ସୁବର୍ଣ୍ଣପୁର: ଜିଲ୍ଲା ପୌର ପରିଷଦ ପକ୍ଷରୁ ସହରର ବିଭିନ୍ନ ଦୋକାନ ବଜାରରେ ଚଢାଉ କରି ପ୍ଲାଷ୍ଟିକ ସାମଗ୍ରୀ ଜବତ କରାଯାଇଛି । ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ଜଗଦୀଶ ମହନନ୍ଦ ଓ ଅତିରିକ୍ତ ତହସିଲଦାର ତଥା ମାଜିଷ୍ଟ୍ରେଟ ତ୍ରିପୁରା ମହାନନ୍ଦଙ୍କ ଉପସ୍ଥିତିରେ ଏହି ଚଢାଉ କରାଯାଇଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ସହରକୁ ପ୍ଲାଷ୍ଟିକ ମୁକ୍ତ ରଖିବାକୁ ପୌର ପରିଷଦ ପକ୍ଷରୁ ବାରମ୍ବାର ସଚେତନ କାର୍ଯ୍ୟକ୍ରମ କରାଯାଇଥିଲେ ମଧ୍ୟ ଖୋଲାଖୋଲି ଭାବେ ବଜାରରେ ପ୍ଲାଷ୍ଟିକ ବିକ୍ରି କରୁଥିବା ଦେଖିବାକୁ ମିଳିଛି । ଯାହାକୁ ନେଇ ଚଢାଉ କରାଯାଇଛି ।
ଏହି ଚଢାଉରେ 7ଟି ଦୋକାନରୁ 7 କୋଜି କ୍ୟାରୀ ବ୍ୟାଗ, 61 ବସ୍ତା ଥର୍ମକୁଲ ସାମଗ୍ରୀ ଜବତ କରାଯାଇଛି । ସେପଟେ ଦୋକାନମାନଙ୍କ ପାଖରୁ 7 ହଜାର 5 ଶହ ଟଙ୍କା ଜୋରିମାନ ଆଦାୟ କରାଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
