ସୁବର୍ଣ୍ଣପୁର: ଶୀତରେ ଥରୁଛି ସମଗ୍ର ରାଜ୍ୟ । ସୁବର୍ଣ୍ଣପୁର ଜିଲ୍ଲାରେ ପ୍ରବଳ ଶୀତ ଲହରୀ ଲାଗି ରହିଛି । କୁହୁ଼ଡିର ଘନ ଅନ୍ଧାର ସହ ଗାଁଠୁ ସହର ସବୁଆଡେ ଶୀତର ପ୍ରକୋପ ଦେଖିବାକୁ ମିଳୁଛି।
ଚଳିତ ବର୍ଷ ସୁବର୍ଣ୍ଣପୁରକୁ ଶୀତ ବିଳମ୍ବରେ ଆସିଥିଲେ ବି ଗତ କିଛିଦିନ ହେଲା ହଠାତ ଶୀତ ବଢ଼ିଯାଇଛି । ଶୀତର ପ୍ରଭାବରେ ଶୁନଶାନ ହୋଇଯାଇଛି ରାସ୍ତାଘାଟ। ଜିଲ୍ଲାରେ ଶୀତ ଏଥର ବିଳମ୍ବରେ ଆସିଥିଲେ ମଧ୍ୟ ଗତ ଦୁଇ ତିନି ଦିନ ହେବ ପ୍ରବଳ ଶୀତ ଅନୁଭୂତ ହେଉଛି । ଫଳରେ ଜନ ଜୀବନ ଅସ୍ତବ୍ୟସ୍ତ ହୋଇପଡିଛି । ଗତକାଲି ପାଗ ମେଘୁଆ ଥିବାବେଳେ କିଛି ସ୍ଥାନରେ ସାମାନ୍ୟ ବର୍ଷା ହୋଇଛି । ଫଳରେ ଜାଡରେ ଜଡୁଛି ସାରା ଜିଲ୍ଲା । ସକାଳୁ ଘରୁ ବାହାରିବା ପାଇଁ ଇଚ୍ଛା ହେଉନଥିବାବେଳେ ଶୀତ ଦାଉରୁ ରକ୍ଷା ପାଇବା ପାଇଁ ଲୋକେ ନିଆଁ ଲଗାଉଛନ୍ତି ।
ଗତକାଲି ଜିଲ୍ଲାର ପାରଦ ୪ ଡିଗ୍ରୀକୁ ଖସିଥିବାବେଳେ ଘନ କୁହୁଡି ଯୋଗୁଁ ଦିନ ୧୦ ଟା ଯାଏଁ ରାସ୍ତାଘାଟ ଦିଶୁ ନାହିଁ । ତେବେ ଶୀତ ଲହରୀ କେତେଦିନ ଲାଗି ରହିବ ସେ ଚିନ୍ତାରେ ବି ଜିଲ୍ଲାବାସୀ । ଚଳିତ ବର୍ଷ ବିଳମ୍ବିତରେ ଶୀତ ଆସିଥିଲେ ମଧ୍ୟ ଜାଡର ମାତ୍ରା ବଢିବାରେ ଲାଗିଛି । ପାଣିପାଗ ବିଭାଗର ସୂଚନା ଅନୁସାରେ ଆହୁରି ପ୍ରବଳ ଶୀତ ହେବ ବୋଲି କୁହାଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
