ସୁବର୍ଣ୍ଣପୁର: ବେଆଇନ ପୋଖରୀ ଖନନ ଉପରେ ବନାଞ୍ଚଳ ବିଭାଗର ଚଢାଉ । ଜିଲ୍ଲାର ବୀରମହାରାଜପୁର ବୁଟୁଖମନ ସଂରକ୍ଷିତ ଜଙ୍ଗଲରେ ବେଆଇନ ପୋଖରୀ ଖୋଳୁଥିବା ସମୟରେ ବନ ବିଭାଗ ଚଢାଉ କରି ଛଅଜଣଙ୍କୁ ଅଟକ ରଖିବା ସହିତ ତିନିଟି ଟ୍ରାକ୍ଟର ଓ ଗୋଟିଏ ଜେସିବି ଜବତ କରିଛି ।
ବେଆଇନ ପୋଖରୀ ଖନନ ଉପରେ ଚଢାଉ
ସୂଚନାଅନୁସାରେ, ସୁବଲୟା ବନପାଳ ଅଧିନସ୍ଥ ବୁଦେଲବାହାଲ ଜଙ୍ଗଲ ମଧ୍ୟରେ ତ୍ରୀଲୋଚନ ମେହେର ନାମକ ଜଣେ ବ୍ୟକ୍ତି ବେଆଇନ ଭାବେ ଏକ ପୋଖରୀ ଖନନ କରୁଥିଲେ । କୌଣସି ସୂତ୍ରରୁ ବନ ବିଭାଗ ଖବର ପାଇ ବନଖଣ୍ଡ ଅଧିକାରୀଙ୍କ ନେତୃତ୍ବରେ ଚଢାଉ କରିଥିଲା ।
ଚଢାଉରେ ନିୟୋଜିତ ଥିବା 6ଜଣଙ୍କୁ ଅଟକ ରଖିବା ସହିତ ଗୋଟିଏ ଜେସିବି(od-31-A-9182) ସହିତ 3ଟି ଟ୍ରାକ୍ଟର( ଓଆର ୧୫ଏସ ୯୮୮୧, ଓଡି ୧୫ଜେ ୧୧୮୨) ଜବତ କରିଛି ବନ ବିଭାଗ । ଜବତ ତିନିଟି ଟ୍ରାକ୍ଟର ଭିତରୁ ଗୋଟିଏ ନମ୍ବର ବିହୀନ ରହିଛି । ଘଟଣାରେ ସମସ୍ତ ଛଅଜଣଙ୍କୁ ଅଟକ ରଖି ବନ ବିଭାଗ ତଦନ୍ତ ଜାରି ରଖିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିିିଭି ଭାରତ
