ ପରିମାଣର ଚୋରା ମଦ ସହିତ ମଦ ବେପାରୀକୁ ପୋଲିସକୁ ଜିମା ଦେଇଛନ୍ତି ।
ପୋଲିସ ମଦ ସହିତ ମଦ ଚୋରାଚାଲାଣରେ ବ୍ୟବହୃତ କାରକୁ ଜବତ କରିଛି । ଉଲୁଣ୍ଡା ପୋଲିସ ଥାନାରେ ମଦ ବେପାରୀକୁ ଅଟକ ରଖି ପଚରାଉଚୁରା କରୁଛି। ମଦବେପାରୀ ଲମ୍ବୋଦର ବୋଲି ନିଜର ପରିଚୟ ଦେଇଛି । ପୋଲିସର ଜାଣତରେ ବ୍ୟାପକ ପରିମାଣରେ ଚୋରା ମଦ କାରବାର ହେଉଥିବାବେଳେ ଲୋକେ ଜାଣି ପାରି ଚଢ଼ାଉ କରୁଛନ୍ତି । ଅଥଚ ପୋଲିସ ସବୁ ଜାଣି ଅଜଣା ହେଉଛି କି ପ୍ରକୃତରେ କିଛି ଜାଣି ପାରୁ ନାହିଁ ତାହା ଏବେ ସାଧାରଣରେ ଆଲୋଚନା ହେଉଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
